InfoHub Logo

Sonaý Taraz jaǵyndaǵy Talas boıyndaǵy bir shaıqasta kúni boıy bolǵan jekpe-jekte birde jeńip, birde jeńilip degendeı alma-kezek túsip, eki jaqtan da shyǵyn bolyp, kún batýǵa taıaǵan kezde tý jyǵylyp, búgingi soǵys toqtaýǵa aınalǵanda qalmaq qoly jaǵynan bir jas batyr atyn oınaqtatyp, «búgingi sońǵy aıqas bolsyn!» dep mejeli jerge kelipti.

— Iapyr-aı, myna qalmaq mezgilsiz ýaqytta jaman yrym bastamasa etti! — dep Serǵazy batyr qasyndaǵy jas batyrlardy aıqasqa jibermeı: — Jasym kelip qalǵan adammyn ǵoı, ólsem men-aq óleıin, — dep aıqasqa ózi shyǵypty.

Aıqas bastalyp ketedi. Eki batyr ary-beri yrǵysyp júrgende, Serǵazynyń naızasy qalmaqtyń batyrynyń dýylǵasyna tıip ketip, dýylǵasy basynan ushyp ketedi. Qalmaqtyń batyrynyń qyz ekenin sonda biledi. Serǵazy sol zamatta qalmaqqa qylyshyn sýyrtpaı, shapshań qımyldap jiberip, qyzdy at ústinen julyp alyp, óńgerip ala jóneledi. Sonymen búgingi soǵys ta bitti.

Sonymen Taraz — Talas aımaǵynan aýylyna qaıtyp, jekpe- jekte jeńip alǵan qalmaq qyzyn aǵasy Sereńge ákelip beredi.

— Meniń soǵystan alǵan oljam, siz alyńyz, — depti Serǵazy.

Sol jeńgemizden bir ul týady.

— E, álgi Esek áýlıeniń oıanyp kettim, ekinshi ul surap jatyr edim degeni osy bala shyǵar. ıapyr-aı, ne degen áýlıe edi, — dep bul dúnıeden ótip ketken Esektiń árýaǵyna taǵy bir bas ıipti.

Oqýǵa keńes beremiz:

Jalańtós batyr

Elshibek batyr týraly

Er Jaýǵash

---