InfoHub Logo

Tárbıeshiniń maqsaty, mindetteri, tárbıeniń basym baǵyttary

Biz ómir súrip otyrǵan búgingi dáýir jańasha kózqarasty, jańashyldyqty talap etedi. Bilimniń damýy – adamzat órkenıetiniń ólshemi. Bilimi kúshti el ozady, bilimi álsiz el oǵan qyzmet etedi. Olaı bolsa, bilim salasy únemi jetildirýdi qajet etedi.
Elbasy N. Á. Nazarbaev: «El keleshegi jas urpaq tárbıesine tikeleı baılanysty,-» dep atap kórsetken bolatyn. Mekteptegi basty tulǵa muǵalim men tárbıeshi ekendigi daýsyz. Tipti qazirgi tehnologıalar erekshe damyǵan zamannyń ózinde bilim men tárbıe sapasyn qamtamasyz etýdegi muǵalim men tárbıeshiniń rólin esh nársemen aýystyrýǵa bolmaıtynyn halyqaralyq tájirıbeler kórsetip otyr. Demek, pedagog biliktiligi – elimizdiń búkil bilim berý júıesin alǵa bastyryp, ony zaman talabyna saı etip qurýdyń negizgi alǵysharty, basty kepildigi bolyp tabylady. Bilimdi urpaqty, básekege qabiletti mamandardy bilimdi muǵalimder, jan - jaqty kemel tárbıeshiler ǵana tárbıelep shyǵara alady.

Kórnekti pedagog K. D. Ýshınskıı: «... Tárbıeshiniń jeke basynyń jas janǵa etetin yqpaly oqýlyqtarmen de, jaqsy ádet - ǵurypty qulaqqa sińiretin ýaǵyzben de, jazalaý men madaqtaý júıesimen aýystyrýǵa kónbeıtin tárbıeleýshilik kúshke ıe,-» degen bolatyn.
Qazirgi zamanǵy tárbıeshi saıasattyń, naryqtyń pedagogıkaǵa ústemdik etýine jol bermeý úshin tárbıeniń jańa áleýmettik - ekonomıkalyq shartyn pedagogıkalyq negizde oılaı bilýge, jańa úrdisterdi pedagogıkalyq maqsat ustanymynda baǵalaýǵa, pedagogıkalyq is - árekettiń yqtımaldy múmkindikterin boljaýǵa, taldaý men ózin - ózi baqylaý tásilderin meńgergen kásibı sheber.
Tárbıeshi – tárbıe jumysyn uıymdastyrý, retteý, jetekshilik jasaý jáne osy jumysty iske asyrýmen aınalysatyn pedagog.

Tárbıeshiniń mindeti
Mektep - ınternat jaǵdaıynda balany tárbıeleý men onyń minezin qalyptastyrý, ony óz betimen ómir súrýge daıyndaý tárbıeshige júkteledi. Múmkindigi shekteýli balalardy tárbıeleýge kirispes buryn tárbıeshi damýynda psıhıkalyq jáne dene damý buzylystary bar balalardyń psıhologıasy týraly oqýǵa, olardy oqytý jáne tárbıeleý erekshelikteri týraly bilýge mindetti.

Tárbıeshiniń maqsaty
Qazirgi zamanaýı álemde dene jáne adamgershilik jaǵynan ózdiginen ómir súrýge qabiletti adamdy daıyndaý. Eger maqsatty oılaý tómendegi talaptardy esepke ala otyryp iske asyrylsa, onda olar tabysty bolady.

 Dıagnostıkalyq, ıaǵnı psıhologıalyq jáne damý buzylystary bar balalardyń qajettiligi men múmkindigin, sondaı - aq tárbıeleý jumysynyń talaptaryn únemi zertteý negizinde alǵa jyljý;
 Shynaıylyq, ıaǵnı naqty jaǵdaıdy esepke ala otyryp alǵa jyljý jáne negizdeý;
 Sabaqtastyq, ıaǵnı tárbıeleý jumysyndaǵy barlyq maqsattar men mindetterdiń arasyndaǵy baılanystyń bolýy;
 Maqsatty sáıkestendirýge qyzmettiń barlyq qatysýshylaryn maqsatty oılaý úderisine qosý arqyly qol jetkizedi;
 Nátıjege baǵyttalý, eger tárbıeleý maqsaty anyq, naqty bolǵan jaǵdaıda, maqsatqa jetý nátıjelerin anyqtaý múmkin bolady.
 Tárbıeshiniń negizgi mindeti – tárbıeleýshi jáne damytýshy is - áreketterdi uıymdastyrý jáne damytý, ár balanyń jeke tulǵasynyń damýyna kómektesý, ár balanyń beıimdiligi, qyzyǵýshylyǵy jáne qabiletiniń damýyna jaǵdaı jasaý.
 Maqsatqa jetý, mindetterdi atqarý tárbıeshiniń boıyndaǵy myna sapalyq erekshelikterge baılanysty júzege asady: