InfoHub Logo

Syrbaı Máýlenov (1922 — 1993)  Uly Otan soǵys ardageri. Abaı atyndaǵy Almaty memlekettin ýnıversıtetin 1973 jyly bitirgen. 1943 — 1950 jyldary Qostanaı oblysy radıokomıtetinde redaktor, "Bólshevıktik jol" (qazirgi "Komýnızm tańy") gazetinde bólim meńgerýshisi, redaktordyń orynbasary, 1951 — 1955 jyldary Qazaq memlekettik kórkem ádebıet baspasynda redaksıa meńgerýshisi, 1957 — 1961 jyly Qazaqstan Jazýshylar odaǵynda ádebı keńesshi; "Qazaq ádebıeti" gazetinde bas redaktordyń orynbasary, 1964 — 1971 jyly "Juldyz" jýrnalynyń, 1955 — 1957, 1971 — 1977 jyly "Qazaq ádebıeti" gazetiniń bas redaktory bolyp istedi. Tunǵysh óleni Jambyl oblysy "Kolhozshy" gazetinde 1937 jyly jarıalandy, "Óleńderim" atty alǵashqy jınaǵy 1948 jyly jaryq kórdi.

S. Máýlenov — qyryqqa jýyq jyr jınaqtarynyń avtory. Óleńderi qazaq poezıasynyń lırıka janryn damytýǵa eleýli úles retinde qosyldy. Shyǵarmalarynda týǵan jer, zamandas jáne onyń jasampaz eńbegi jarqyn jyrlanady. "Joldas" (1954), "Jas júrek" (1956), "Jol ústindegi jalyndar" (1963), "Juldyz jyrlar" (1963), "Qazyl arsha" (1969), "Boz qyraý" (1976), "Taý gúlderi", "Shalqar", "Jalyn" (úsheýi de 1979 jyl). "Janbyrsyz kúz" (1980), ólenderi "Shýaq", "Altyn tasqyn" ólender men poemalary (ekeýi de 1981 jyl); "Juldyz júrek" (1985) jınaqtary shyqty. Aqyn kitaptary synshylar joǵary baǵalandy. 1958 jyly "Tańdaýly óleńder" atty tańdamalysy. 1966 jyly "Shańqaı tús" jınaǵy, 1972 jyly "Tandamalylaryń" 2 tomdyǵy basylyp shyqty . Onyń "Jańa kóktem" (1956), "Dala tańy" (1957), "Kógildir taýlar" (1964), "Jer nári" (1970), "Aprel japyraqtary" (1972), "Tańdamaly lırıkalary" (1967), "Tandamala lırıkalary" (1972), "Japyraqtar janady" (1972), óleńder jınaqtary orys tilinde Máskeýde basyldy. 1981 — 1984 jyldary "Tańdamaly shyǵarmalary", "Altyń tasqyn" 1 t. 1981, "Ólenderi" 2 t., 1983 jyl; "Ólenderim", 3 t., 1984 jyly jarıalanady.

Máýlenov — belgili jýrnalıs. Merzimdi baspasózge belsene qatysty, kóptegen pýblısısıkalyq maqalalar men ocherkter jazdy. "Jar nári" atty ádebı portretter men ocherkter jınaǵynda 1966 jyly respýblıka eńbekshilerin halyq sharýashylyǵyn órkendetýdegi eseli eńbegin týysqan respýblıkalarǵa barǵan saparlarynan alǵan áserlerin sýretteıdi. "Al Úrker tóbede tur" 1971 jyly kitaby estelikter men portretterden etúdterden quralǵan. Bul jınaqta Abaı, Ybyraı; Sáken, İlıas, Beıimbet, Q. Amanjolov, N.S. Tıhonov, M. Tursyn-zade taǵy basqa ómir jolyn qysqa ári kórkem beınelengen. Shyndaǵy shuǵyla atty maqalalar men ocherkter jınaǵynda 1972 jyly Otanymyzdyń 50 jyl ishindegi qol jetken tabystary, lenındik ult saıasatynyń baǵyta baıandalaǵan. Máýlenov balalarǵa arnap "Barlaýshy bal" (1961), "Qulynshaq", "Bala jolbarys" (ekeýi de 1963 jyl), Amangeldi Imanovtyń balalyq shaǵy týraly "Qorqaq torpaq" (1968) taǵy basqa óleńder men áńgimeler jazdy. Máýlenov orys jáne týysqan halyqtar ádebıetiniń klasıkteri A.S. Pýshkın, M.Iý. Lermontov, N.A. Nekrasov, T.G. Shevchenko, V.V. Maıakovskıı, A.A. Blok, S.A. Esenın, N.S. Tıhonov, M.A. Sholohov, Á. Naýaı taǵy basqa shyǵarmalaryń qazaq tiline aýdardy. Qazaqstan Respýblıkasy Memlekettik syılyǵynań laýreaty (1970). 1-dárejeli Otan soǵysy; "Qyzyl Tý", "Halyqtar Dostyǵy", "Qurmet Belgisi" ordenderimen jáne medaldarmen marapattaldy.

Oqýǵa keńes beremiz:

Syrbaı Máýlenovtyń óleńderi

Syrbaı Máýlenovtyń naqyl sózderi

---