InfoHub Logo

Qazaqstanda mektep oqyshýlary arasyndaǵy «Tulpar minip, tý alǵan!» baıqaýy ótedi. Negizgi maqsat - jastardy «Alpamys», «Er Tarǵyn», «Qobylandy batyr» jyrlary syndy xalqymyzdyń baı murasy negizinde tárbıeleý.

Baıqaý 6-10-synyp oqýshylary arasynda uıymdastyrylady. Osy joly «Qobylandy batyr» jyrynyń Marabaı jyraý nusqasyn jatqa aıtý qajet. Baıqaýǵa respýblıka boıynsha 5 000 mektepten 50 000 oqýshy qatysady degen jospar bar. Ár mektepten 10 oqýshy (6-shy synyptan 2 oqýshy, 7-shi synyptan 2 oqýshy, 8-shi synyptan 2 oqýshy, 9-shy synyptan 2 oqýshy jáne 10-shy synyptan 2 oqýshy) qatysa alady. Joba úsh kezeńnen - aýdandyq, oblystyq jáne respýblıkalyq irikteýden turady. Aýdandyq kezeńde 1-shi oryn úshin 150 000 teńge, 2-shi oryn - 100 000 teńge, 3-shi orynǵa 50 000 teńge qarastyrylǵan. Al oblystyq kezeńde 1-shi oryn úshin 1 000 000 teńge, 2-shi oryn - 600 000 teńge, 3-shi oryn alǵandarǵa 300 000 teńge tabystalady. Qazirgi kezde respýblıkalyq irikteýdiń qarjylaı qory pysyqtalyp jatyr.

Jobanyń aıasynda 50 000 mektep oqýshysy 107 betten turatyn «Qobylandy batyr» jyryn tolyq jattasa, atalǵan kórsetkishti Gınnes rekordtar kitabyna ótinim berý josparlanǵan. 

QR Aqparat jáne komýnıkasıalar mınıstri Dáýren Abaevtyń aıtýynsha, atalǵan baıqaý Memleket basshysy "Uly dalanyń jeti qyry" maqalasy men bıylǵy Jastar jylymen tyǵyz baılanysty.

"Qatysýshylar "Qobylandy batyr" jyryn jatqa aıtyp, jyrdyń ishindegi kónergen, tarıxı sózderdiń maǵynasyn ashyp, qazaq ádebıet oqýlyǵy boıynsha ázirlengen suraqtarǵa jaýap beredi. Aldyn ala buqaralyq aqparat quraldarynda jarıalanǵan taqyryptar boıynsha esse jazady. Tarıxı epostardy jattaý, týyndyny tolyq jatqa aıtý, mánerlep oqý, epostaǵy ár sózdiń maǵynasy men mazmunyn túsiný - basty talaptardyń biri. Poetıkalyq mátindi meńgerý arqyly tarıxty da tereń túsine bastaıdy. Sondaı-aq, este qalatyn poetıkalyq mátin oqýshynyń sóıleý mádenıetin, saýatty jazýyn qalyptastyrady. "Bolashaqqa baǵdar: rýxanı jańǵyrý" baǵdarlamasynda aıtylǵan ulttyq kodty qalyptastarý úshin de bul jobanyń yqpaly zor bolmaq", - dedi D.Abaev Astanada ótken baspasóz máslıxatynda.

Uıymdastyrýshylardyń sózine qaraǵanda, aýdandyq irikteýler sáýir aıynda bastalady. Oǵan deıin mektep oqýshylary eposty jattap, daıyndala alady. Al mamyrda oblystyq kezeń bastalady. 

Aıta keteıik, joba QR Aqparat jáne komýnıkasıalar mınıstrligi men «Qazaq Epos» qoǵamdyq qorynyń bastamasymen uıymdastarylyp otyr. 

---