InfoHub Logo

Qundyz — jyrtqyshtar otrády, sýsar tuqymdasyna jatatyn, terisi baǵaly ań. Qazaqstannyń ormandy, taýly aımaqtarynda kádimgi qundyz jáne Orta Azıa qundyzy kezdesedi. Dene turqy 65 - 70, quıryǵy 41 - 44 sm, salmaǵy 5-8 kg. Qundyzdyń arqasy men quıryǵynyń túsi jyltyraǵan qara qońyr. Baýyry aqshyl, tósi sarǵysh qońyr keledi. Saýsaqtarynyń arasy júzý jarǵaqtarymen kómkerilgen.

Qazaqstannyń ońtústik-shyǵysynda taralǵan. İle ózenine quıatyn Shilik, Úsek, Qundyzdy sıaqty taý ózenderiniń saǵalaryn jáne Kóksý, Qara, Tentek ózenderiniń joǵarǵy jaǵalaýlaryn mekendeıdi. Kóbine shabaqgarmen, balyktarmen qorektenedi. Sondaı-aq qustardy, qoıan, sý tyshqany men usaq kemirgishterdi ustap jeıdi. Qundyz, kóbine ózenniń tik jaǵasynan in qazyp, sonda panalaıdy. İniniń aýzy sý astynda bolady. Jataǵyn qysta qatpaıtyn, balyǵy bar aǵyn sý boıyna salady. Jylyna bir ret túleıdi. Analyǵy 2-4 qunaı tabady.

Kóp aýlanýyna baılanysty sany kúrt azaıyp ketken. Osy kezde tek kádimgi qundyzdy ǵana aýlaýǵa ruqsat etiledi. Orta Azıa qundyzy óte sırek kezdesetin ań bolǵandyqtan Qazaqstannyń "Qyzyl kitabyna" engizilgen. Bul ań Kırsanov qoryqshasynda arnaıy qorǵalyp, ósiriledi.

Oqýǵa keńes beremiz:

Qorqaýlar

Jyrtqyshtar

Erekshe tústegi janýarlar

Janýarlar qalaı kóredi?

Janýarlardyń rentgen sýretteri

---