InfoHub Logo

Qazaq baspasózinde órnegi bólek uly tulǵa, ult ádebıetin qalyptastyrýda ólsheýsiz eńbek etken alash zıalylarynyń biri—Júsipbek Aımaýytov bolatyn. Ol ádebıet synshysy retinde HH ǵasyrdyń basynda aıqyn tanylǵan qalamgerlerdiń kórnekti ókilibola bildi jáne sol  ǵasyrdyń otyzynshy jyldarynda keńestik dáýir ádebıeti ókilderimen sóz óneriniń keńistigine qatar kelgen sondaı som tulǵalardyń ortasynan oıyp turyp oryn aldy. 

Al endigi qozǵaıtyn áńgimemiz qalamgerdiń muralary, sonyń ishinde «Saryarqa» gazetindegi Júsipbek Aımaýytovtyń qoltańbasy jaıly bolmaq. Endeshe saryarqa gazetindegi maqalalarǵa kóz júgirteıik. Maǵan osy gazetti zertteý, izdený barysynda erekshe kózime túsken maqala, ol «Memleket qurylysy» boldy. Bir ereksheligi qalamger bul maqalasynda saıası qubylystar týraly kóptegen málimetterdi tilge tıek etedi. Maqalanyń úzindisine kerek bereıin:« Patshanyń pármeninen halyq qutyldy. Qandaı qolaıly turmys jasasa da, erik ózinde. Biraq, ulan-baıtaq jerde shashylyp jatqan júz mıllıon halyq qalaı jıylyp, qalaı keńespek? Mine, sonyń úshin mynadaı tártip bolýy kerek: hár gúbirnıa, hár oblostan halyq eki-úsh kisi ókil saılaýy kerek. Bul ókilderi kópke senimdi, pikiri, oıy jurtpen úılesetin hám basqa jurttyń ókilderimen tizelesip, halyqqa jaıly, unamdy memleket negizin jasaıtyn kisiler bolý kerek. Sondaı ókilderdiń bas qosyp keńesetin jıylysyn “ýcheredıtelnoe sobranıe” deıdi». Qazaqtyń óz aldyna derbes jurt bolyp moıyndalar kezi týǵandyǵyna úmit artyp, el keleshegine qatysty ózekti oılardy baspasóz betinde batyl kótere bilgen Júsipbekti bul joly saıası sarabdal synshy turǵysynan tanımyz. «Ulan-baıtaq jerde shashylyp jatqan júz mıllıon halyqtyń» qamy úshin saılaý isiniń qajettiligi jóninde, quryltaı jıylysy, saıası partıalardyń alar mańyzy týrasynda qazaqtyń da bilýi tıistigin «Memleket qurylysyna» arqaý etedi.

Minekeı, osyndaı uly tulǵalar ǵylymı-tanymdyq, ádebı jýrnaldy jurt ıgiligine jaratý arqyly qazaq rýhanıatynyń jańa deńgeıge kóterilýine tikeleı yqpal etti. Toq eterine kóshsek, J.Aımaýytuly rýhanıatymyz ben mádenıetimizdiń ilgeri qadam basýyna túrtki bolarlyq taqyryptardy qozǵaǵan birden-bir qalamger bolyp qala bermek. 

Baınazarova Arýjan

---