InfoHub Logo

Qylyshbaı birde bazarlap qaıtpaqshy bolyp Áýlıeataǵa barady. Muny kórgen ózbekter gápirishtep otyryp, ázil-qaljyń oılap, palaýǵa shaqyrady. Osy kezde bazardaǵy ıgi jaqsylar tus-tustan kelip, jınala bastaıdy. Ózbekterdiń salty boıynsha «alyń, keliń» dep Qylyshbaıdyń aldyna bir tabaq palaý qoıady. Ol baıaǵy babymen palaýdy alyp, suq saýsaǵyn shoshaıtyp asqa salmaı otyrady.

— Qylysheke, ana saýsaǵyńyzǵa ne bolǵan? — deıdi palaýdan bas almaı otyrǵan ózbektiń biri.

— O, nesin aıtasyń, oǵan bir nárse tıip ketkendeı bolyp edi, jıirkenip otyrmyn, ó, — deıdi.

Ózbekter dereý qoldaryn tabaqtan ala qoıady. Qylyshekeń palaýǵa ábden toıyp alyp, jaılanyp otyra bergende, ózbek- ter aldyn ala daıyndaǵan túıelerin ary-beri aldynan júrgizedi. Túıeniń biri baqyryp, aýzynan jynyn shashyp aldynan ótkende, ózbektiń biri qýaqylanyp:

— Qylysheke, ana túıe ne dep barady? — deıdi. Azýly aqyn oılanbastan:

— E, ol ma, ol:
«Jalańash etime saban arttyń,
Basymdy atpen tarttyń,
Qazaq bolsa qadirimdi biler edi-aý,
Tap ákeńniń uraıyn sendeı sarttyń» dep bara jatyr túıeleriń, — degen eken.

«Qurtty, kurtty» dep ózbekter oryndarynan turyp, bir aýyz sózge kelmeı tarap ketipti.

---