InfoHub Logo

Bilim berý salasy: Komýnıkasıa
Bilim berý bólimi: Saýat ashý
Sabaqtyń taqyryby: Sh dybysy jáne áripi
Sabaqtyń maqsaty:
bilimdilik: balalardy sh dybysymen jáne árpimen tanystyrý, dıdaktıkalyq oıyndar arqyly jyldam áreket etýdi úıretý;
damytýshylyq: ertegi tyńdatý arqyly durys qorytyndy jasaı bilý, logıkalyq oılaý qabiletterin arttyrý, qıaldaryn damytý;
tárbıelik: eńbeksúıgishtikke, adamgershilikke, uqyptylyqqa, tıanaqtylyqqa, tazalyqqa, dostyqqa baýlý.

Motıvasıalyq - qozǵaýshylyq
Uıymdastyrý
Jylýlyq sheńberi
Qaıyrly kún, dosym,
Qaıyrly kún bolsyn!
Kúlshi, káne, dosym
Kúlshi, káne, dosym
Búgingi kún mine,
Sáttilikke tolsyn.
Bizdiń alar baǵamyz,
Tek bestikter bolsyn!

Uıymdastyrý - izdestirý
Jańa materıaldyń taqyryby men maqsatyn habarlaý.
Búgingi jańa taqyrypty tanystyrmas buryn men senderge bir shýmaq óleń oqyp bereıin, osy óleńnen búgingi bizdiń tanysatyn jańa dybysymyz jıi estiletin bolady. Olaı bolsa, muqıat tyńdańdar jáne qandaı dybys týraly aıtqanymdy taýyp kórińder.
Shorshıdy shortan, shoraǵaı,
Shabaq aýlap shaǵala.
Shegirtke qýyp Shorabaı,
Shapqylar shıli jaǵada.
Qandaı dybys eken?
Durys taptyńdar, bul óleń joldarynda Sh dybysy jıi qaıtalanyp tur.
Balalar, búgin bizdiń sabaǵymyzǵa «Shyryldaýyq shegirtke» kelip otyr. Ol ormanda óleń aıtyp júrip, qystyń qalaı tez túskenin baıqamaı qalypty. Qystyq azyǵyn daıyndamaǵandyqtan, shyryldaýyq shegirtke bizden kómek surap kelipti. Búgingi sabaqtyń sońynda barlyǵymyz birlese otyryp, shegirtkege qysqy azyǵyn daıyndaýǵa kómekteseıik. Shegirtkege kómek berý úshin berilgen tapsyrmalardyń barlyǵyn oryndaý kerek. Eger tapsyrmalar oryndalmaı qalsa, shegirtkege kómektese almaımyz.
Balalar, bárimiz birge Sh dybysyn hormen aıtaıyq. Sh dybysy qandaı dybys eken? Árıne, durys aıtasyńdar. Sh dybysy – daýyssyz dybys.
Al, endi Sh dybysynan bastalatyn sózderge mysaldar keltireıik: shańyraq, shańǵy, shańǵyshy, shar, sháınek, shaı, shyrsha, shana, shaǵala, shege, shıe, shegirtke, shyryn jáne t. b.
Býyndardy oqy: SHA SHÝ ASH
Sha -, shý -, - ash – býynynan bastalatyn sózder aıt.
Sol sózderdi qatystyryp sóılem qura.
Sergitý sáti
Qarlyǵash bolyp ushamyz,
Túlki bolyp qashamyz,
Qyrǵaýyldaı tapqyr bop,
Ornymyzdy tabamyz.
Jańyltpashty jatqa aıt
Shańǵyshy Satysh shańǵy aldy,
Jarysqa Satysh qamdandy.

Ataýy sh dybysynan bastalatyn zattyń sýretin boıa

Saýsaq jattyǵýy
Sany bolar onshaqty,
Shashyp aldym monshaqty.
Shymshyp, terip alamyn,
Qorabyna salamyn.
Sh árpiniń baspa túrimen jáne jazylý úlgisimen tanystyrý
Sh árpin aýada jazdyrtý
Dápterimizdi ashaıyq
Salaqtyqtan qashaıyq
Qolǵa qalam alaıyq
Kórkem etip jazaıyq

Dápterdegi úlgige qarap, tapsyrmany oryndaý

Dıdaktıkalyq oıyn
Taqtaǵa ilingen sýretterdiń ishinen sh dybysynan bastalatyn sýretterdi jınap, Sh dybysynyń úıiniń túsin anyqtaý.

Refleksıvti-túzetýshilik
Qorytyndylaý
Jaraısyńdar, balalar! Sender shegirtkege úlken kómek kórsettińder. Endi shegirtke senderdiń kómekterińmen qystan aman - esen shyǵatyn boldy.
Shegirtke senderge alǵys retinde myna kúlegeshterdi syılap otyr. Shegirtkeniń syılyǵyn qabyl alyńdar.
Ótilgen materıaldy suraq - jaýap arqyly bekitý
- Balalar, búgin biz qandaı dybyspen tanystyq?
- Sh dybysy qandaı dybys?
- Búgingi sabaqtan ne úırendińder?
Balalardy sabaqtaǵy belsendilikterine qaraı madaqtaý, úlgi etý.

Qyzylorda oblysy, Qazaly aýdany,
Qazaly qalasyndaǵy M. Gorkıı atyndaǵy
№16 mektep - lıseıdiń bastaýysh synyp muǵalimi
Medetbaeva Moldır Kabylanovna