InfoHub Logo

Sáken Júnisov 1934 jyly 11 aqpanda Kókshetaý (qazirgi Aqmola) oblysynyń Qyzyltý aýdany, Kishkenekól aýylynda týǵan. Qazaq memlekettik ýnıversıtetin támamdaǵannan keıin eńbek jolyn “Pıoner” (qazirgi “Aq jelken”) jýrnalynda ádebı qyzmetker bolyp bastady. M. Áýezov atyndaǵy Qazaqtyń memlekettik akademıalyq drama teatrynda ádebıet bóliminiń meńgerýshisi, KSRO Ádebı qory Qazaq bólimshesiniń dırektory, Qazaqstan Jazýshylar odaǵynyń hatshysy qyzmetterin abyroıly atqardy.

Sáken Júnisov biryńǵaı jazýshylyqpen aınalysqan jarty ǵasyrǵa taıaý shyǵarmashylyq ómirinde qazaq ádebıetin órkendetýge ólsheýsiz úles qosty. “Aqan seri” dılogıasy, “Japandaǵy jalǵyz úı”, “Zamanaı men Amanaı” romandary qalyń oqyr¬man qaýymnan da, ádebı synnan da joǵary baǵa aldy. “Ajar men ajal”, “Tutqyndar”, “Qyzym, saǵan aıtam”, “Jaraly gúlder”, “Qos anar”, taǵy basqa pe¬salary respýblıka teatrlarynda tabyspen qoıyldy. “Óliara” pesasyna 1986 jyly Qazaqstan Respýblıkasynyń Memlekettik syılyǵy berildi.

Kóptegen shyǵarmalary shet tilderge aýdaryldy. Ózi de L. Tolstoıdyń, S. Sveıgtiń, O. Gonchardyń áńgimeleri men romandaryn qazaq tiline sátti tárjimalady.

S. Júnisovtiń qalamynan týǵan tańdaýly shyǵarmalary qazaq ádebıetiniń altyn qorynan berik oryn alǵan qundy dúnıeler bolyp tabylady.
Ol óz zamandastarynyń arasynda aýqymdy shyǵarmashylyq qarymymen de, birtýar azamattyq bolmysymen de erekshelenetin. Týǵan halqy talantty perzentin san qyrly óneri úshin Sáken seri atap, aıalap erkeletti.

Aıaýly azamat, úlken qalamger Sáken Júnisovtiń jarqyn beınesi árdaıym el júreginde saqtalady. Onyń ozyq týyndylary halqynyń rýhanı qazynasyna aınalyp,  bolashaq urpaqtarmen birge jasaı beredi.

Sáken tirliginde kóp eńbektendi, mol jazdy. Ádebıettiń qaı janrynda da kósile qalam terbegen Sáken Nurmaquly Júnisov jazyp qaldyrǵan altyn qazyna bylaıǵy ýaqytta jurtymen birge jasaıtynyna kúmán joq.

Bir qazaq Sákendeı-aq bolsyn, halqyn, ultyn súıýden aınymaı ótken Sáken serige bul jalǵan dúnıe razy bolýǵa da tıisti.

Elden erek, basqasha syr aqtarysatyn ǵazız dos, Alash dese ishken asyn jerge qoıatyn Sáken, qazaq ónerin damytýdan kúshin aıamaǵan seri, ult ádebıetiniń kóshin dúzeýge jegilgen Júnisovtiń, tórt aıaǵy teń tulpar-talanttyń endigi jerde arada júrmeýi ókinish.

Oqýǵa keńes beremiz:

Sáken Júnisovtyń týyndylary

---