InfoHub Logo

1931-1933 jyldarda oryn alǵan asharshylyq jaıynda «Zulmat. Genosıd v Kazahstane» dep atalatyn fılm túsirilgen bolatyn. Ýkraınadaǵy 4 mln adamdy jalmaǵan «Golodomor», 6 mılıon adamdy qyryp ketken «Holokost ılı genosıd evreev» syndy qyrǵyndardan kem túspeıtin qazaq jerindegi asharshylyq týrasynda ashyp aıtylǵan. Osy 3 jyldyń ishinde 3,2 mln qazaq ashtyqtan qyrylyp qalǵan bolatyn. Bul týraly Keńester kezinde aýyz ashyp aıtýǵa tyıym salynǵandy. Al táýelsizdik alǵannan keıingi túsirilgen fılmderdiń ishinde asharshylyqtyń ashy shyndyǵyn kórsete bilgen týyndynyń biri de biregeıi boldy dep aıta alamyn.

Qazirgi kezde, ómirdiń bolmashy ǵana qıyndyǵyna tóze almaı ózine qol jumsap jatady. Ata-anasy aıfonnyń jańa markasyn alyp bermegenine nemese mashınasyn jańartyp bermegenine ashýlanyp, ómirden túńilip ketedi. Súıgen qyzy qaramasa taǵy da depressıa. Olar naǵyz qıyndyqtyń ne ekenin bilmeıdi. Bolmashyǵa bola saǵy synyp, túneredi de júredi. Tyrnaǵyn syndyryp alyp, jylap otyratyndarǵa balasyn kóz aldynda qasqyr jep ketken ananyń qaıǵysyn kórip táýbalaryna kelińder degiń kelip ketedi. Osyndaıda osy kúnińe shúkir etýge shaqyratyn tamasha týyndy dúnıege keldi. Bosqa jylamsyrap, kóringenge túńile bermeı «Zulmatty» kórip, táýbeńe kel de, alǵa qaraı umtylyńdar!

---