InfoHub Logo

El aralaıtyn toǵaı baqtashy «bále shik» en elge ózderi bek, «jandaral» bolyp ókim júrgizgen. Qazaqqa adam qylmaǵandy qylǵan, istemegendi istegen. Retsiz shyǵyn salatyn, qasyndaǵy eldiń tap-tabynan bir-bir «ashty» «mekentaı» (penetaı) alatyn. Qonǵan aýlynan qara qozy soımasa, qara seńseń taptyryp alatyn. Qara seńsendi bos atqa artyp júrgen «bóleshikti» kóretinbiz.

Osyndaı meımanasy asqan «bóleshikti» yzaǵa shydamaǵan el óltire bastaǵan. Sarqan «báleshigin» óltirip, abaqtyǵa túsken Shoqpar rýynan Salmaqbaıdyń abaqtyda jatyp shyǵarǵan óleńin el tegis aıtyp júretin:

Men qaldym qý shekpenniń jalasyna.
Salmaqbaı qaıǵyrady anasyna.
Qudaıym mundaı iske jolyqtyrdy,
Sálem de bes Shoqpardyń balasyna.
Boıynda Úshbasqannyń qonysymyz.
Sarybaı, Ábdirahman bolysymyz.
Qorǵamaı, qoryqtyń ba, ustap berdiń,
Tarttyrdy-aý mehnatty orysyńyz.
Bizdiń el Úshbasqannyń arasynda,
Jigitti beınet qýar alarynda.
El eldigin qylmaı ma, jurt jurttyǵyn,
Qaıran el qatyn bolyp qalady ma?
Qudaı-aý, qudiretińe tań qalamyn,
İshinde tar qapastyń zarlanamyn.
Kápirge kár qylatyn qudaı qaıda?
Qamy úshin qara qazan, cap balanyń..
Basylmaı ósip ketti saqal-murtym,
Saǵyndym qurby-qurdas, eli-jurtym.
El tozdy. Erdi mendeı zaryqtyrdy,
Jek kórip orysyńnyń turmyn surqyn...

(Qoljazba arab qarpinde. QR Ortalyq memlekettik arhıvi. Qor — R-1368; tizbe—1; is—16).

---