InfoHub Logo

Esse jáne óleń-jyr baıqaýynyń kezekti jeńimpazy anyqtaldy. Aıta keteıik, osy jolǵy úzdik týyndy qazan aıyn qorytyndylap otyr. Qazan aıynda ár aptanyń qorytyndysy boıynsha úzdik dep tanylǵandar: Jomart Qalmuratov, Nursultan Qojaǵul, Abzal Altyı. Al osy aıdyń sońǵy jeńimpazy – Gúldana Bekbolat esimdi arý!

Segizinshi apta qorytyndysy boıynsha úzdik dep tanylǵan týyndyny nazarlaryńyzǵa usynamyz:

Jastyq jyry

Kór keýdeni eter deısiń kim úlgi,
Tyńdatpaqqa umtylsań da únińdi?
Bul zamanda oqyǵandar- kóshbasshy,
Ozatyn da, ár dodada- bilimdi!

"Jastyq shaq" dep júrme tekke, bozbala,
Ǵumyr bir ret beriletin az ǵana.
Bolashaqqa úniń jetsin úlgi eter,
Maqtanyp aıt, tarıhyńdy qozǵa da.

Boı jetken qyz, bos áýrege qunyqpa,
Laılanady sen arqyly tunyq ta.
Urpaǵyńa sana ber dep surasań,
Ata-babań, dástúrińdi ulyqta.

Erme qurbym, arzan sózge eleńdep,
Jetkizedi maqsatyńa- ór eńbek.
Maǵjan babam aıtpadyma áýelde,
Biz jaıynda "Men jastarǵa senem" dep?

Oqy. Umtyl. İzden. Alǵa bas qadam,
Bilim izdep ozýdy oıla basqadan.
Ózge elmen terezeni teń ustap,
Sen arqyly shyrqalmaı ma, asqaq án?

Alańdatsa "ne bolmaq" dep erteńiń,
Boıyńyzdy jeńbeý kerek kelte muń.
Otbasynan bastaý almaq
Otan da, Qamyn oıla, ósip-óner ólkeniń.

Bolý úshin bizde bólek jer, tańbam,
Ár babamnan tektilikpen ter tamǵan.
Eldigimdi aıqyndaıtyn álemge,
Qymbat máńgi, Ánuran, Tý, Eltańbam!

Qalaı damyp, ósem deseń erkińde,
Kómek qolyn sozbaıdy eken, el kimge?
Oqımyn dep umtylǵandar shet qalmaı,
Bilim alyp júrgen joq pa, "Serpinde"?

Shet elde de izdenýdi qalasaq,
Múmkindikti berip qoıǵan "Bolashaq".
Ózgelerden básekede ozbaqqa,
Jas órender, dara júrip, dara shap.

Keleshekke kórsetýge máńgi úlgi,
Elimizdi talaılarǵa tań qyldy.
"Dostyq jylyn" jarıalap Elbasy,
Tarıh bolyp "jańa esim" jańǵyrdy.

Múmkindikti qur jiberip, tastaýǵa,
Bolmas sirá, ıgi bir is ashpaýǵa.
"Jastar jyly" atalynǵan "on toǵyz",
Myń-myńdaǵan jaqsylyqqa bastaýda.

Árbir qazaq, ardaqty ediń, eńselim,
Qaıyspaıtyn, qıyndyq ta kelse myń.
Keýde kerip maqtanyshpen arta alam,
"Máńgilik el" jastaryna men senim!

(Avtordyń orfografıasy men pýnktýasıasy saqtalǵan)

Jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---