InfoHub Logo

Deneden terdiń bólinýi — adam terisinde júzege asatyn mańyzdy fýnksıa. Ter adam aǵzasyndaǵy artyq suıyqtyq bolǵandyqtan, onyń syrtqa shyǵýy — zańdylyq. Biraq, denemizdiń kózge kóriner jerlerinen terdiń tym kóp mólsherde bólinýi yńǵaıyssyzdyq týdyrady. Tersheń adamnyń boıynan táýligine 3 lıtrden 14 lıtrge deıin ter bólinip shyǵýy múmkin. Artyq terdiń shyǵýy jaısyzdyq qana emes, densaýlyqta bir aqaýdyń bar ekenin bildiredi.

Adam boıynan dene eńbegi kezinde jáne taǵam qabyldaǵan kezde ter shyǵýy múmkin. Psıhogendik ter adam qýanǵanda nemese muńaıyp, jylaǵanda, ýaıymǵa salynǵanda shyǵady. Mundaı sátterde kóbnese alaqan men taban terleýi múmkin. Dene eńbegi kezinde, jattyǵý jasaǵanda, sport zaldarynda jattyǵýshynyń arqasy men shash arasy terleıdi. Al taǵam qabyldaǵanda, adamnyń ystyq tamaqty qabyldaýynan mańdaıynan burqyrap shyǵady. Alkogól qabyldaǵan kezde de qyzý adam kóp mólsherde terleıdi.

Qalypty mólsherde terdiń shyǵýy — aǵza úshin paıdaly. Óıtkeni ol zat almasý prosesi bolyp tabylady. Ter búırektegi artyq suıyqtyqty syrtqa shyǵaryp, tazartady. Terdiń quramy 99 paıyz sýdan, 1 paıyz organıkalyq (keratın, amınqyshqyldar, sút qyshqyldary) nemese organıkalyq emes (maı, kálsı, natrıı, temir, sınk) zattardan turady.

Tersheńdik júıke júıesi zaqymdanǵan adamdarda jıi kezdesedi. Olar emosıaǵa berilgish kelgennen keıin aǵza ár emosıalyq tolǵanysy kezinde terdi shyǵaryp otyrady. Buǵan beı-jaı qaraǵan jaqsy emes. Emhanalarda tersheńdikti aýrýdyń alǵashqy belgisi sanap, dárigerdiń kómegine júginetinder az emes. Tersheńdik qant dıabeti, ınfeksıalyq aýrý, semizdik, júrek-qantamyr aýrýlarynyń eń alǵashqy belgileri bolyp sanalýy múmkin.

Qoltyqtyń terleýi

Kóp adam gıpergıdrozdyń (tersheńdik) qoltyq jáne tabanda bolýynan zardap shegip jatady. Sebebi, terlegen qoltyq jaǵymsyz ıis shyǵarady. Qoltyqtyń terleýine kóp jaǵdaıda tar jáne sıntetıkalyq kıim sebep bolady. Ári bul terleý jynys talǵamaıdy. Ásirese bozbala men boıjetken shaqta jıi kezdesedi. Balalarda baıqalmaıdy. Qoltyqtyń terleýi tuqym qýalaýshylyqtan da bolady.

Ne isteý kerek?

Terlegenińizdi sezinseńiz, dýsh qabyldaýyńyz kerek. Kosmetıkalyq dúkenderde satylatyn qoltyqqa arnalǵan dezodarantty 12 saǵatta bir seýip otyrýdy umytpańyz. Jáne ár keshte qoltyqty jýǵannan keıin, 1 shaı qasyq as sodasy men 1 shaı qasyq tuzdy 200 ml sýda eritip, maqtamen qoltyqty súrtý kerek. Bul qoltyq gıpergıdrozyn azaıtady.

Alaqan men tabannyń terleýi

Alaqan men tabannyń terleýin akrogıdroz dep ataıdy. Júıke jáne júrek aýrýyna shaldyqqan nemese araqqa qumar jandardyń alaqanymen tabany jıi terleıdi. Emosıasyn ishte saqtaı almaıtyn jandardyń alaqandary terlegish keledi. Sapasy nashar, aıaqqa tar aıaq kıimder de aıaqty terletip, jaǵymsyz ıistiń shyǵýyna sebepshi bolady.

Ne isteý kerek?

Terlegenińiz sezilse, alaqan arasyn ashyp otyrýyńyz kerek. Durysy — qoldy sabynmen jıi jýý. Aıaq kıim tańdaýda ony sapasy men aıaqqa syıymdylyǵyn basty nazarda ustaý qajet.

Tersheńdikti emdeý

Tersheńdikten zardap shekkenderdi emdeý uzaq proses, ári odan qulan-taza aıyǵyp ketý múmkin emes. Bastysy, sebebin anyqtap, gıpergıdrozdy joıýǵa kúsh salý kerek. Dárihanalar men kosmetıkalyq dúkenderde buǵan túrli ónimder bar. Alaıda onyń báriniń áseri qaǵazynda jazylǵandaı emes. Tersheńdikti basý úshin quramynda valerıan, bromıd, Behterev mıkstýrasy bar preparattar usynylady. Shatyrash (shalfeı) tunbasymen jýyný da tersheńdikten qutylýǵa kómektesedi. Gıpergıdrozy asqynǵan adamdar arnaıy terapıalyq prosedýralar arqyly ony báseńdetýge tyrysý kerek.

Dezodoranttar — parfúmerıalyq óndiriste keń shyǵarylatyn ónim. Ol tersheńdikten emes, jaǵymsyz ıisten qutylýǵa kómek beredi. Al ter bólinýdi azaıtý úshin antıperspırantty paıdalanǵan jón. Quramynda formaldegıdi bar arnaıy dári-dármektiń de kómegi tıip qalady.

Jeke bastyń gıgıenasyn saqtap, sportpen shuǵyldaný, salaýatty ómir saltyn ustaý — eń tıimdi, bar aýrýdyń aldyn alatyn ádis.

Oqýǵa keńes beremiz:

Ár derttiń óz ıisi bar: aǵzada túrli ózgerister oryn alǵanda denemizden qandaı ıis shyǵady?

Aýyz ıisin ketirý

Dýshqa jıi túsý qaýipti me?

Teri úshin paıdaly ósimdikter

---