InfoHub Logo

Aspanda nuryn shashyp turǵan kún , kóz jetpes qupıa men qazynaǵa toly sary dala , sansyz baılyqtyń barlyǵy táýelsiz el bolmasań beker syndy kórinedi maǵan. Táýelsizdik – tátti sóz ǵana emes , ulttyq jaýapkershilik . Sonaý ata – babamyzdan bizge amanat etip qalǵan eń úlken baılyǵymyz . Baǵa jetpes muramyz . Al , osy qazynamyzdyń qadirin qazirgi urpaq myna bizder qanshalyqty bilip júrmiz degen suraq týyndaıdy . Halyq arasynda «baǵalaı bilmegenge baq , aıalaı bilmegen janǵa qut qonbaıdy » - degen sóz bar . Shynynda da tyrbanyp jetken táýelsizdigimizdi baǵalaı bilmesek , ultymyzǵa degen adaldyǵymyz bolmasa mundaı qutty baılyqtan aıyrylyp qalýymyz múmkin . Elimiz qalaı bolǵanda da san ǵasyrlyq qıyn qystaý joldan, tar jol taıǵaq keshýden ótip, táýelsiz elder qaýymdastyǵyna qosyldy. Otanymyz, Qazaqstan, týraly aıtarymyz da, maqtanarymyz da kóp. Táýelsizdik – eń aldymen Qazaq halqynyń bostandyqqa umtylǵan asqaq armandary men qaısar rýhynyń jemisi. Sondyqtan da biz úshin Táýelsizdik kúni - eń qasterli kún. Elimiz táýelsizdigin jarıalap, derbes memleket retinde álemge tanyldy. Elbasynyń «Qazaqstannyń táýelsizdigi qazaqtarǵa tartqan taǵdyrdyń syıy emes, óziniń ejelgi jerinde qıly kezeńdi bastan keshý arqyly qol jetken óz memlekettiligin qurýǵa degen zańdy, bul daýsyz faktige eshkim kúmán keltirmeýi tıis»,- dep atap kórsetýine úlken maǵyna jatyr. Óz basym memleketimizdiń táýelsizdigi – halqymyzdyń baqyty. Alǵashqy jyldarda basym maqsattardyń egemendikti nyǵaıtý, ulttyq qaýipsizdikti qamtamasyz etý. Sondyqtan búgingi kúni halqymyz ótkennen qalǵan tarıhı ónegeni, otansúıgishtikti, ultyna degen mahabbatty joǵaltpaı, ári qaraı jastardyń patrıottyq sezimine engizýge erekshe kóńil bólý kerek.Táýelsizdik - ulttyq tildiń, dástúrdiń, salt-sananyń myzǵymas tiregi, kúshi, altyn dińgegi, halyqtyń baq juldyzy. Táýelsizdik - arman! Jer betinde qansha ult bolsa, sonsha arman bar. Sol armanǵa bizdiń qazaq halqy jetti. Tar jol taıǵaq keshýmen , talaı bozdaqtardyń qanymen kelgen – TÁÝELSİZDİK deıtin uǵymnyń maǵynasy tym tereńde jatyr . Táýelsizdik jolynda qazaqtyń talaı ultjandy azamattary qyrshynynan qıyldy. Jazyqsyz ómirden erte ozdy. Olar halqyna qýanysh syılady, biraq sol qýanyshtyń dámin ózderi tata almady. Olar – qazaqtyń mańdaıyna bitken jaryq juldyzdary. Táýelsizdik úshin kúresken batyrlar - qazaq elin laýlaǵan ottan da, tar qapastan da alyp shyqqan azamattar. Qazaq elin arqasyna baılap, shyńǵa órmelep, eldi sol shyńǵa jetkizip, ózderi quzdan qulaǵan has batyrlar. Olar ózim dep qara basyn oılaǵan emes. Olardyń bar maqsaty táýelsizdik boldy emes pe? Ǵalymnyń haty, jaqsynyń aty umytylmaq emes. Olardyń bizge salyp bergen sara joly, búginde bizge dara jol.

Jaımýhanova Aqmaral

AtMý, 2 kýrs stýdenti

---