InfoHub Logo

Telejúrgizýshi bolǵyńyz kelse. Telejúrgizýshi-telearnanyń aınasy, kórermenniń kóńilin taýyp, yqylasyna bólenetin jandar. Telejúrgizýshiler tanymdyq-aqparattyq baǵdarlamalardyń tizginin ustaıdy, jeke tulǵamen suqbat qúryp, ortasyn qyzyqqa tolyqtyrady jáne kórermenniń kóńilin kóteredi. Endeshe, telejúrgizýshige qoıylatyn talaptarmen tanys bolyńyz:

1. Qysylmańyz

Telejúrgizýshi atanǵyńyz kelse, qysylyp-qymtyrylýdyń qajeti joq. Bul-mıllıondaǵan aýdıtorıamen qarym-qatynastyń qaınar kózi. Tabıǵattan berilgen qasıetińizdi ózgertpeńiz. Bul tusta akterlik sheberlik kýrstaryna jazylý men oratorlyq qasıetińizdi damytý artyqtyq etpeıdi.

2. Kórikti bolyńyz

Telejúrgizýshiniń dene-bitimi tartymdy ári bet-beınesi kórikti bolýy kerek. Televıdenıeden ár túrli alamdardy keziktirýge bolady. Alaıda, syrt-kelbeti tartymdy telejúrgizýshiniń qaralym kóp jınaıtynyn umytpańyz.

3. Jan-jaqty ári bilikti bolý-shart

Telejúrgizýshi úshin tájirıbeniń mańyzy zor. Neǵurlym tájirıbe jınasańyz, soǵurlym shyńdala túsesiz.

4. Damý ústinde bolyńyz

Ózdigimen rýhanı turǵyda ósý-telejúrgizýshiniń qabiletin bezendire túsedi. Siz kórermendi qyzyqtyrýǵa tıistisiz. Dúnıe-tanymnyń keńdigi, kez-kelgen taqyrypta áńgime-dúken qurý, sýyrypsalmalyq qasıet-naǵyz telejúrgizýshige tán.

5. Tikeleı efırde barlyǵyna daıyn bolý

Tikeleı efır-telejúrgizýshini shyńdaı túsetin oryn. Bul jerde siz kez-kelgen jaıtqa daıyn bolasyz. Eń bastysy-mımıkamen, dıksıamen kúndelikti jumys jasaý.

6. Qolaısyz jumys

Telejúrgizýshi únemi klasıkalyq kıim kıip, stýdıalyq formatta jumys júrgizbeıdi. Sizge taýdan sekirip nemese ózende júzip te suqbat alýǵa týra keledi. 

7. Jaǵymsyz pikirler

Belgili telejúrgizýshini birinshi kúnnen-aq synap-mineıtinder tabylady. Biraq, osyǵan bola alańdaýdyń qajeti shamaly. Sizdiń tanymaldylyǵyńyz ben biliktiligińiz-karerańyzdyń damýyna septigin tıgizetinin bile júrińiz.

---