InfoHub Logo

Suly — bıiktigi 1 metrge deıin jetetin, bir jyldyq, shóp tektes ósimdik. Sabaǵy túzý, ishi qýys. Sopaqsha kelgen, jińishke japyraqtary kezektesip, jarysa ornalasqan. Gúlderi qos jynysty, maıda, sary, maýsym-shilde aılarynda gúldeıdi. Mádenı ósimdik retinde barlyq jerlerde de egiledi. Dári jasaý úshin sulynyń dáni men sabaǵyn paıdalanady. Quramynda krahmal, maı, belokty zattar, qant, efır maılary, vıtamınder bar.

Halyq medısınasynda sulynyń sabaǵynan ter shyǵaratyn, nesep aıdaıtyn, dene qyzýyn tómendetetin, jel shyǵaratyn dáriler jasap paıdalanady. Sulynyń sabaǵynan jasalǵan tunbalardy búırek aýrýyna baılanysty denede isik paıda bolǵanda jáne asqazan aýrýlaryn emdeý úshin qoldanady. Kisi uıqysyzdyqqa ushyraǵanda, oı eńbegimen kóp aınalysyp, júıkesi qajyǵanda sulydan jasalǵan dárilerdi paıdalaný óte jaqsy nátıjeler beredi. Sulynyń sabaǵynan jasalǵan bulaý revmatızm, quıań jáne teri aýrýlaryn emdeý úshin qoldanylady. Aıaq kóbirek terleıtin bolsa, sulynyń sabany men emenniń qabyǵyn maıdalap aralastyryp, osy qospadan jasalǵan tunbany aıaqqa bulaý jasaý úshin paıdalanady. Búırekke tas baılanǵanda bul daqyldyń tunabsyn kompres jasap, búırektiń tusyna basady. Halyq medısınasynda sulyny ót aıdaıtyn dári retinde de paıdalaıady.

Dárini daıyndaý jáne qoldaný tásili

3 stakan sulyny 3 lıtr sýǵa salyp jaılap qaınatady. Suıyqtyń áýelgi mólsherimiń 1/4-i qalǵanda dári daıyn boldy dep eseptelinedi. Ár ishkende eki stakannan kúnine 3-4 ret ishedi.

Sulynyń sabanynan sýly tunbany bylaı jasaıdy: 100 gram maıdalanǵan sulynyń sabanyn 2 lıtr sýǵa salyp, biraz qaınatady da, jarty stakannan kúnine 4-5 ret ishedi. Bulaý jasaý úshin tunbany bylaı jasaıdy: 1 kg sulynyń sabanyn 2 lıtr sýǵa jarty saǵat qaınatyp, sabanyn súzip alyp tastaıdy da, qaınatyndysyn vanadaǵy sýǵa qosady.

---