Temirtaýda jańa kolej ashyldy
Qaraǵandy oblysy Temirtaý qalasynda Qaraǵandy memlekettik ındýstrıaldyq ýnıversıteti janynan gýmanıtarlyq-tehnıkalyq kolej ashyldy. Bul týraly JOO baspasóz qyzmetinen habarlady.
«Mamandar lısenzıalar alynǵan toǵyz mamandyq boıynsha daıyndalady. Bul - «Menejment», «Esep jáne aýdıt», «Jylýtehnıkalyq qondyrǵy jáne jylýmen jabdyqtaý júıesi», «Elektrlik jáne elektromehanıkalyq qondyrǵylardy tehnıkalyq paıdalaný, qyzmet kóretý jáne jóndeý», «Qara metal metalýrgıasy», «Mashınalar men ónerkásip qondyrǵylaryn paıdalaný», «Avtokólik quraldaryn tehnıkalyq paıdalaný, kútý jáne jóndeý», «Esepteý tehnıkasy jáne baǵdarlamalyq qamtý» jáne «Ǵımarat pen ımarattardyń qurylysy jáne paıdalaný», - delingen habarlamada.
9 jáne 11-synyp támamdaǵan oqýshylar qabyldanady.
«Kolejde QMIÝ oqytýshylary memlekettik standartqa saı baǵdarlamalar boıynsha sabaq beredi. Kolej stýdentteri ýnıversıtettiń kitaphanasyn, oqý zalyn, kompúter synyptaryn, oqý zerthanalary men sporttyq-saýyqtyrý keshenimen paıdalana alady. QMIÝ janyndaǵy kolejdi sátti támamdaǵandar úshin JOO-ǵa túsýge jeńildikter qarastyrylǵan», - dedi QMIÝ qabyldaý komısıasynyń jaýapty hatshysy Elena Harchenko.
You Might Also Like
-
Qytaı eliniń Shanhaı pedagogıkalyq ýnıversıtetinde bilimin jetildirgen pavlodarlyq túlek Farıda Tóleýbaeva jyl stýdenti atandy. Ol qatarlastarynan top jaryp shyqqany úshin sheteldik stýdentter fakýlte...
-
Óz jolyna túsip alyp súrleý soqpaǵymen kip-kishkentaı Qumyrsqa kele jatyr edi, kenet aldynan pende shyǵa keldi. Pende Qumyrsqany bir-aq myjyp óltire salsam ba eken dep oılady. Sol oımen pendeniń dáp-...
