InfoHub Logo

Qaterli isik aýrýlary ishinde áıelderde kezdesetin sút bezi obyry sońǵy kezderi jıilep ketti. Sút bezi men jynys aǵzalary júıke júıesi men qandaǵy gormondar arqyly baılanysady jáne ómir boıy ózgeriske ushyrap turady. Mysaly, etekkir aldynda sút beziniń kólemi ulǵaısa, etekkirden keıin kishireıedi. Mundaı ózgerister aı saıyn qaıtalanady. Sút bezi áıelderdiń júkti kezinde de ulǵaıady. Bul aýrý kóbine jasandy túsiktiń kóbeıýi jáne jas náresteni jasyna kelgenshe emizbeý saldarynan týyndaıdy. Munyń bári áıelderdiń jynys aǵzalarynyń aýrýyna, gormondar tepe-tendiginiń buzylýyna, ásirese uryq arqyly shyǵatyn estrogen gormonynyń kóbeıýine jáne emshekte ártúrli isikterdiń paıda bolýyna alyp keledi. Atalmysh gormonnyń mol mólsherde uzaq ýaqyt boıy qanmen aralasyp júrýi isik aldynda bolatyn aýrýlardyń asqynýyna yqpal etedi de, ol sút beziniń qaterli isigine ulasady. Mundaı isiktiń paıda bolýyna jatyrdyń ýshyǵyp qabynýy, sondaı-aq qalqansha bez ben baýyr aýrýlary da yqpal etedi. Al baýyrdyń organızmdegi barlyq artyq gormondardy óńdep zıansyzdandyryp turatyn aǵza ekeni belgili.

Sút beziniń qaterli isigi saý sút bezine shyǵa qoımaıdy. Onyń týyndaý aldynda fıbroadenoma jáne mastopatıa dertteri paıda bolady. Mundaı jaǵdaı baıqalý boıyna keshiktirmeı dáriger onkologqa kóriný qajet.

Sút beziniń qaterli isigin alǵashqy satysynda qatersiz isikten aıyrý qıynǵa soǵady. Ol úshin naýqasty mammografıalyq jáne morfologıalyq tekserýden ótkizý kerek.

Sút beziniń qaterli jáne qatersiz isikteriniń aldyn alý joldarynyń biri organızmdegi tepe-teńdiktiń buzylýyna sebepshi bolatyn faktorlardy joıý bolyp tabylady. Ár áıel óz organızmindegi etekkirdiń kelýi, jynystyq qatynas, bosaný jáne bala emizýge qatysty ózgeristerge der kezinde mán berip, ózgeris baıqalǵan jaǵdaıda bilikti maman dárigerlerdiń aqyl-keńesine júginýi tıis. Aı saıyn ózin-ózi tekserip turatyn áıel sút beziniń qaterli isigin 90 paıyz jaǵdaıda ózi-aq aldyn ala anyqtaı alady.

Sońǵy jyldarda týý jasyndaǵy áıelder arasyndaǵy aýrýlardy erte anyqtaý maqsatynda profılaktıkalyq tekserý sharalary júrgizilip keledi. Mundaı sharalardy emhanada mamandandyrylǵan dárigerler júrgizedi.

Jalpy sút beziniń qaterli isigi bilinbeı bastalyp, aýyrmaı ósedi jáne basqa aǵzalarǵa taraıdy. Em neǵurlym erte bastalsa, soǵurlym tıimdi bolady. Sonymen birge áıelderdiń balany jıi týyp, olardy 3 jasqa deıin emizip, asyraýynyń ózi bul dertti boldyrmaýdyń birden-bir joly ekendigin umytpaǵan jón.

E.H. Abdýllaev, onkolog-dáriger

Oqýǵa keńes beremiz:

Mastopatıa

Ókpeniń qaterli isigi

Qaterli isikten saqtaný

Jatyrdyń qatersiz isigi

Qaterli isik qaýipin azaıtý úshin

Qaterli isikti arttyratyn azyqtar

Qaterli isiktiń aldyn alýshy — júzim

---