InfoHub Logo

Ózim osy jylǵy mektep bitirýshilerdiń birimin.  Baıqaý testileýinen alyp júrgen upaıym kóńil kýantpaıdy . Osy sebepti de qosymsha bilim berý ortalyqtaryna barýǵa týra keldi. Al ustazdar bıylǵy ulttyq testileýge mektep jaýapty emes deýmen jaltarýda. Barlyǵy derlik emes. Shynaıy janashyrlyq tanytyp kómektesip júrgen ustazdaryma alǵys aıtamyn . Degenmen  olardyń ishinde maǵan kerekti pán muǵalimderi joq.

Men oqıtyn mekteptiń 64 túlegi men BIL jáne Ekonomıqalyq lıseıdiń 150-den asa bitirýshilerin qosqadaǵy jalpy sany 200-den asady.Olardyń 72 %-y qosymsha bilim berý ortalyqtaryna barýda . Basym kópshiligi,  ıaǵnı 32%-y shet tilin, 23%-y fızıkany, 20% -dan  kóbi basqa da pánderdi oqytatyn arnaıy kýrstarǵa qatysady. Meniń qarastyryp otyrǵanym oblystaǵy mamandandyrylǵan tereńdetip oqytatyn   mektepterdiń   deńgeı kórsetkishi.Munan basqa jalpy bilim beretin mektepterdiń jaǵdaıyn aıtpasaq ta túsinikti. Olardyń kólemi munan da kóp, munan da aýqymdy. Ortalyqtarǵa balalar bilimin jetildirý úshin barady. Árıne jastarymyzdyń bul izdenesini kóńil qýantady. Alaıda bir qynjyltatyny ortalyq basyndaǵylardyń bul talpynysty tabys kózine aınaldyrýy. Qosymsha kýrstardaǵy úıretý prosesiniń jáı ótýiniń syry  da osynda. Kýrsqa qansha uzaq qatysasyz, sonshalyqty kóp aqsha tóleısiz.Al bul ortalyqtardyń baǵasy meniń anamnyń bir aılyq jalaqysyna tatıdy.

Osy aıda óz betimmen daıyndalǵym keldi.Aldyma kitap jaıyp , qolyma qalam aldym , bar zeıinimdi osy jolǵa saldym. Esesine kýrsta bir aılap ótken taqyryptardy eki aptada  meńgere aldym. Onda beriletin bilim mektep qabyrǵasynda ótiletin taqyryptardy qamtıdy. Artyq eshteńe joq. Eń bastysy eńbektenińiz. ““Buıyrǵan ketpeıdi, júgirgen jetpeıdi”, eńbegi aqtalmaǵan qanshama  túlekter bar” – dep, oılap otyrǵan shyǵarsyz. Áıtsede buıyrý úshin júgirý kerektigin umytpaǵaısyz. 

Oqyrman, eger siz tómengi synyp oqýshysy bolsańyz qazirden eńbektenińiz.Kitap betindegi árbir qundy málimetterdi túrtip alyp otyryńyz.Sonda ǵana mejesine jetkende men sekildi san-saqqa júgirmeısiz. Al bitirýshi túlek bolsańyz meniń jaı-kúıimmen tanys shyǵarsyz. Sizge muqalmas jiger, rýhanı kúsh qaırat tileımin! Eń bastysy óz kúshińizge senińiz.

---