InfoHub Logo

Sarymsaq — bıiktigi 1 metrge deıin jetetin, eki jyldyq, shóp tektes ósimdik. Jer astyndaǵy túbir túıini aq nemese sur tústi birneshe maıda bólikterden turady. Sabaǵy jumyr, uzynsha kelgen, jińishke, ushtary súıir. Gúlderi maıda, aqshyl sur tústi, sabaqtarynyń ush jaǵynda qolshatyr tárizdenip ornalasqan. Gúl táji úsh gúl japyraqshasynan turady. Shilde-tamyz aılarynda gúldeıdi. Elimizdiń barlyq túkpirlerinde mádenı daqyl retinde qoldan egiledi. Dárilik maqsatqa ósimdiktiń túıinin paıdalanady. Quramynda efır maılary, azotty qosylystar, fıtosterınder, gallın glıkozıdi, S, D, V vıtamınderi bar.

Halyq medısınasynda sarymsaqty tamaqqa tábet shaptyryp, as qorytý jumystaryn jaqsartý úshin paıdalanady. Sonymen qatar sarymsaqtyń mıkrobtardy joıatyn, nesep aıdaıtyp, ishek qurttaryn túsiretin, júrektiń bulshyq etteriniń kúshin kóbeıtetin qasıetteri bar. Osyǵan baılanysty bul ósimdikten jasalǵan dárilerdi ish ótkende, soqyr ishekke, joǵarǵy tynys joldary jáne ókpe qabynǵanda emdeý úshin paıdalanady. Bronh demikpesin, shemendi, tumaýdy, qan qysymynyń kóterilýin emdeý úshin halyq arasynda sarymsaq keńinen qoldanylady. Búırektiń jáne qýyqtyń kóptegen aýrýlaryn, qurqulaqty, bezgekti kóp ýaqyttardan beri halyq medısınasynda sarymsaqpen emdep kelgen. Al búırekke jáne qýyqqa tas baılanǵandy, revmatızmdi, podagrany sarymsaqtyń spırtti tunbasymen emdeıdi.

Qóptegen zertteýlerdiń nátıjesinde sarymsaqtyń quramynan tabylǵan fıtonsıd degen ushpaly zattardyń kóptegen mıkrobtardy joıatyny anyqtaldy. Sarymsaqtyń untaqtalǵan túbir túıinindegi fıtonsıdterdi ıiskeý arqyly grıpti jáne tamaq bezderiniń qabynýyn emdeıdi. Sondaı-aq dene syrtyndaǵy kóptegen jazylmaı júrgen jaralardy, esekjemdi, súıeldi emdeýde sarymsaqtyń shıpalyq qasıeti mol. Ol kópshilikke belgili ót aıdaıtyn allahol degen dáriniń de quramyna kiredi. Sarymsaqty búırektiń kenetten paıda bolǵan jedel qabynýyn emdeý úshin paıdalanýǵa bolmaıdy.

Dárini daıyndaý jáne qoldaný tásili

Maıdalap týralǵan sarymsaqtyń 10 túbir túıinin 1 bótelke araqqa salyp 10 kún tundyrady da, jarty shaı qasyqtan kúnine 3 ret ishedi.

Oqýǵa keńes beremiz:

Sansyz aýrýǵa em — sarymsaq

Sarymsaq — eń jaqsy antıbıotık

Praktıkalyq málimetter (ashana)

Bir ret satyp alyp, árdaıym ósirýge bolatyn 8 kókónis

---