InfoHub Logo

Qasymhan jas kezinde bir baı orystyń jylqysyn baǵady. Jazdygúni demalysqa kelgen baıdyń Peterbýrgtegi ofıser balasy men Qasymhan dostasyp ketedi. Birde ekeýi at qoradaǵy jylqylardy ózendegi sýǵa túsirip, sýaryp júrgende baıdyń balasy sýǵa batyp ketedi. Qaıǵydan qaharlanǵan ákesi Qasymhandy «balamdy ádeıi óltirdiń» dep Sibirge aıdatady. Ýssýrııskide Qasymhan taıganyń aǵashyn kesip, shpal daıyndaıdy. Bórenelerdi oıynshyq qurly kórmeı, aýdaryp-tóńkerip, ıyǵyna salady. Qoltyǵyna qysyp kóterip, tutqyndardyń jáne túrme basshylarynyń arasynda qurmetke ıe bolady.

Bir kúni at qorada ábden jemge toıyp, erigip turǵan semiz attardy tarantasqa jegip, orys áskeriniń generaly áıelimen serýenge shyǵady. Ábden toıynyp kúıi kelisken toq attar delbege boı bermeı, ala qashady. Tarantastyń dóńgelekteri jerge bir tıip, bir tımeı, qańbaqtaı qańǵalaqtaı ushady. Bir ýaqytta quıǵytyp shaýyp bara jatqan attardyń aldynan Qasymhan shyǵa keledi. Ol arbany ótkize berip artqy biliginen qos qolymen ustap, taltaıyp tura qalady. Attar tyrp etpeı toqtaı qalady.

Attardyń arshynynyń kúshtiligi sonshalyq, Qasymhannyń aıaǵy tizesine deıin jerge kirip ketken kórinedi. Ózderin qaterden qutqarǵan Qasymhanǵa rıza bolǵan general ony aıdaýdan bosatyp, eline qaıtarypty.

 

---