InfoHub Logo

Qazir jahandaný zamanynda tehnologıanyń álemdegi kúshi aıtarlyqtaı joǵary. Osyndaı tehnologıalyq ǵasyrda qazaqstandyq telearnalardyń  jabdyqtalýy ósip kele jatyr. Osy tusta qazaq televızıasynnyń búgingi kelbeti jaıly toqtala ketsek. Zaman solaı ma, álde adam talaby  ma? Áıteýir qazirgi kezdegi arnalardyń baǵyty jeńil-jelpi kóńil kóteretin baǵdarlamalarǵa qaraı oıysqan. Úlken suraq «adam tozdy ma, zaman tozyp barady ma?»

 Negizinen qytaı danalyǵynda «eldiń qandaı ekenin mýzykasy arqyly bilýge bolady. Sol arqyly jaýlap alýǵa da bolady. Mýzykasy baıaý eldi tez muńǵa batyryp jaýlap ala alasyń, al shoshańdaǵan mýzykasy bar el ózi-aq quryp bitedi. Jandy rýhtandyratyn, shynaıy mýzykasy bar el eshqashan maıyspaıdy» degen sóz bar. Osyndaı naqyl sózdi estı otyryp, tele arnalardaǵy shýlardy kórip, «álsiz elge aınalyp bara jatqan joqpyz ba?» dep oılaısyń. Odan keıingi másele telearnalardyń túrik, úndi, fılıppın serıaldaryn úzbeı kórsetýi. Sol arqyly eldiń mıyn ýlap jatqandyǵy. «Qazaqstan», «Bilim jáne mádenıet», «Sport kz» arnalarynan basqa arnalardy qosa qalsań, jarq-jurq, satyr-sutyrdan kóz ala almaısyń. Bir saraptama jasap, oı toqtatar baǵdarlama kórsetip jatqanyn ara-tura ǵana baıqamasań, basqa ýaqyttyrda oıyn-kúlkiden qoldary bosamaıdy. Túriktiń muńǵa toly serıaly júrip jatady, ne úndiniń ne ekeni belgisiz aıqaı-shýly, kek alý, urys bolyp jatatyn kınosyn kóresiń. Ne bolmasa shoý bıznestiń jańalyqtary. Onyń bári jeńil-jelpi baǵdarlamalar. Elge oı salatyn baǵdarlamalar emes.

Tań erteń turasyń «NTK» qossań shet eldik kúlkili dúnıeler, keshke qossań sonyń taǵy bir qazaqstandyq kóshirmesi. Odan qalsa «Revú», «Juldyzdar sherýi», «Kúlki bazar».

«31-de» bitpeıtin «Rızamyn», «Shanshar, Aldaraspan» sıaqty teatrlardyń ázilderin qaıta-qaıta qoıa beredi. «Almaty» «Ázil stýdıo». «Eýrazıa» «Patrúl», «Toı zakaz», «Paýtına». «7 kanal» «Qýyrdaq», «Sháı isheıik», «K-eli», «Aınaonlaın», «Jeńip kór», «Qyzdar arasynda». Bul telearnalardyń bir kúndik baǵdarlamasynyń ishinde orny erekshe, qalǵandary jańalyq pen tok-shoýdyń úlesine tıedi. Ol da az árına. Qalǵan bóliginiń bári aýdarylǵan baǵdarlamalar men kınolar. Kózińdi alyp júre almaısyń. Adamnyń óz problemasy jetip jatqanda, adamdardy kınodaǵy problemamen álek qylyp otyrady.

 

---