InfoHub Logo

Shyrmaýyq (vúnok polevoı) — sabaǵy shyrmalyp ósetin, kóp jyldyq, shóp tektes ósimdik. Sabaǵynyń uzyndyǵy 80 sm-ge deıin barady. Japyraqtarynyń shetteri bútin, saǵaqtary uzyn. Gúlderi aq nemese qyzǵylt tústi, gúl japyraqshalary beseý, jaz aılarynda gúldeıdi.

Egistik jerlerde, shabyndyqtarda aramshóp retinde óse beredi. Dári jasaý úshin ósimdiktiń jer betindegi bóligin jas kúıinde paıdalanady, sebebi ósimdik kepkennen keıin dárilik qasıetinen aırylady. Quramynda alkaloıdter, glúkozıdter, shaıyrlar bar. Shyrmaýyq — ýly, sondyqtan tek qana syrtqy jaralarǵa jaǵý úshin qoldanylady.

Dárini daıyndaý jáne qoldaný tásili

Syrtqy jaralarǵa jaǵý úshin ósimdiktiń jas kezinde sólin syǵyp alý kerek. Nemese spırtti tunba jasaýǵa da bolady. Ol úshin ósimdiktiń 200 gramyn 400 ml spırtke aralastyrady da 15 kún tundyryp qoıady. Onan keıin súzip alyp, daıar bolǵan dáriniń 10 mıllılıtrine 100 mıllılıtr sý qosyp, jaranyń syrtyna jaǵý úshin paıdalanady.

---