InfoHub Logo

 

Búgingi tańda tarıhta "qazaq" jáne "Qazaqstan" ataýynyń shyǵý tegi týraly qoǵamda túrli tujyrymdamalar men konsepsıalar qalyptasqan. Qazaqstan Respýblıkasy Táýelsizdik alǵannan beri bul taqyryp zertteýshilerdiń nazaryna iligip, áli kúnge deıin ózektiligin joǵaltpady. Biraq, kóne derekterdiń ózi de naqty málimet kózi retinde bola alady.

«Qazaqstan» ataýyna ǵana emes, qazirgi tańda tól tarıhymyzda kóptegen aq tańdaq tustar bar, biraq keıbir naqty málimetter belgili bir dárejede tolyq aıtylmaı jatady. Sonyń ishinde «Qazaqstan» ataýyna baılanysty el arasyndaǵy ataýdyń qalaı jáne qaıdan paıda bolǵandyǵy týraly máseleler qoǵamdaǵy negizgi suraqtardyń biri bolyp tabylady. Tipti, «stan» jurnaǵyna qarsylyq bildirip,jatsynǵandar da bar emes pe?

Biraq, Qazaqstan ataýy orta ǵasyrlar sheninde qoldanylǵanyna Zaın-ád Dın Vasıfıdiń "Badaı - ál Vakaı" nemese "Tańǵajaıyp oqıǵalar" eńbegi dálel bola alady.

«Qazaqtardy jeńý» atty bóliminde qazaq eli Qazaqstan dep atalǵandyǵy jazylǵan. Derektiń biz úshin basty qundylyǵy da osy bolyp tabylady. Bul málimetke súıensek, qazirgi qoǵamdaǵy joǵary da aıtylǵandaı teris tujyrymdamalardy joqqa shyǵarýǵa múmkindik beredi. Parsy tilindeg «-aston», «-eston» jurnaqtary tek qana rý, taıpa, halyq ataýlarynyń sońyna jalǵanady da, olardyń meken-jaıyn, aımaǵyn bildirip, jańa sóz quraıdy. Tujyrymdama boıynsha, «stan» jurnaǵy jaıdan-jaı paıda bolmaǵan, onyń túpkilikti maǵynasy «jergilikti jeri» degen maǵynany bildiredi,ıaǵnı qazaqtardyń jergilikti jeri degen uǵymǵa ıe bolǵan. Osyndaı ortaǵasyrlyq bir ǵana derek Qazaqstan týraly obektıvti,dáleldi málimet bere aldy.

Búginde Táýelsiz, azat, egemen el retinde Qazaqstan ataýymen barsha álemge ózimizdi pash etip kelemiz. Osy joldy berik ustap, rýhanı qundylyqtarymyzdy ulyqtaı bereıik.

---