InfoHub Logo

Erte zamańda Hýandı men Iandıdiń arasynda bolǵan úlken shaıqasta Hýańdı jeńiske jetip, aspannyń bıligin óz qolyna alady. Qaıyrymdy Iandı ári qaraı soǵysqysy kelmeı, ońtústikke sheginip, kishkene bir jerdiń patshasy bolady.

Iandıdiń Shıń Tıan degen batyr qolbasshysy boldy. Onyń kúshi myqty, denesi alyp, minezi tik, soǵysý óneri óte parasatty. Ol birneshe ret Hýandıden ósh alaıyn dep Iandıden ótinetin. Biraq Iandı únemi basyn shaıqap, kelispeıtin. Shıń Tıan endi Iandıniń óz oıynan qaıtpaıtynyn bilip, ózi áreket jasaýǵa bel býdy. Aqyry ne bolsa da, ol Hýandımen kúresýdi arman etedi. Sol qolyna qalqan, oń qolyna balta alyp, Hýandı ordasyna qaraı attanady. Jolda oǵan qarsy shyqqan Hýandı áskerin talqandap, Hýandı ordasynyń qaqpasyna deıin basyp kiredi. Hýandı buny estip, ashýlanyp, qolyna qylyshty alyp, Shıń Tıanǵa qaraı qarsy júgiredi. Ekeýi uzaq ýaqyt boıy kúresip, birese Shıń Tıan, birese Hýandı jeńilip turady. Soǵysyp kelip, olar Chań Iaań Shan taýynyń mańyna deıin jetedi. Ańyz boıynsha, bul taý – Iandıdiń týǵan jeri. Al odan soltústikke qaraı júrseń, Hýandıdiń otarlanǵan memleketine tap bolasyn. Soǵys áli de jalǵasa berdi. Bir kezde Hýandı Shıń Tıannyń qorǵanbaı qalǵan kezin paıdalanyp, ony qylyshymen shaýyp tastaıdy... Shıń Tıannyń úlken basy jerge domalap túsip, taýdyń ishine qaraı domalap ketedi. Hýańdı Shıń Tıan óz basyn taýyp alyp, moınyna qaıta jalǵap, sosyn menimen qaıta soǵysady degen ýaıymmen óziniń qylyshyn qaıta qolyna alyp, Chań Iaań Shan taýyn ortasynan shabady. Gúrs etken dybys shyǵyp, taý ekige bólinip ketedi. Sosyn Chań Iaań Shan taýy qaıta birigip, qalpyna keledi. Hýandı qarsylasyn jeńe almasa da, óziniń rýhyn joǵaltpady.

Onyń qajymas-qaıtpas erligi búginge úlgi. Bul erlikti Tań zamanynyń ataqty aqyn Taý Iýan Mıń da jyrlaǵan edi.

---