Pınchen shaıqasy
Bizdiń zamanymyzdan burynǵy I myńjyldyqta qalyptasqan ǵundar (hýnný) taıpasy bizdiń zamanymyzdan burynǵy İİİ ǵasyrdyń sońyna qaraı birigip, qýatty áskeri bar kóshpeliler ımperıasyn qurǵan. Bizdiń zamanymyzdan burynǵy 205 jyldan qaǵan taǵyna Móde otyrady. Móde bılik etken tusta jaýynger ǵundar kórshilerine jıi shabýyl jasap, kúırete soqqy berip turady. Ǵundardan seskengen qytaılyqtar shapqynshylyqqa toıtarys berý úshin Uly Qytaı qorǵanyn salǵyzady.
Ǵundardy Móde táńirqut, al Qytaıdy Han áýletinen Gaoszý bılegen kezeńde Pınchen qalasy tusynda iri shaıqas bolady. Qytaı bıleýshisi ǵundarǵa qarsy 320 myń áskerin attandyrady.
Biraq daryndy qolbasshy Móde qytaılardy aldap qaqpanǵa túsiredi. Urys kezinde Móde áskeriniń bir bóligi qasha jóneledi. Jeńiske senimdi bolǵan qytaılyqtar olardyń izderine túsedi. Biraq Módeniń esepsiz áskeri Beı Dın taýynyń eteginde olardy qorshap alady. Qorshaýdy buza almaǵan qytaı áskeri sýyq pen ashtyqtan óle bastaıdy. Óz áskerin qutqarý úshin Gaoszý Módemen tatýlyq kelisimine qol qoıady. Ol Módege óz qyzyn qalyńdyqqa berip, jibek mata, azyq-túlik, kıim-keshek túrinde mol salyq tóleıdi. Bul qytaılyqtar úshin qorlyq edi. Osylaısha, ǵundar Qytaıdy oısyrata jeńedi.
You Might Also Like
-
Aıyr qalpaq — asa qymbat matamen tystalyp, ishine juqa kıiz nemese qalyń mata salynyp, syrylyp tigiletin er adamdardyń bas kıimi. Syrtyna ósimdik tektes órnek salynyp, altyn jippen zerlenedi. ...
