InfoHub Logo

Taqyryby: Saryarqa
Maqsaty: 1. Bilimdilik maqsaty;
Oqýshylardy elektrondyq oqýlyqpen jumys júrgizip, mátindi asha bilýge daǵdylandyrý.
Oqylǵan mátinge tirek – syzba jasaýdy qalyptastyryp, ózdik jumys júrgizýge baýlý, ony meńgertý.
2. Damytýshylyq maqsaty; tabıǵattyń quramdas bólimi arasyndaǵy baılanysty asha bilý; teorıalyq bilimdi praktıkalyq jumyspen ushtastyrý.
3. Tárbıelik maqsaty: El jandy, tabıǵat baılyǵyn únemdi paıdalanyp, qorǵap, saqtaıtyn tulǵa tárbıeleý
Kórnekiligi:
Kompúter
Beınesújet
Tirek – syzba
Qazaqstannyń fızıkalyq kartasy,
Qazaqstannyń kórikti jerleri (sújet sýret )
Nusqaý tapsyrmalar paraǵy
Sabaqtyń túri: Aralas sabaq
Sabaqtyń barysy: İ. Uıymdastyrý kezeńi;
Muǵalim: Oqýshy zeıinin sabaqqa aýdarý. Sabaqtyń maqsatyn túsindirý.
Balalar, búgin bizdiń sabaqqa erekshe qonaqtar kelip otyr. Sabaǵymyz da erekshe. Sebebi elektrondy oqýlyqpen jumys jasaı otyryp, geografıalyq bilimimizdi keńeıtýge múmkindik bar. 4 kompúter, endeshe 4 topqa bólinemiz, 6 oqýshydan.
1. Elektrondy oqýlyqty ashyp, fızıka - geografıalyq aýdandastyrýdan Saryarqa taqyrybyn ashamyz, mátindi oqýǵa 3 mın. Nusqaý tapsyrmalar paraǵyndaǵy tirek - syzbalarǵa jaýaptaryńdy jazasyńdar. Odan keıin jazylǵan jaýapty jınalmadaǵy tirek - syzbamen salystyryp, jaýaptaryńdy tekserińder.
Jospar.
● Geografıalyq orny (3 mın)
● Jer bederi, geologıalyq qurylysy (7 mın)
● Paıdaly qazbalary (3 mın)
● Klımaty (3mın)
● İshki sýlary (3mın)
● Tabıǵat zonalary: ósimdikteri men janýarlary (7mın)
● Qoryq (5mın)
● Test (6 mın)
● Qorytyndy (5 mın)
● Úıge tapsyrma (1 mın)
● Baǵalaý (2 mın)
Qazaqstan aýmaǵy fızıka - geografıalyq aýdandastyrý boıynsha neshe aýdanǵa bólinedi? Saryarqa jer bederi qandaı?
Sabaqty mynadaı óleń shýmaqtarmen bastaımyz.
«Aınalaıyn Saryarqam, saǵymdanǵan,
Saǵynyshyn basa almas, saǵynǵan jan» - dep aqyn jyrlaǵan Saryarqanyń sary dalasyn oqyp - úırenýdi bastaıyq.
Ushqysh dosym, jańylma baǵytyńnan!
Dala, dala basynda baǵy tunǵan,
Qazaqstan - ózinshe bir materık
Jer kindigi osynda aǵytylǵan - dep Muqaǵalı aǵamyz jyrlaǵandaı Eýrazıa materıginiń kindigi ózimizdiń Abaı atamyzdyń týǵan jeri qazirgi Abaı aýdanynda (beınesújette «Eýrazıa kindigi») belgisi kórsetiledi).
Oqýshylar elektrondy oqýlyqtan Saryarqa mátinin ashyp, gıpermátindi tyshqanmen shertý arqyly ózderi oqıdy. Sodan keıin nusqaý paraǵyna Saryarqanyń fızıka - geografıalyq ornyn tirek syzba túrinde oqýshylar ózderi toltyrady.