InfoHub Logo

Sábiz sabaǵynyń bıiktigi 1 metrge deıin jetetin, eki jyldyq, shóp tektes ósimdik. Birinshi jyly jýan, etti tamyrynan birneshe japyraqtar shyǵady. Ekinshi jyly sabaǵy ósip gúldep, jemis beredi. Sabaǵy tik, jaıyla ósken, qyrly, ón boıyn qolǵa qatqyldaý tıetin túk basqan. Japyraqtary sopaqsha, qaýyrsyn tárizdi tilimdelgen, saǵaqtary uzyn, kezektesip ornalasqan, gúlderi aq, maıda shoǵyr bolyp turady. Sábiz kópshilikke belgili mádenı ósimdik. Dárilik maqsat úshin sábizdiń túbir túınegi men tuqymy paıdalanylady.

Quramynda V tobyndaǵy vıtamınder, A vıtamıni, krahmal, qant, karotın bar. Halyq sábizdi nesep júrgizedi, qýyqtaǵy tas pen qumdy eritedi dep esepteıdi. Sábizdiń tuqymynan jasalǵan tunbany as qorytý jumysy buzylǵanda, ish jeldengende, búırekke tas baılanǵanda qoldanady.

Halyq medısınasynda sábizdiń túbir túıinin kúıikti, úsigendi jáne irińdi jaralardy emdeý úshin paıdalanady. Rak aýrýy kezinde sábizdiń sólin ishedi. Ǵylymı medısınada sábizdiń tuqymynan alynǵan daýkarın degen dári qoldanylady. Bul dári júrektiń qan tamyrlaryn keńeıtip, ondaǵy qan aınalysyn jaqsartady. Sábizdiń sólin qan azaıǵanda, naýqas adamnyń kúsh-qýaty kemigende jáne juqpaly aýrýlardan keıin álsiregen organızmdi áldendirý úshin qoldanady. Tis túbiniń etteri jáne tamaq bezderi qabynǵanda, aýyz ýylǵanda da sábizdiń sólin paıdalanady.

Dárini daıyndaý jáne qoldaný tásili

Sábiz tuqymynyń 1 as qasyǵyn 1 stakan qaınaǵan sýǵa salyp, túnge qaraı jyly peshtiń ishine qoıady. Osylaısha birneshe stakan dári daıar bolǵannan keıin onyń 3 stakanyn bir kún ishinde ystyq kúıinde ishedi. Bul ásirese, búırekke tas baılanǵanda óte jaqsy nátıje beredi.

Oqýǵa keńes beremiz:

Sábiz shyrynynyń 10 paıdasy

---