InfoHub Logo

Baıaǵy zamanda bir maqtanshaq shegirtke bolypty. Ol  kishkene kezinen alysqa sekirgendi jaqsy kóredi eken.

Muǵalimi oǵan: «Sen alysqa qalaı jaqsy sekirseń, jaqynǵa da dál solaı sekire bilýiń kerek», — dep qansha eskertse de, ol tyńdamapty. «Men óte mańyzdy shegirtkemin, meniń alyssa sekirýim kerek», — dep maqtanypty.

Kúnderdiń bir kúninde  ol úıine shaı ishýge barmaq bolyp sekirgeni sol eken,  úıinen óte alys jerge baryp túsedi.

Sol jerden úıine barmaq bolyp qaıta sekirgende, taǵy da alystap ketedi. Sóıtip qaıta-qaıta sekirip, qanshama áreket jasaǵanmen, úıine jete almaı álek bolady. Birde  úıiniń sol jaǵyna, birde oń jaǵyna, ne artyna, ne  aldyna baryp túsip, jete almaıdy. Ábden sharshaǵan shegirtke bir kezde demalýǵa otyra  ketedi. Sol sát ol qasynda óziniń dosy ulýdyń turǵanyn  kóredi.  Shegirtkeniń  jaǵdaıyn baıqaǵan ulý oǵan:

— Bizdiń de jetistikterimizdiń bar ekenin baıqap turǵan bolarsyń.  Biz úıimizge  árqashanda keshikpeı jáne asyqpaı jete alamyz. Óıtkeni úıimiz  qashanda ózimizben birge, — deıdi  shegirtke dosyna qarap. — Eger sen meniń arqama otyrsań, úıińe jetkizip salamyn.

Shegirtke ulýdyń  arqasyna otyryp, úıine jetip alady.  Dosyna rıza bolyp, raqmetin aıtyp jatyp:

— Iá, dostym, alysqa sekirýmen barlyq nárse sheshilmeıdi eken, — deıdi kúrsinip.

— Ras, dosym, bul  — shyndyq.  Jaqynǵa sekirýdiń  de alysqa sekirý sıaqty  jaqsy jaqtary kóp, — deıdi ulý.

Aǵylshyn tilinen aýdarǵan Márıam Nazarbaeva

---