InfoHub Logo

Shymkenttegi «Front ofıs» ortalyǵynda bilim berý salasyndaǵy reformalar týraly jıyn ótti, dep habarlaıdy qala ákimdiginiń baspasóz qyzmeti.

«Bilim júıesin avtomattandyrý» taqyrybynda uıymdastyrylǵan sharaǵa «Mektepishilik elektrondy baqylaý júıesi» SCC kompanıasy men «Balany balabaqsha men 1 synypqa elektrondy túrde ornatý men qabyldaý júıesi» KDS Azıa kompanıasynyń jáne «Muǵalimderdi elektrondy túrde taǵaıyndaý júıesi» IT-invest group kompanıasynyń ókilderi qatysyp, óz jobalaryn tanystyrdy.

Esterińizge salar bolsaq, Shymkent qalasynyń 2020 jylǵa deıingi damý tujyrymdamasyna sáıkes, qalanyń bilim berý mekemelerinde mektepishilik elektrondy baqylaý júıesin, balabaqsha men mekteptiń birinshi synybyna balany elektrondy túrde ornatý júıesin jáne muǵalimderdi elektrondy túrde taǵaıyndaý júıesin engizý maqsaty qoıylǵan bolatyn. Mektepishilik elektrondy baqylaý júıesi oqýshy-ata-ana-mektepti qamtyǵan úsh jaq arasyndaǵy baılanysty nyǵaıtyp, oqýshylardyń oqý úlgerimine, mektepten tys ýaqytyn baqylaýǵa oń septigin tıgizedi dep kútilýde. Balabaqsha men mekteptiń birinshi synybyna balany elektrondy túrde ornatý júıesi arqyly, ata-analarǵa, barlyq mektepter men muǵalimder týraly maǵlumatty bir tizimde kórý jáne salystyrý arqyly eń tıimdilerine ótinishterin elektrondy túrde berýge jáne baqylaýǵa bolady. Sonymen qatar, ata-analarǵa balalaryn turǵylyqty tirkelý meken-jaıyna táýelsiz túrde, qalaýyndaǵy mektepke arnaıy bólinetin kvotalyq oryndarǵa túsirý múmkindigi týady. Ári, izdenýshiniń turǵylyqty tirkelgen meken-jaıyna qarasty mektepti anyqtaý múmkindigi beriledi. Muǵalimderdi taǵaıyndaýdyń elektrondy júıesi arqyly úmitkerler, mektepterde paıda bolǵan bos oryndarǵa ótinishter men tıisti qujattaryn elektrondy túrde tapsyra alady. Osy arqyly bos oryndardyń sany men úmitkerlerdiń tizimi elektrondy portalda jarıalanatyn bolady. Júıe arqyly úmitkerlerdiń bos orynǵa taǵaıyndalý konkýrsynyń ashyqtyǵy qamtamasyz etiledi.

Engizilip jatqan ınovasıalyq júıelerdiń qoldanylýy, qala ákimdigine qarasty memlekettik mekemeler tarapynan, turǵyndarǵa memlekettik qyzmetterdi kórsetetin, sybaılas jemqorlyqtyń aldyn alý maqsatynda qazan aıynda ashylǵan «Front-ofıs» qyzmetiniń aıasynda júzege asyrylatyn bolady.

---