InfoHub Logo

5 "A" synyby mektepishilik festıválǵa óz daıyndyǵyn kesh bastady. Basqa synyptyń tálimgerleri óz synyptarymen daıyndyq jumystaryn júrgizip ketken ýaqytta 5 "A" synybynyń tálimgeri daıyndyq jumystaryna kele almaıtyn boldy. Osy kezde synyptyń daıyndyǵyn synyp jetekshisiniń ózi shuǵyl qolǵa alǵan edi.
Bastaýysh synypta sabaq bergen aǵaılary bulardy bastaýysh mektepten keıin úlken mektepke shyǵaryp saldy. Osy kezde bastaýyshty endi ǵana bitirip kelgen bulardy tájirıbeli ustaz apaı qarsy alǵan edi. Ol kisi bir jyl synyp jetekshilik jasaǵannan keıin óz shákirtterin jasy
kishi áriptesi - er muǵalimge tabystady. Bul synyp jetekshileri de tájirıbeli ustaz bolatyn. Endi sol aǵaılary festıválǵa daıyndyq jumystaryn bastap ta ketti.
Baǵdarlama túzilip jatty. Starosta qyz án salatyn boldy. Dúngenbaı Botbaevtyń ana týraly áni.

Damyldap ózender de,
Kún batyp, kún shyǵady.
Men úshin kózińdi ilmeı,
Anashym, júrsiń áli, júrsiń be áli?

Dúnıe qulpyrady,
Boıalyp dala nurǵa.
Sonda da men turamyn,
Kózińniń janarynda.

Synyptyń otrád soveti predsedateldigin ustazy buǵan júktegen edi.

- Sen kórkemsóz oqısyń, - dedi aǵaıy buǵan qarap.

- Jaqsy. "Jaılaýynda júrgen jigit baǵyp qoı, dos keldi dep jasap jatyr anyq toı..."

- Joq. Ol kórkemsózdi oqymaısyń. Óıtkeni ol óleń - kórkemsóz retinde kóp oqylǵan óleń. Muny basqa synyptyń kórkemsóz oqýshylary da oqýy múmkin. Ár nárseden shyǵatyn saldardy adam aldyn ala eskerip otyrýy kerek. Sondyqtan saǵan kórkemsózdi ózim taýyp ákep beremin.

Taýyp ákelip berdi.

- Kórkemsóz oqý - ózinshe bir óner, - dedi aǵaıy. Kórkemsóz bir orynda qatyp qalǵan kúıde oqylmaıdy. Óleńdi oqýshy adam óleńge óziniń ishki jan-dúnıesin bere otyryp oqý kerek. Soǵan oraı qoldyń qımyly da bolady. Úlken sahnalardaǵy kórkemsóz oqýshylardy kórip júrsiń be? Kórkemsóz solarsha oqylýy kerek.

- Biziń bıshi qyzymyz bar, - dedi aǵaıy baǵdarlamany jasaqtap bolǵannan keıin synypqa qarap turyp. - Múmkin biz oǵan shyǵys bıleriniń birin daıyndap bıleýdi usynarmyz. Biraq bı - birden-bir mýzykaǵa táýeldi óner. Sondyqtan men shákirtimdi ózim súıemeldeımin. Bul jaǵynan biz festıválda utatyn bolamyz.

Aǵaılary áý basta mýzyka pániniń muǵalimi bolǵysy kelipti. Sonan soń ádebıet pániniń muǵalimi bolyp ketken. Biraq budan mýzykaǵa degen qushtarlyǵy kemimese kerek.

- Dombyra asa tańsyq aspap emes qoı, - dedi aǵaılary. - Eń durysy mandolın dep oılaımyn. Men shákirtimdi mandolınmen súıemeldeımin.

Festıválǵa jınalǵan jannyń báriniń qos janary mandolın aspabynda oınap otyrǵan ustazdarynyń saýsaǵyna qadaldy da qaldy. Mandolınadan tógilgen shyǵys sazynyń áýenine shákirt qyz myń buraldy.
Sol joly 5 "A" synybyna mektepiishilik festıváldyń birinshi júldesi buıyrǵan edi.
Aǵaılary bularǵa 9-synypqa deıin jetekshilik jasady. Sonan soń bitirýshi synypta bulardy ózinen jasy kishi áriptesi - er muǵalimge tabystady.
Bastaýysh synyptan bitirýshi synypqa deıin bularǵa tórt ustaz - úsh er muǵalim bir apaı jetekshilik etti. Olar: Ábdirazaqov Nuǵyman aǵaı, bastaýysh synyptaǵy ustazdary, Baımanova Aınash apaı, matematıka páninen sabaq bergen muǵalim, ol kisi 4-synypta jetekshilik jasaǵan baıyrǵy, tájirıbeli pedagog ustaz edi jáne osynda tilge tıek bolyp otyrǵan ustaz 5 - 9-synyptar arasynda jetekshilik jasaǵan - Súndetov
Jandilda aǵaı, qazaq tili men ádebıeti pániniń muǵalimi, sonymen qatar bitirýshi synypta jetekshilik etken ustaz - Sahıev Qýantqan aǵaı, orys tili men ádebıeti pániniń muǵalimi. Osy ustazdary bulardy ómir aıdynyna shyǵaryp saldy. Bulardyń barlyǵy da - óz mektepterinde, Qazaly aýdanyndaǵy №25 qazaq orta mektebinde, dara, ózindik tulǵalyq qasıetterge ıe bolǵan ustazdar qatarynan sanalǵan jandar.

---