InfoHub Logo

Qyzylorda oblysy, Qarmaqshy aýdany,
№105 orta mekteptiń bastaýysh synyp muǵalimi
Nurhanova Janat

Taqyryby: Sheberlerden úıreneıik.
Maqsaty:
1) Bilimdiligi: Oqýshylarǵa jańa sabaqty meńgertý. Matany tańdaý joldaryn, keste tigýdi meńgertý. Eńbek quraldaryn paıdalana bilý men óz ónerin baǵalaı bilýge baýlý;
2) Damytýshylyǵy: Oqýshylardyń oı - qıalyn damytý, dúnıetanymyn, baıqaǵyshtyǵyn, shyǵarmashylyq qabiletterin, óz qoldarymen qajetti buıymdar jasaýǵa, qol eptiligin damytý;
3) Tárbıeliligi: Eńbek mádenıetin saqtaýǵa, iskerlikke, talǵampazdyqqa, eńbeksúıgishtikke, uqyptylyqqa baýlý;
Sabaqtyń tıpi: Jańa bilimdi meńgertý
Sabaqtyń túri: Aralas sabaq
Sabaqtyń ádis - tásilderi: suraq - jaýap, oı - qozǵaý, toptastyrý, sergitý sátteri, toppen jumys
Sabaqtyń kórnekiligi: Interaktıvti taqta(prezentasıa), balalar shyǵarmashylyǵynan kórme, naqyl sózder
Qajetti quraldar: mata túrleri, keste tigýge arnalǵan ıne - jip, qaıshy, kergish

Sabaqtyń barysy:
İ. Uıymdastyrý kezeńi.
A) Oqýshylarmen sálemdesý, túgendeý.
Oqý, qural, dápter al
Sabaqqa kerek ol qural.
Dosyńdaı seniń kún kúlip,
Janyńda tursyn kúndelik.
Á) Oqýshylardyń nazaryn sabaqqa aýdarý.

İİ. Úı tapsyrmasyn suraý.
Orys, uıǵyr halqynyń kestesi.

İİİ. Úı tapsyrmasyn bekitý.
- Kesteniń qandaı túrlerin bilesiń?
- Qazaq, orys, uıǵyr halqynyń kesteleriniń erekshelikteri nede?
- Buıymdy ne úshin kesteleıdi?
- Keste ónerdiń qaı túrine jatady?

İÚ. Jańa sabaq
1. Kirispe sóz
Biz, qaı zamanda ómir súrsek te, adam ómirindegi eń negizgi is - ol eńbek bolmaq. Eńbeksiz ómir joq. Ony kúndelikti ózderińniń ata - analaryńnyń tynymsyz eńbekterinen baıqaýǵa bolady.
Dana halqymyz «Balany bastan» degen naqyldy beker aıtpasa kerek. Tálim - tárbıe alýda, teńizdeı tereń bilimdi ıgerý de eńbekpen baılanysty. Eńbek ústinde adam shyńdalady, ıkemdeledi, sheberlenedi.

A) «Oı qozǵaý» ádisi.
- Sheber adam qandaı bolý kerek dep oılaısyńdar? (toptastyrý)

Osy jaqsy qasıetterdi biz eńbekke baýlý páni arqyly úırenip, boıymyzǵa sińiremiz.
Á) Dáptermen jumys.
Búgingi kúnniń retimen, jańa sabaqtyń taqyrybyn jazamyz.
Sáýirdiń 27 - si.
Sheberlerden úırenemiz.
B) Maǵynany taný.
105 - bettegi sýretpen jumys.

- Bul sýrette tájirıbeli sheberdiń jumysy beınelengen. Onda kesteleý óneriniń negizi bolyp sanalatyn «tepshý» tigisi ǵana qoldanylǵan.
Matany tańdaý.
Kez kelgen mataǵa kesteleýge bolady. Maqta, kenep jáne jibek matalar keste tigýge jaqsy. Matany kesteniń túrine qaraı tańdaǵan jón. Janýarlar beınesin kesteleý úshin tyǵyz mata kerek. Bir jippen kestelegen óte ádemi kórinedi.
Matany kestege daıyndaý:

1. Matany jyly sýmen jýady. Mata otyrýy kerek.
2. Matanyń sheti setinemeý úshin onyń jıegin qaıshymen qıady nemese tigispen bastyrýǵa bolady.
3. Matanyń betine keste sýreti túsiriledi.
4. Matanyń ólshemderi keste sharǵysyna sáıkes kerilýi tıis.
5. Sharǵy dıametri 15 sm nemese 25 sm bolýy kerek. Sýret salynǵan mata eki sharǵynyń arasyna bekitiledi. Mata buranda arqyly kerilip tartylady.
6. Kesteleýge mýlıne jibin paıdalanyńdar. Olardyń ár túrli túsin tańdap alyńdar.
7. Barlyq nárseler óz ornynda bolýy tıis. Keste tigetin matany qural - saımandar men jipten bólek ustańdar. Matanyń árbir bóligin polıetılen paketke saqtaý kerek.

Ú. Sarmandyq jumys.
Qajetti qural - jabdyqtaryn túgendeý. Qaýipsizdik erejesi men jeke bas gıgıenasy, qaıshymen jumys isteý erejelerin eske túsirý.
Qural - jabdyqtarymyzdy parta betine rettep qoıyp alamyz. Olar jumysqa kedergi jasamaýy kerek. Árqaısysy óziniń aldyndaǵy daıyndaǵan materıaldarymen jumys isteıdi.
Kórsetilgen úlgilerdiń elementterin paıdalaný arqyly nemese óz qıaldaryńa erik berip, sheberlikterińdi kórsetińder. Jumysty bastamas buryn neni qalaı jasaýǵa bolatynyn jaqsylap oılanyp alyńdar.
Olaı bolsa, iske sát, balalar!

Sergitý sáti.«Óz ornyńdy tap» oıyny.
Jańa sabaqty bekitý.
Toppen jumys.
İ top: «Jalǵastyr» oıyny. «Óner, eńbek, sheberlik» týraly maqaldardyń jalǵasyn tabý;
İİ top: Jumbaqtyń sheshýin tabý;
İİİ top: «Kim jyldam?» test tapsyrmasyn oryndaý;
Úİİ. Baǵalaý.
Oqýshylardy baǵalaý.
Úİİİ. Úıge tapsyrma: keste tigip kelý.