InfoHub Logo

Kóktem kúniniń jyly, jaryq sáýlesi jerge túsip, qar erip jatyr. Kúngeı jaq alategenek bola bastady. Qarǵa, uzaq qarqyldap júr. Qambar otaǵasy birdeńe istep jatyr. Qasynda qaýmalap balalar júr.

— Ata, ne istep jatyrsyz?

— Qonaǵyma úı istep jatyrmyn.

— Qonaǵyńyz qandaı?

— Qonaǵym qol basyndaı, minezi qorǵasyndaı… — dep, qart  jymıady.

Qarttyń sózine túsine almaı, balalar turyp-turyp tarasty.

Qar ketti. Kók shyqty. Kún maıdaı. Minekı, ýystaǵan tas. Taı shoǵyrmaqtalyp, bir top qaratorǵaı ushyp kele jatyr. Aýyldyń ústine kelip jarq berdi, burylady, olaı-bulaı aınaldy da sý etti.

Bıik syrǵaýyldyń basynda Qambar atanyń istegen kishkene úıshigi qalqıyp tur. Qaratorǵaılar ushyp aýylǵa keldi. Bireýi baryp úıshiktiń aýzyna qondy. Jan-jaǵyna jaltaqtap qarady da, úıshiktiń dóńgelek tesiginen ishine kirip ketti.

Ózge torǵaılar da aǵash-aǵashtyń basynan oryn alyp, ushyp-qonyp júr.

Baýda, kók shóptiń arasynda jybyrlap qońyzdar júr edi. Qaratorǵaılar aǵashtan túse-túse qalyp, qońyzdardy terip jeı bastady. Qaýjanyp alyp, shalshyqtan sý iship, dem alýǵa aǵash basyna baryp qonysty. Tynyǵyp alǵansyn, án salysty.

Manaǵy úıshikke kirgen torǵaı sonda mekendep aldy. Kúzge sheıin ketpedi. Qambar ataı shóp shapsa, qaratorǵaıy shegirtke qyrady.

Qurt, qońyz, shegirtke, ınelik, masa-shybyn — bári de eginniń jaýy ǵoı. Sol jaýlardyń bárin qaratorǵaı qurtady. Qaratorǵaıdyń paıdasy sanap bitirgisiz.

Qambar ataıdyń «qonaǵym qol basyndaı, minezi qorǵasyndaı» degeni sol qaratorǵaı eken.

---