InfoHub Logo

AÝDARMA
Reı Kýnı

Eki kórinisti aǵylshyn komedıasy

Orysshaǵa aýdarǵan: Mıh. Mıshın

Qatysýshylar:
Djeın Perkıns
Genrı Perkıns
Bettı Djonson
Vıktor Djonson
Bıll
Devenport
Sleıton

Birinshi kórinis

Perkınster úıindegi óte jaıly etip jasaqtalǵan qonaq bólme. Qystyń uzaq keshteriniń biri. Sham janyp tur. Sahna bos. As úıden Djeın shyǵady. Aljapqysh taqqan ol asa sándi kóılek kıgen. As úıge ótip, bir sekýndtan soń qaıta oralyp saǵatqa qaraıdy, sodan soń jyldam keri ketip qalady. Ydys-aıaq ustap qaıta kiredi. Dastarhan qamdap júrgeni baıqalady. Taǵy saǵatqa qaraıdy.

DJEIN. Shoshqa, naǵyz shoshqanyń ózi eken (kózden qaıta tasa bolady).

Syrtqy esik ashylyp, Genrı kórinedi. Ústine plash kıgen, qolynda «dıplomat». Ol aýyr dem alady, asa mazasyz. Otyryp, dıplomatyn edenge qoıady. Ydys-aıaq ustaǵan Djeın qaıta kiredi. Qaıta saǵatqa qaraıdy.

DJEIN. Shoshqa!

Genrı oǵan mán bermeıdi. Ózimen-ózi. Djeın ony baıqap qalady.

DJEIN. Genrı! Keldiń be!

Genrı oǵan únsiz qaraıdy.

DJEIN. Qaıda joq bop kettiń?

Genrı túk estimegendeı ózimen-ózi aınalasyna úrpıip, úrkip qaraıdy.

DJEIN. Bettı men Vıktor kelip qalatyn shyǵar...

Genrı únsiz qaraıdy.

DJEIN. Búgin seniń týǵan kúniń emes pe!

Genrı únsiz qarap qalǵan.

DJEIN. Til-aýyzyń baılanyp qaldy ma álde... jumysta bir nárse boldy ma?

GENRI. Telefon anyqtamasy.

DJEIN. Nemene?!

GENRI. Anyqtama qaıda?

DJEIN. Ony neǵylasyń? (anyqtamany beredi)

GENRI. (paraqtap) Áýekompanıalar… Áýekompanıalar…

DJEIN. Genrı, ne boldy?

GENRI. Brıtan áýe jelileri...

DJEIN. Brıtan áýe jelilerin qaıtesiń?

Genrı nómirdi teredi.

DJEIN. Qazir qonaqtar keledi!

GENRI. (telefon tutqasyna) Brıtan áýe jelileri me? Eki bıletke tapsyrys qabyldańyz.

DJEIN. Genrı, toqta, qaıdaǵy bılet?!

GENRI. (telefon tutqasyna) Iá-ıá! Búgin ushamyz!

DJEIN. Ne dep kettiń?!

GENRI.Qaıda deımisiz? Báribir.

DJEIN. Genrı!

GENRI. Báribir dep turmyn ǵoı. Vıza talap etpeıtin kez kelgen elge. Danıa. Golandıa, Ispanıa… Báribir. Ýaqyt deısiz be? Djeın, áýejaıǵa taksımen jetý úshin qansha ýaqyt kerek?

DJEIN. Bir saǵat…

GENRI. Bir saǵat…tirkeýi bar…(tutqaǵa) Ýaqytty onnan keıin deńiz. Iá, eki bılet. Kútem. (Djeınge) Bar, jınal.

DJEIN. Genrı, sen ne, massyń ba?

GENRI. Óte qajet nárselerdi ǵana al. Qujattardy umytpa.

DJEIN. Men qazir jylaımyn.

GENRI. Artyq zat alma, barǵan soń barlyǵy bolady.

DJEIN. Qaıda barǵan soń?!

GENRI. (Tutqaǵa) Iá, ıá! Barselona? Óte jaqsy! Durys boldy.

DJEIN. Qudaıym-aý, Genrı!

GENRI. Bıletti áýejaıda qolma qol aqshaǵa satyp alsam bola ma? Óte jaqsy! Sonymen birinshi klaspen Barselonaǵa eki bılet. Mıster jáne mıssıs Perkıns. Joq, keri qajet emes. Sonda qalamyz.

Djeın bar daýysymen aıqaılap jylaıdy.

Tirkeýge jarty saǵat erte kelý kerek deısiz be. Túsindim. Rahmet.

DJEIN. Genrı!..

GENRI. (tutqany kóterip, qaıta nómir teredi) Tura tur…

DJEIN. Endi qaıda shalyp jatyrsyń?

GENRI. Meniń tis shetkam men saqal qyrǵyshymdy ǵana al. (Tutqaǵa) Alo, taksı? Maǵan kólik kerek. Týra qazir. Áýejaıǵa. Eki adam. Mıster Perkıns. Elgar Avenú 42. Úı týra buryshta. On bes mınýtta kelesiz be, óte jaqsy! Rahmet. Fý-ý-h. Barselona! Barselona!

DJEIN. Genrı, qaıdaǵy Barselona? Qazir Vıktor men Bettı keledi ǵoı.

Genrı edennen «dıplomatty» alyp, betin ashyp Djeınge kórsetedi. Dıplomat toly aqsha.

DJEIN. Bul ne?

GENRI. Aqsha. Bir mıllıon jeti júz elý myń.

DJEIN. (Topastanyp) Bir mıllıon…jeti júz elý…

GENRI. ...myń fýnt sterlıń. Otyz bes myń qaǵaz. Árqaısysy elý fýnttan.

DJEIN. Qaıdan aldyń?

GENRI. Qudaı sátin saldy. Boldy. Qujattardy umytpa.

DJEIN. Bul aqsha seniń dıplomatyńnyń ishinde...qalaı paıda boldy?

GENRI. Másele sonda ǵoı, bul meniń dıplomatym emes.

DJEIN. Meniki emesi qalaı?

GENRI. Solaı. Jumystan shyǵyp ádettegideı metroǵa otyrdym, dıplomatymdy janyma bylaı qoıdym. Jetken soń dıplomatty alyp syrtqa shyqtym... Qujattar qaıda ketken?

DJEIN. Sosyn?

GENRI. Dala sýyq bolǵan soń, qolǵabym men shalmamdy almaq bolyp dıplomatymdy ashsam, ishi toly aqsha... boldy.

DJEIN. Sumdyq-aı!

GENRI. Taptym. (Qujattardy qaltasyna salady). Basqa bireýdikin alyp, ózimdikin metroda qaldyryppyn.

DJEIN. Nege sol mezette qaıtaryp bermediń?

GENRI. Qaıda? Metroǵa ma?! Onyń ústine, shoshyp kettim. Ózińdi kórer edim, sómkeńnen opa-dalaptyń ornyna bir mıllıon jeti júz elý myń fýnt sterllıng shyqsa!

DJEIN. Qansha ekenin qaıdan bilesiń?

GENRI. Sanadym.

DJEIN. Kóshede turyp pa?!

GENRI. Joq, syrahanada.

DJEIN. Aıttym ǵoı, iship alǵansyń dep.

GENRI. Árıne! Óz-ózime kelip, ári qaraı ne isteıtinimdi oıladym. Vıskı iship alyp, dárethanaǵa kirdim.

DJEIN. Nemenege?

GENRI. Eles emes ekenine kóz jetkizý úshin, sonda otyryp, sanap shyqtym.

DJEIN. Sosyn?

GENRI. Sosyn dárethanadan shyǵyp, taǵy vıskı alyp ishtim, sosyn qaıta dárethanaǵa kirdim...

DJEIN. Ne úshin?

GENRI. Qaıta sanadym.

DJEIN. Nege sonsha keshikkenińdi endi túsindim.

GENRI. Shynymdy aıtsam, úshinshi ret taǵy sanadym. Túsim emes, óńim ekenine ázer sendim.

DJEIN. Genrı, bul bizdiń aqsha emes! Urlyq qoı bul!

GENRI. Joq, qatelesesiń! Men dárethanada otyryp, myqtap oılandym. Bul qylmystyq jolmen kelgen aqsha. Bir alaıaq zańsyz jolmen qolǵa túsirgen. Demek bul aqsha esh jerde tirkelmegen, esh jerde esepke alynbaǵan. Joq aqshany qalaı urlaýǵa bolady? Oılasaı durystap!

DJEIN. Genrı, qorqam…

GENRI. Bopty. Buny syılyq dep esepte. Qanshama jyl tıyn-tebenge bola arqam búgilip qyzmet ettim, aqyr aıaǵynda, mine.

DJEIN. Al polısıa izdeı bastasa she…

GENRI. Polısıa túk te istemeıdi. Bul aqshany izdep eshkim polısıaǵa shaǵymdanbaıdy. Bar, zattaryńdy jına.

DJEIN. Genrı, biz bárin bir sátte tastap, basymyz aýǵan jaqqa kete almaımyz ǵoı!

GENRI. Túk túsinbeı otyrǵan sıaqtysyń? Biz endi munda qala almaımyz. Men jumysqa da orala almaımyn.

DJEIN. Nege?

GENRI. Alaıaqtyń dıplomaty mende bolsa, meniń dıplomatym onda qaldy. Al onyń ishinde meniń barlyq qyzmettik qujattarym ketti. Erteń tańerteń Alaıaq keńsege telefon shalyp, men jaıly barlyq málimetti alady. Biraq tańerteń biz bul jerden myńdaǵan shaqyrym qashyqta, ıspanıalyq otelde mıster jáne mıssıs Rokfeller bolyp jatamyz. Mıster Alaıaq, Genrı Perkınsten jalyndy sálem!

DJEIN (tań-tamasha qalyp). Genrı, men seni bundaı dep oılamappyn!

GENRI. Sebebi men qazir múlde basqa adammyn, qymbattym! (ándetip) Barselona, Barselona!

DJEIN. Genrı, meniń Barselonaǵa barǵym kelmese she.

GENRI. Qoı, boldy! Saǵan Ispanıa unaıdy ǵoı. Óziń ana joly osynda qaıta oralǵym keledi demep pe ediń?

DJEIN. Máńgige emes, demalysqa ǵana barǵym kelgen!

GENRI. Jaraıdy. Barselonaǵa barǵyń kelmese, barmaı-aq qoı, bir túndi sonda ótkizemiz de, ári qaraı qaıda barǵyń kelse, sonda ketemiz. Avstralıa, Grekıa, Bermýd deısiń be, óziń tańdaısyń. Qalasań, Bermýdty satyp áperemin! Bar, jınal.

Esiktiń qońyraýy qaǵylady.

DJEIN. Oıbaı!

GENRI. Vıktor men Bett shyǵar. Sómkeni ózim jınaımyn, al sen olardan tezirek qutyl.

DJEIN. Ne deımin? Shaqyrǵan ózimiz ǵoı!

GENRI. Meıramhanaǵa barsyn (Dıplomattan birneshe kýpúr shyǵaryp, Djeınge beredi de, ózi júgirip ketip qalady).

DJEIN (artynan jylarman bolyp). Búgin seniń týǵan kúniń ǵoı!

Esiktiń qońyraýy soǵylady. Djeın ashady.

DEVEN. Polısıa, madam.

DJEIN. Polısıa?!

DEVEN. Inspektor Devenport. Ortalyq okrýg. Men osynda turatyn jentlmenmen tildessem dep edim.

DJEIN. Jentlmenmen deısiz be?…

DEVENPORT. Iá. Ol sizdiń kúıeýińiz bolar?

DJEIN. Ne boldy… Aldymen ne bolǵanyn aıtsańyzshy?

DEVENPORT. Kúıeýińizdi kórsem dep edim, mıssıs…

DJEIN. Ol kıimin aýystyryp jatyr… Genrı! Onyń aty – Genrı…

Devenport jymıyp, basyn ızeıdi. Esiktiń qońyraýy soǵylady.

DJEIN. Oı! Keshirińiz. Esikti ashýǵa bola ma?

DEVENPORT. Árıne.

DJEIN. Otyryńyz, otyrsańyzshy…(ótirik kúlip) Genrı!

Devenport otyrady. Djeın esikti ashady. Bıll kiredi.

BILL. Men de keldim!

DJEIN. Siz kimsiz?

BILL. Olar on bes mınýt dedi, al men on mınýtta jettim.

DJEIN. Keshirińiz... túsinbedim?

BILL. Taksıstpin.

DJEIN. (mazasyzdanyp). A, ıá-ıá!

BILL. Esimim - Bıll. Áýejaıǵa kettik pe? Zattaryńyz bar ma?

DJEIN. Qandaı zattar?

BILL. Júk degenim ǵoı!

DJEIN. A, júk!.. (Devenportke) Bireý jolǵa shyǵyp barady. Meniń... sińilim… Ol bizdiń úıde turady… Endi turǵan dese de bolar… Búgin ushyp barady... Genrı!

BILL. Joq, ótinishte: «Mıster Perkıns» dep tur.

DJEIN. Joq-joq, mıster Perkınstiń ózi eshqaıda ketpeıdi. Ol tek tapsyrys berdi, sińlim ketedi, meniń... sińlim... (aıǵaılap) Genrı!

DEVEN. Qaıda jol júrip barady?

DJEIN. Túsinbedim?..

DEVEN. Sińilińiz qaıda barady?

DJEIN. A-a… Sıdneıge… Avstralıaǵa.

BILL. A, Avstralıa! Onda eldiń barlyǵy tóbesimen júredi!

DJEIN. Iá, ol sonda turady…

BILL. Jaraıdy. Mashınada kútemin. Mynda buryshta turmyn. Olar daıyn bolǵanda terezeden aıqaılaı salsańyzdar bolady.

DJEIN. Olaryńyz ne? Qaıdaǵy olar?

BILL Ótinishte eki adam dep jazylyp tur. Eki adamdy, madam, olar dep aıtamyz.

DJEIN. A, ıá! Árıne… Sińlimniń kúıeýi bar eken ǵoı, ol da Avstralıadan.

BILL. Tezirek shyqsyn. (Devenportke) Tanysqanyma qýanyshtymyn.

DJEIN. Genrı, qaıdasyń? Úıde adamdar bar!

DEVEN. Óte mazasyz kesh bolǵaly tur eken. Sińilińiz ketip barady, qonaq shaqyryp qoıypsyzdar.

DJEIN. Iá, durys aıtasyz.

DEVEN. Sondyqtan qobaljyp turǵan shyǵarsyz.

DJEIN. Joq-joq, barlyǵy jaqsy. Taýyǵym da daıyn bolyp qaldy…

DEVEN. Sińilińiz kúıeýi ekeýi dám tatpaıtyny ókinishiti.

DJEIN. Sińilim? A, Adelaıda men Persı…onyń esimi - Persı… Árıne, ókinishti. Biraq ushaq kútpeıdi ǵoı.

DEVEN. Iá, Sıdneıge jetkenshe bes márte tamaqtanady áli.

DJEIN. Iá, óte alys…

Jyldam basyp Genrı kiredi. Juqa shalbar men jeńsiz jeıde kıip alǵan. Qolynda plash, sómke jáne dıplomat bar.

GENRI. Sonymen jınaldyq. Vıktor men Bettıden qutyldyń ba?

DJEIN. Genrı, úıde qonaq bar.

GENRI. Qonaq? A, taksı. Jigit ekensiń, tez keldiń.

DEVEN. (ornynan turyp) Men polısıa qyzmetkerimin.

GENRI. Polısıa?…

DEVEN. Inspektor Devenport. Ortalyq okrýg (kýáligin beredi).

GENRI. (qarap shyǵyp) Ne sharýmen júrsiz, ınspektor?

DEVEN. Siz mıster Perkınssiz ǵoı? Genrı Perkıns?

GENRI. Iá.

DEVEN. Ser, sizben sóz bar.

GENRI. Ne jóninde?

DEVEN. Ońasha sóılessek durys bolady. Biraq zaıybyńyzdyń sińlisi ketkenshe kúte turýǵa barmyn.

GENRI (tańdanyp).Áıelimniń sińlisi…

DJEIN (álsiz daýyspen). Adelaıdany aıtady…

GENRI (tań qalyp). Adelaıda?!

DEVEN. Iá, olar jolǵa shyǵyp bara jatqan joq pa.

DJEIN. Olar dep Adelaıda men Persıdi aıtady…(ótirik kúledi) Taǵy da tóbelerimen júretin boldy.

GENRI. Tóbelerimen júrgeni qalaı?…

DEVEN. Olar Avstralıadan keledi ǵoı. Sıdneıden.

DJEIN. Júkterin kóterip kómektesip jatyrsyń, rahmet.

GENRI. Oqasy joq…

DJEIN. Genrı, ınspektorǵa Adelaıda men Persıdi kútip qajeti joq sıaqty.

GENRI. Árıne. Polısıaǵa qurmetimiz daıyn. Ótinemin, ınspektor.

Qońyraý qaǵylady.

DJEIN. Oıbaı!

GENRI. Taksı shyǵar. Kúte tursyn deshi.

DJEIN. Bıll baıaǵyda kelip alǵan.

GENRI. Bıll?! Ol kim?

DJEIN. Taksı júrgizýshisi. Adelaıda men Persıdi alyp ketýge keldi.

GENRI. A-a. Iá.

DJEIN. Al mynaý kelgender - Vıktor men Bettı shyǵar.

GENRI. Týǵan kún bolmaıdy deseńshi.

DJEIN. Aıta almaımyn!

GENRI. Aıtasyń.

Esiktiń qońyraýy soǵylady. Djeın shoshyp ketedi.

DJEIN. Qudaı saqtasyn!

DEVEN. Ser, ózińiz ashyńyz. Men tosa turamyn.

GENRI. Shyn aıtasyz ba?

DEVEN. Árıne. Dostaryńyzdan qutylǵansha týystaryńyz da daıyn bolyp qalar.

GENRI. Iá, ıá! Adelaıda jáne Sıdneı.

DEVEN. Sıdneıden kelgen Adelaıda men Persı.

GENRI. Iá… Basym shyr aınaldy ǵoı. Marhabat, bylaı júrińiz.

DEVEN. Sonda da, ser . Qyzmet babymen kelgenimdi umytpańyz.

GENRI.Árıne, ınspektor.

Devenport shyǵady.

DJEIN. Ol polısıaǵa barmaıdy dep ediń ǵoı!

GENRI. Kim?

DJEIN. Seniń «dıplomatyńdy» áketken adam.

GENRI. Múmkin ol «dıplomat» úshin kelmegen shyǵar!

DJEIN. Endi ońasha ne jóninde sóılesedi?

GENRI. Durys aıtasyń. Joq, aqshany bermeımin! Ózimniń jıǵanym deımin.

DJEIN. Jıǵan aqsham? Bir mıllıon jeti júz elý myń?!

GENRI. Iá! Sondaı únemshil adammyn.

DJEIN. Joq, saǵan shyndyqty aıtýǵa týra keledi.

GENRI. «Shyndyq»?!.. «Adelaıdadan kelgen Sıdneı men Persıdi» oılap tapqan adam aıtatyn nárse ma bul!

DJEIN.Sıdneıden kelgen Adelaıda men Persı!

GENRI. Odan ármen! İshýdi toqtat!

Esiktiń qońyraýy soǵylady.

DJEIN (shoshyp ketip). Genrı!

GENRI. Bopty! Bar bolǵany Vıktor men Bettı. (Esikti ashady) Keshirińizder, dostar, búgin sizderdi qabyldaı almaıyz…

Bıll kelip kiredi.

BILL Esepeteýishtiń qosylyp turǵanyn umytpańyzdar.

GENRI. Esepteýish?

BILL. Taksometr.

GENRI. A, siz – Bensiz be.

BILL. Al siz – mıster Perkınssiz be?

GENRI. Iá. Myna sómkeni alyp, mashınada kútińiz.

DJEIN. Genrı, polıseı she?

GENRI. Ózim sóılesem, sen de mashınaǵa bar.

BILL. Jol júretin bul emes, sińlisi.

GENRI. Ol sińlisin shyǵaryp salady, túsinesiń be! Baryńdar! Joq, toqtańdar. Qaı áýejaıǵa baramyz?

BILL. Ne?

GENRI. «Brıtan áýejelileriniń» ushaǵy Barselonaǵa qaı áýejaıdan ushady?

BILL. Qaıdaǵy Barselona? Sińlisi Avstralıaǵa ushady!

GENRI. Iá-ıá… Jolǵa shamamen qansha ýaqyt kerek degenim ǵoı?

BILL. Jıyrma saǵattaı.

GENRI. Áýejaıǵa deıin!

BILL. Mynandaı kepteliste dál sol ýaqyt.

GENRI. Jaraıdy, mashınada kútińiz. (Djeınge) Bar, mashınada kút meni.

DJEIN. Genrı, keshir, mensiz ushýyńa týra keledi.

GENRI. Kóp sóıleme, bar jınal.

DJEIN. Bárin dál osylaı bir mezette tastap kete almaımyn. Meni jyndansyn deıtin sıaqtysyń. Seniń kesirińnen ishýdi bastadym, mine.

GENRI. Qansha qaıtalaýǵa bolady? Erteń mıster Alaıaq meniń jumysyma telefon shalyp, mekenjaıymdy bilip alady. Sodan soń osynda keledi, eger munda sen otyrsań, maıdalap týrap, baýyzdap ketedi.

DJEIN. Oǵan sen kináli bolasyń!

Devenport keledi.

DEVEN. Keshirińizder, ýaqytym joq.

GENRI. Iá, ıá, daıynmyn. Júrińiz

DEVEN. Olar ketti me?

GENRI. Kim?

DEVEN. Zaıybyńyzdyń sińilisi, kúıeýimen.

GENRI. A-a… Mıster jáne mıssıs Braýn ba… Joq, ázir osynda…

Esiktiń qońyraýy soǵylady.

DJEIN. Oı! Genrı!

GENRI. Búgin saǵan ne boldy? Vıktor men Bettı shyǵar! Ne aıtýdy bilesiń. Júrińiz, ınspektor.

Esiktiń qońyraýy qaıta shyryldaıdy. Genrı Djeınge olardy kirgizbe degendi ymmen bildirip, Devenporttyń artynan ketedi. Djeın esikti ashady. Qolynda syılyǵy bar Bettı shyǵady.

BETTI. Keshir, keshigip keldik.

DJEIN. Ah, Bettı!

BETTI. Biz dep turǵan sebebim meniń esalań kúıeýim dalada shataq shyǵaryp jatyr. DJEIN. Shataq shyǵarǵany qalaı?

BETTI. Týra úılerińniń qasynda turǵan taksıge soǵyldy.

DJEIN. Mássaǵan! Sodan?

BETTI. Vıktor taksıstke buryshta turýǵa bolmaıdy dedi. Al ol bolsa júıkesi juqa bireý eken, Vıktordy naqurys dep qorlady. Sosyn Vıktor onyń murnyn buzaýǵa ýáde berdi...

DJEIN. Bettı, biz masqara boldyq. Polısıa jaýap alyp jatyr.

BETTI. Polısıa?!

DJEIN. Ol bir mıllıon jeti júz elý myń fýnt urlap kelipti.

BETTI. Kim?

DJEIN. Genrı!

BETTI. Genrı?! Mıllıon urlady???( ishek-silesi qatyp kúledi)

DJEIN. Iá-ıá-ıá! Ant etemin! Ol basqa dıplomatty alyp, aqshany kórgennen keıin syrahanaǵa barǵan da dárethanaǵa otyrǵan.

BETTI. Oqıǵanyń týra osylaı bolǵanyna senimdimisiń?

DJEIN. Sodan keıin Barselonaǵa deıin eki bıletke tapsyrys berdi, eger ol jer maǵan unamasa, Bermýdty satyp áperemin dep otyr.

BETTI. İship alǵansyń ba?

DJEIN. Djın jáne konák. Endi, mine, úıge polısıa keldi.

BETTI. Ne dep sandyraqtap kettiń? Seniń Genrıiń urlyq jasasa…

Djeın «dıplomatty» ashyp, Bettıge kórsetedi.

BETTI. Mássaǵan! Jaraısyń Genrı! Ittiń balasy!

DJEIN. Endi ne isteımin, sony aıtsańshy?

BETTI. Bermýdqa kelis.

Vıktor júgirip kiredi.

VIKTOR. Ana anturǵan polısıa shaqyrǵaly jatyr!

BETTI. Bilip edim.

DJEIN. Polısıa deıdi?

VIKTOR. Sálem, Djeın. Ol seniń sińlińdi kútip otyrmyn, áýejaıǵa aparamyn deı me áıteýir bir nárse deıdi. Tamaǵym qurǵap ketti.

BETTI. Maǵan da quı, Djeınge de.

VIKTOR. Djeınge? Ol ishpeýshi edi ǵoı.

BETTI. İshýdi bastapty.

VIKTOR (Djeın). Seniń sińilińniń bar ekenin bilmeıdi ekenmin.

DJEIN. Mende sińili joq.

VIKTOR. Takısıt seniń sińilińdi áýejaıǵa aparamyn dedi ǵoı, óz qulaǵymmen estidim.

DJEIN. Ol Genrı ekeýmizdi kútip tur.

VIKTOR. Senderdi? Áýejaıǵa? Al týǵan kún she? Toı ıesi qaıda?

BETTI. Bar da keshirim sura. Bizge bir polısıa da jetedi.

VIKTOR. Bir polısıa da jetedi degendi qalaı túsindik?

BETTI. Anda polısıa Genrıdi urlyq jasaǵany úshin tergep jatyr.

VIKTOR. Qyzyq, baıqus Genrıdiń ne urlaýy múmkin?

BETTI. Bir mıllıon jeti júz elý myń fýnt.

VIKTOR. Nemene fýnt?

DJEIN. Sterlıń!

VIKTOR. Saıabaqta oryndyqtyń astynan taýyp alyp pa?

DJEIN. Saıabaqtan emes, metrodan.

«Dıplomatty» ashyp kórsetedi.Vıktor tań qalyp aqshaǵa qarap qalǵan. Genrı kiredi. Barlyǵy ony bas salady.

DJEIN. Tutqyndaıtyn boldy ma?

BETTI. Qamaýǵa ala ma?

VIKTOR. Mynaý shyn aqsha ma?!

GENRI (Vıktordyń qolyndaǵy aqshany alyp). Bularǵa nege aıtasyń?

DJEIN. Seni eń bolmasa Vıktor toqtata ma dedim.

GENRI. İshýdi doǵar, estip tursyń ba.

DJEIN. Qoıshy! Ne dedi?

GENRI. Meniń sózderim senim týǵyzbaıdy deıdi.

DJEIN. Birden Joǵalǵan zattar búrosyna aparyp berý kerek edi.

GENRI. Bir mıllıon jeti júz elý myńdy ma?! Joǵalǵan zattar búrosyna ma?!

BETTI. Bóten dıplomatty alyp ketkenimdi úıge kelgende bir-aq bildim demediń be.

GENRI. Ol aqsha týraly surap turǵan joq.

BETTI. Qalaısha?

VIKTOR. Suramaǵany qalaı?

GENRI. Bilmeıdi.

DJEIN. Sonda seniń qaı sóziń senim týdyrmaı tur?

GENRI. Syrahanadaǵy is-áreketim.

DJEIN. Túsinbedim…

GENRI. Búgin ınspektordyń demalysy eken, ol da sol syrahanada bolypty. Endi meni aıyptap otyr.

BETTI. Nege qatysty?

GENRI. Tıistiń dep.

VIKTOR. Kimge tıisipsiń?

GENRI. Syrahanadaǵy erkekterge.

DJEIN. Ne degen arsyzdyq!

BETTI. Seni erkekterge tıisti degendi qaıdan shyǵarǵan?

GENRI.Syrahanaǵa qatty abyrjyp kirdim, ol jarty saǵat ishinde erkekter baratyn jerge úsh ret júgirip kirgenimdi kórip otyrǵan – keri oralǵan saıyn abdyrysym údeı túsken. Onyń aıtýynsha, men dáretke otyrǵan erkekterge kóz tastappyn, ernimdi jalap, kóz qysyppyn, aýyr dem alyp, silekeıim aǵypty. Qolym qaltyrapty.

DJEIN. Dárethanada aqsha sanasa, onyń da qoly qaltyrar edi.

GENRI. Sodan keıin ol syrahanadan úıge deıin meni ańdyp kelipti.

VIKTOR. Sen oǵan ne dediń?

GENRI. Bárin moıyndadym.

Barlyǵy shoshyp ketedi.

BETTI. Neni moıyndadyń?

GENRI. Bárin.

DJEIN. Erkekterge tıiskenińdi moıyndadyń ba?!

GENRI. Iá.

DJEIN. Nege?

GENRI. Qutylý úshin. Búgin qaıtsem de Barselonaǵa jetýim kerek.

VIKTOR. Bul túrińmen Barselonaǵa emes, abaqtyǵa túsetin sıaqtysyń ǵoı!

GENRI. Túspeımin. (Aqsha shyǵarady) Jıyrma myń berip qutylamyn.

DJEIN. Esiń durys pa! Bul para ǵoı!

GENRI. On myń berem desem, ol otyz myń surady, sosyn jıyrmaǵa kelistik.

Eldiń barlyǵyn tań qaldyryp aqshany alyp ketip qalady.

VIKTOR. Maǵan taǵy ishý kerek.

BETTI. Saǵan ǵana emes (Djeınge) İshesiń be?

DJEIN. Álbette.

BETTI. Bárimizge quı.

DJEIN. Óz baıymdy ózim tanymaı otyrmyn.

VIKTOR. Tosyn syı dep osyny aıt.

Esiktiń qońyraýy soǵylady.

DJEIN (aıqaılap). Bul ne taǵy! Búgin jyndyhanaǵa túsetin shyǵarmyn.

VIKTOR. Eger ana delquly taksıst bolsa…

BETTI. Vıktor, ótinemin?

Vıktor esikti ashady. Bıll kiredi.

BILL. Naqurys! Seniń kesirińnen kóligim bir orynda qadalyp qaldy!

VIKTOR. Óziń kinálisiń, topas!

BILL. Kólik aıdap úırenbeısiń be odan da!

DJEIN. Kólik nege qadalyp qaldy?

BILL.Mynalaryń bamperimdi myjyp tastady, endi dóńgelek qozǵalmaıdy, túsinikti me?

Júgirip Genrı kiredi.

GENRI. Senesińder me, sanap jatyr! (Bıldi baıqap) A, Ben.

BILL. Men - Bıllmin.

GENRI. Durys, daıyn turyńyz, Bıll, qazir áýejaıǵa tartyp ketemiz.

BILL. Eshqaıda tartyp kete almaımyz, myna esýas mashınany qurtty.

VIKTOR. Óziń esýassyń!

GENRI. Otalmaı qaldy ma?

BILL Otalmaı qalǵan joq, júrmeı qaldy!

BETTI. Bamperi maıysyp ketipti. Biz sizge ıterisip kómektesemiz, solaı emes pe, Vıktor?

VIKTOR. Atasynyń basy, kómektespeımin. Ol polısıaǵa shaǵymdandy.

GENRI. Polısıaǵa?

BILL. Shaǵymdanatyn edim, biraq telefondary almaı tur.

GENRI (Vıktorǵa). Kórdiń be! Ótinemin.

VIKTOR (jaqtyrmaı). Jaraıdy, júr.

BETTI (Bıllge). Onyń júregi - jumsaq.

VIKTOR. Shyndyǵynda júregimniń esi durys emes.

Bettı, Bıllı barlyǵy esikke betteıdi.

BILL Týystaryńyzdy asyqtyrsańyzdarshy.

GENRI. Jospar ózgerdi. Týystar eshqaıda barmaıdy.

BILL. Barmaǵany qalaı?

GENRI. Olardyń týystary, ıaǵnı biz mıssıs Perkıns ekeýimiz ketemiz.

Bıll olarǵa tań qalyp qarap shyǵyp ketedi.

GENRI (Djeınge). Solaı, qaraǵym, birde bir qarsy sóziń qabyldanbaıdy!

DJEIN. Oıymdy jınaqtaı alar emespin.

GENRI.Ushaqta jınaqtaısyń. İshýdi toqtat. (Oǵan «dıplomatty» beredi) Qolyńnan tastaýshy bolma. Kıinip, meni mashınada kút.

DJEIN. Al sen qaıda barasyń?

GENRI. Álgi paraqordyń ne istep jatqanyn kórip keleıin.

DJEIN. Polısıa qyzmetkerin para alýǵa qalaı kóndirdiń?

GENRI. Esińdi jıǵan soń, túsinesiń (shyǵyp ketedi).

DJEIN. Joly bolmaı júrgen kezinde jaqsy edi.

Ol «dıplomatty» edenge qoıyp, konák quıyp alady, esiktiń qońyraýy soǵylady. Qazir, qazir. Esikti ashyp,ınspektor Sleıtondy kirgizedi. Ústine plash kıip alǵan, qolynda týra Genrıdikindeı «dıplomat».

SLEI. Mıssıs Perkıns?

DJEIN. Iá, ne boldy?

SLEI. Kirýge bola ma?

DJEIN. A-a… Ne boldy? Jarnama agentisiz be?

SLEI. Joq, madam. Polısıadanmyn. Inspektor Sleıton. Ońtústik okrýg.

DJEIN. Ońtústik?…

SLEI. Iá, madam.

DJEIN. Ortalyq emes pe?

SLEI.Ońtústik. Bálkim, tize búgersiz?

DJEIN. Joq, rahmet. Mıster Perkınsti izdep júrsiz be?

SLEI. Ókinishke qaraı, solaı, madam. Otyrǵanyńyz durys sıaqty.

DJEIN. Meniń kúıeýimdi qaıtpeksiz?

SLEI.Jaǵymsyz jańalyq ákeldim be dep qorqamyn.

DJEIN. Aıta berińiz.

SLEI. Sizdi kúıeýińizdiń keshigip jatqany alańdatpaıdy ma?

DJEIN. Árıne, ol keshikkende men qashanda mazasyzdanamyn…

SLEI. Bizdegi aqparattarǵa sáıkes mıster Perkıns qaıtys boldy.

Djeın túk túsiner emes. Ol Genrı kirip ketken esikke bir, Sleıtonǵa bir qaraıdy.

DJEIN. Mıster Perkıns?..

SLEI. Iá, osyny estirtýge keldim. Sizge onyń tulǵasyn anyqtaýǵa týra keledi.

DJEIN. Joq toqtańyz… Meniń kúıeýim… Áldebir túsinispeýshilik bolǵan sıaqty…

SLEI. Árıne, mıssıs Perkıns, men sizge bir kese shaı quıyp bereıinshi. As úıińiz qaıda edi?

DJEIN. Keregi joq! Siz Genrıdi nege óldi dep oılaısyz?

SLEI. Jelkesine eki márte oq atylyp, máıitin Temzanyń Ońtústik kópir tusyna laqtyryp jiberipti, aldymen qol-aıaǵyn jaqsylap baılaǵan.

DJEIN. Baılaǵan?

SLEI. Iá, al aıaǵyna shynjyr orapty.

DJEIN. Demek oqys, baqytsyz oqıǵa emes qoı?

SLEI. Joq, arty qaıyrly bolsyn. Degenmen shaı ákelip bereıin.

DJEIN. Qaıdaǵy shaı…

SLEI. Durys aıtasyz, bundaı jaǵdaıda… Ne ishesiz?

DJEIN. Iá, ózińizge de quıyp alyńyz.

SLEI. Maǵan bolmaıdy – qyzmet babyndamyn.

DJEIN. Ol máıitti nege meniń Genrıim dep oılaısyz?

Inspektor oǵan rúmkany berip, edennen óz «dıplomatyn» kóteredi.

SLEI. Máıittiń qaltasynda tulǵasyn anyqtaıtyn qujattar bolǵan joq, biraq qasynda dıplomat boldy. Mıssıs Perkıns, mynaý jubaıyńyzdyń dıplomaty ma?

Óz «dıplomatyn» kórsetedi. Djeın baıqatpaı Genrı ákelgen dıplomatqa qaraıdy.

DJEIN. Iá, uqsastyqtar bar…

SLEI. Al myna zattar she? (moıynoraǵysh pen qolǵapty shyǵarady).

DJEIN. Iá, bul Genrıdiń zattary…

SLEI. Kúıeýińiz «Bodlı men Kraých» kompanıasynda esepshi bolyp istep pe edi?

DJEIN. Iá.

SLEI. Munda qujattar, qyzmettik hattar, túbirshekter bar, myna qoıyn dápter kúıeýińizdiki me?

DJEIN. Iá.

SLEI.Sosyn tistelgen býterbrod.

DJEIN. Tistelgen..?

SLEI. Menińshe, mynaý irimshik pen kechýp sıaqty.

DJEIN. Iá, múmkin…

SLEI. Biraq, árıne, resmı túrde anyqtaý kerek.

DJEIN. Jo-joq. İrimshik pen kechýp ekenin endi baıqadym. Durys aıtyp tursyz.

SLEI.Tulǵasyn anyqtaý kerek deımin.

DJEIN. A-a…

SLEI. Biraq mıster Perkıns ekenine kúmán joq.

DJEIN. Iá, túsinem…

SLEI. Máıithanaǵa mashınamen baramyz. Alys emes. Kıinip shyǵyńyz, men osynda kúte turaıyn ba?

DJEIN. Joq, mashınada kútińiz.

SLEI. Árıne, túsinem… Úıde taǵy bireýler bar ma? DJEIN. Ne?

SLEI.Sizge kóz qyryn salatyn adam bar ma.

DJEIN. Iá, sińilim men kúıeýi bar.

SLEI. Demek sizge qaraıtyn adamdar bar ǵoı.

DJEIN. Iá, árıne, árıne…

SLEI. Onda mashınada kútemin.

Ol esikten shyǵa bergende Genrı kezdesedi.

GENRI. Júz elý fýnt jetpeıdi. (Qonaqty kórip) Qaıyrly kesh…

DJEIN. Bul jentlmen – polısıadan.

GENRI. Polısıadan? Ortalyq okrýg pa?

SLEI. Ońtústik, ser.

GENRI. Ońtústik?

SLEI. Inspektor Sleıton.

DJEIN. Inspektor qaıǵyly habar ákelip tur. Bilmeımin, qaıterimdi.

GENRI. Ne boldy? Meniń famılıam - Perkıns.

Djeın rúmkasyn tastap jiberedi.

SLEI. Perkıns? Demek siz de týysysyz ǵoı?

GENRI. Kimniń týysymyn?

SLEI. Mıster Genrı Perkınstiń.

DJEIN. Iá, Genrıdiń inisi.

GENRI (topas keıippen). Genrıdiń inisi?..

DJEIN. Iá. Meniń baıqus Genrıimniń inisi!

SLEI. Olaı bolsa, mıster Perkıns, sizge aýyr soqqy bolatyn jaǵdaıdy baıandaýǵa ruqsat etińiz. (Djeınge) Men aıtaıyn ba álde ózińiz estirtesiz be?

DJEIN. Qaısysymyz aıtsaq ta ońaı bolmaıdy .

SLEI. Bizdiń derekterge sáıkes, ser, mıster Genrı Perkıns qaıtys boldy.

Genrı estigenin uǵýǵa tyrysyp tur.

GENRI. Iá… Siz shynymen meni oıran-asyr ettińiz.

DJEIN. Ony bireýler óltirip ketipti.

GENRI. Buǵan senimdisiz be?

SLEI. Barlyq jaǵdaı osyny kórsetip tur, ser.

DJEIN. Jantúrshiktiretin jaǵdaı eken.

SLEI.Máıiti Temzadan tabyldy, jelkesinen eki márte oq atylypty.

DJEIN.Qol-aıaǵy baılaýly, aıaǵy shynjyrmen oralǵan.

GENRI. Shynymen qorqynyshty.

DJEIN.Qasynda «dıplomaty» bar.

GENRI. Onysy... nesi?

SLEI.Mynaý baýyryńyzdyń «dıplomaty» ma?

Óziniń «dıplomatyn» kórsetedi.

GENRI. O, qudaıym-aı!

SLEI.Al endi mıssıs Perkıns marqumnyń eń jaqyn adamy retinde menimen máıithanaǵa baryp, máıittiń óziniń kúıeýi ekenin resmı túrde rastaýǵa tıis.

GENRI. Temzaǵa laqtyrypty deısiz be?

SLEI. Iá.

GENRI. Túsinikti.

DJEIN. Genrı!

GENRI. Boldy, boldy, Genrıdiń atyn atap shaqyrma, onyń jany qazir jumaqta. Endi seniń tiregiń men bolamyn. Men onyń inisimin, esimim -Freddı. Áıelimdi keshirińiz... (qateleskenin túsinip toqtaı qalady) Meniń áıelimdi, Jenevevany oıatý kerek. Ol uıyqtap jatyr. Sol úshin keshirińizder. Qazir onyń orny - Djeınniń qasynda. Biz búgin úıge qaıtamyz, Avstralıaǵa.

SLEI.Saparlaryńyz alys eken.

GENRI. Iá, demalysqa kelgenbiz. Ol jaqta jyl on eki aı fermada, qoılardyń arasyndamyz. Al London sondaı tamasha. Bir aı boly, birde bir qoı kezdestirmedik. (Djeınge) Baıqus Genrı. Jenevevaǵa da aýyr soqqy bolatyn bolady-aý.

DJEIN.Árıne, Freddı. Adelaıda men Persıge de estirtý kerek.

GENRI. Iá-ıá, olar bar eken ǵoı. Otbasymyzben qaıǵyǵa batatyn boldyq.

DEVEN (kirip keledi). Men kúteıin be álde… (beıtanysty kórip) Keshirińiz… (jaǵdaıdy túsinip ketip qalady).

GENRI. Bul meniń ekinshi inim…

SLEI. Taǵy bireýi bar ma edi?!

GENRI. Iá, úlkeni. Archı.

DJEIN. Genrı!

GENRI. Qymbattym, men Freddımin. Genrı endi joq.

DJEIN. Masqara, endi ne isteımiz?

GENRI. Qudaıǵa jalbarynamyz. Genrıdiń jany jannnatta bolsyn dep tileımiz. Inspektor, tura turyńyz ol óz-ózine kelip alsyn.

SLEI. Túsinemin, syrtta kúteıin.

Sleıton, óz «dıplomatyn» alyp shyǵyp ketedi.

DJEIN. Masqara boldyq.

GENRI. Kerisinshe, sátin saldy degen osy.

DJEIN. Qaıdaǵy sát!

GENRI. Eki eselengen sáttilik. Eger Genrı Perkınsti atyp, baılap-matap, ózenge aǵyzyp jibergen bolsa, ony eshkim Barselonadan izdemeıdi.

DJEIN. Ekinshi sáttilik she?

GENRI. Atylyp, baılanyp, ózenge aǵyp ketken mıster Alaıaq bolsa, demek ol bizdi izdep, qýdalaı almaıdy.

DJEIN. Al ony atyp, baılap ózenge aǵyzǵan adam she?

GENRI. Seniń aýyzyńnan eshqashan jaqsy sóz shyqpaıdy. Jaraıdy, qazir bastysy Archı inishekten qutylý kerek. Júz elý fýnt jetpeıdi eken oǵan. Aqsha salynǵan dıplomat qaıda. A, mine...

Telefon shyryldaıdy. Genrı tutqany kóteredi.

Alo. Nemene? Keshirińiz, túsinbeımin. Aǵylshynsha aıtyńyzshy? Ne deısiz? (tutqany tastaı salady) Sandyraq. «Sıma Dansık», «Sıma Dansık».

DJEIN. Ol – chemodanchık dep turǵan shyǵar.

GENRI. Ne?!

DJEIN. Chemodanchık. «Dıplomat».

Genrı oıran-asyr bolady.

DJEIN. Bul mıster Qanisher shyǵar.

GENRI. Kim?

DJEIN. Mıster Alaıaqty óltirgen adam.

GENRI. Masqara! Bizdiń telefon nómirimizdi qaıdan tapqan?

DJEIN. Seniń dıplomatyńnan aldy da!

GENRI. Meniń «dıplomatymdy» ınspektor Sleıton kóterip júr ǵoı!

DJEIN. Al oǵan deıin she? Mıster Alaıaq arqyly dıplomatyń mıster Qanisherdiń qolynda boldy ǵoı. Ol ony bir mıllıon jeti júz elý myń jatyr dep ashady, al onda seniń tistelgen býterbrodyń men qoıyn dápterińnen basqa eshnárse joq! (ózine konák quıyp alady).

GENRI. Durys aıtasyń, barlyǵy osylaı bolǵan sıaqty…

Esik ashylyp, Vıktor kiredi.

VIKTOR. Durys boldy. Bamperdiń máselesi sheshildi! Shyǵa berseńder bolady.

GENRI.Óte jaqsy. (Djeınge) Boldy! Kettik!

«Dıplomatyn» alady.

DJEIN. Qaıda?!

GENRI. Áýejaıǵa!

DJEIN. Dál qazir eshqaıda shyǵa almaımyz.

GENRI. Dál qazir bizge shyǵyp ketý kerek.

DJEIN. Álgi paraqor she? (Devenport ketken esikti nusqaıdy). Men bara almaımyn. Meni ekinshi polıseı kútip otyr, máıithanaǵa barýym kerek.

VIKTOR. Qaıdaǵy máıithana? Qaıdaǵy ekinshi polıseı?

GENRI. Aýyzyńdy japshy! (Djeınge) Onda Barselonaǵa tipti ketý kerek. Sen kıin, al sen birinshi polıseıge myna júz elý fýntty tapsyr (Vıktorǵa aqshany ustatady).

VIKTOR. Sen oǵan jıyrma myń berýiń kerek edi ǵoı.

GENRI. Berdik qoı, biraq júz elý fýnt jetpeıtin bolyp shyqty. Mine, osyny berseń, boldy.

DJEIN. Al máıitti tanýǵa kim barady?

VIKTOR. Qaıdaǵy máıit?

DJEIN. Mıster Alaıaqtyń máıiti qol-aıaǵy baılanyp matalǵan kúıinde Temzadan, Ońtústik kópir mańynan tabylypty. Aıaǵyna shynjyr baılanypty. Jelke tusyna eki márte oq atylǵan.

GENRI. Teledıdardan jańalyqtar berip jatyrsyń ba? Vıktor, oǵan aqshany ber de, Bettıdi alyp, úılerińe qaıtyńdar. Búgin bul jerde eshnárse bolǵan joq, eshnárse estigen de, kórgen de joqsyńdar, osyny myqtap esińde saqta.

VIKTOR. Durystap aıtyńdarshy…

Telefon shyryldaıdy. Genrı men Djeın qatyp qalady.

GENRI (Vıktorǵa qorqynyshty túrmen sybyrlap). Alma!

VIKTOR (ol da sybyrlap). Alaıyn dep turǵan joqpyn… Óziń nege almaısyń?

DJEIN. Sebebi bul - ol!

VIKTOR. Kim?

GENRI. Mıster Qanisher!

VIKTOR. Kim?

GENRI. Sıma Dansık.

VIKTOR.Qaıdaǵy Sıma?

DJEIN. Mıster Chemodanchık. «Dıplomat»!

VIKTOR (túsinip).Mássaǵan, senderdiń nómirlerińdi qalaı tapqan?

GENRI. Býterbrod arqyly! (Telefonnyń úni óshedi).

DJEIN (jylap). Bilip edim, osylaı bolatynyn bilip edim!

Esikten Bettı kiredi.

BETTI. Ne boldy? Bıll jyndanyp jatyr. (Djeınge qaraıdy) Ne boldy?

VIKTOR. Djeın qýyp ketti.

GENRI. Ábden mas!

BETTI. Qudaı saqtasyn!

Telefon qaıta shyryldaıdy. Bettı tutqany kóteredi.

BETTI. Alo?

GENRI. Toqta, Bettı!

BETTI. Keshirińiz ne deısiz? Sıma Dansık?..

Genrı tutqany qolynan julyp alyp, ornyna qoıady.

BETTI. Genrı! Bul mádenıetsizdik qoı!

GENRI. Mıster Qanishermen mádenıetti bolyp qajeti joq.

BETTI. Onysy kim taǵy?

DJEIN. Mıster Alaıaqty óltirgen adam.

VIKTOR. Mıster Sıma Dansık.

BETTI. Kim-kim?

GENRI. Mıster Chıma-danchık!

BETTI (endi túsinip). Mássaǵan!

Telefon qaıta shyryldaıdy. Barlyǵy qata qalady.

DJEIN. Genrı, aqshany qaıtaramyn deı salshy!

GENRI. Ol meni báribir óltiredi, jıyrma myń fýnty kem ǵoı.

DJEIN. Shetinen qaıtaramyn deseńshi.

GENRI. Shetinen qalaı qaıtaramyn, jıyrma jyl ishinde me.

VIKTOR. Djeın durys aıtady. Bir ólgen adam, eki polıseı, Sıma Dansık. Jaǵdaı qıyn.

Genrı azdap qobaljyp, telefon tutqasyn kóteredi de qaıta qoıady.

DJEIN. Genrı!

GENRI. Qudaı bir sátin salǵan eken, aıaǵyna deıin kúresemin!

VIKTOR. Bettı, Genrıge syılyǵyn bershi. Týǵan kún jaqsy ótti, rahmet, biz kettik! (esikke betteıdi).

GENRI. Bettı, keshir, biraq shynymen úılerińe qaıtqandaryń durys.

Taǵy telefon shyryldaıdy. Barlyǵy qata qalady, Devenport kelip kiredi.

DEVEN. Mıster Perkıns, qaıyrymdylyq jarnasynyń qalǵanyn beresiz be joq pa?!

GENRI. Iá-ıá, árıne, anaý aqshany alyp ketti ǵoı, men qazir.

Vıktordyń artynan júgiredi, biraq jolda Bıllge soǵylady.

BILL. Munda áýejaıǵa baratyn adamdar bar ma, joq pa?

GENRI (Devenportke). Bul - Bıll. Qozǵaltqysh qalaı, jaqsy jumys istep tur ma?

BILL. Qozǵaltqysh jaqsy, eseptegish odan da jaqsy. Sonymen kim barady siz jubaıyńyz ekeýińiz be álde taǵy bireýler shyqty ma?

DJEIN. Eshkim eshqaıda barmaıdy!

BILL. Qalaı eshkim barmaıdy, ne aıtyp tursyz? GENRI. Joq, mıster jáne mıssıs Braýn barady.

BILL. Mıster jáne mıssıs Braýn?

GENRI. Iá.

BILL. Olar kim taǵy?

GENRI. Bizdiń týystarymyz.

BILL. Avstralıadan kelgender me? Al sizder barmaısyzdar ǵoı?

GENRI. Joq, esiktiń syrtynda kúte turyńyzshy.

BILL. Áli qansha kútemin?

GENRI.Qansha qajet bolsa sonsha!

BILL. Tań atqansha kútetin jaıym joq. Bes mınýttan soń eshkim shyqpasa kete beremin!

GENRI. Mıster jáne mıssıs Braýn qazir shyǵady, mynany apara berińiz. (Sómkeni beredi).

BILL. Barlyǵy osy ma?

GENRI. Iá, osy, osy.

BILL. Týystaryńyz nýdıst pe ne? (shyǵyp ketedi)

GENRI.Uıatsyz!

DEVEN. Biraq aqymaq emes. Eki adam jarty planetany artqa tastap ushyp barady, qoldarynda jalǵyz sómke. (Djeınge) Bálkim mıster jáne mıssıs Braýn shynymen nýdıst shyǵar?

DJEIN (qaljyńdamaq bolyp). Sheshingende ǵana nýdıst bolady.

DEVEN. Al men áıelińiz ekeýińizdi shetelge qashpaq boldy ma dep oılap qaldym.

GENRI. Biz ba?! Joq! Biz eshqaıda ketpeımiz. Al mıster jáne mıssıs Braýn ketip barady. Avstralıaǵa. Óz fermalaryna, qoılaryna oralady!

DEVEN. Qazir olar qaıda?

GENRI. Adelaıda men Persı me?…Qaıdasy qalaı?…

BETTI. Adelaıda, Djeınniń Avstralıadaǵy sińilisi menmin, ınspektor.

Djeın shoshynyp aıqaılap, júgirip shyǵyp ketedi. Qalǵandary qatyp qalǵan.

GENRI. Kúni boıy osy. Sińilisiniń ketetinine kóndige almaı júr.

DEVEN. Iá, ıá, al mıster Braýn she?

Daladan Vıktor kiredi.

VIKTOR (Bettıge). Seni qansha kútýge bolady?

BETTI. Persı, qymbattym, biz sen týraly aıtyp jatyrmyz.

VIKTOR. Men jaıly?

GENRI. Iá, myna kisi seni surap jatyr.

VIKTOR. Nemenege?

GENRI. Ol seniń ómirde bar ekenińe kúmándanady.

Genrı Vıktordyń qaltasynan aqshany shyǵaryp, Devenportge beredi.

GENRI. Boldy, qalǵan aqshany berdim, qutyldym, saý bolyńyz.

DEVEN. Siz sıaqty adamdarmen tanystyq baıytady.

VIKTOR. Dál aıttyńyz.

DEVEN. (Vıktorǵa) Qoılar sizdi qýana qarsy alady dep senemin.

BETTI (artynan). Joldan abaılap ótińiz!

Devenport ketedi.

GENRI. Ketti me joq pa ózi!

VIKTOR. Bálkim, shyǵyp qaıta kirermin, a? Áıtpese túk uqpadym?

GENRI. Túsinetin túgi joq! Bettı, úılerińe qaıtyńdar!

VIKTOR. Iá, kettik, Bettı, áıtpese jyndanyp ketermin.

Qolyna kórpe ustaǵan Djeın kiredi, mas.

GENRI. Djeın! Sen qaıda kettiń?

DJEIN. Sút jáne aspırın alamyn.

BETTI. Aýyrasyń ǵoı! Búgin kúni boıy ishtiń!

DJEIN. Sondyqtan maǵan uıyqtaý kerek.

GENRI. Djeın, sende eki-aq múmkindik bar, biraq ekeýiniń de aýyly uıqydan alys.

DJEIN. Qandaı?

GENRI. Bireýi - Barselona, ekinshisi – polıseımen máıithanaǵa barý!

VIKTOR. Bul úıde bir mınýt kidirseń boldy – jyndyhanadan bir-aq shyǵasyń.

GENRI. Vıktor, ótinemin, úıińe qaıtshy.

DJEIN. Durys. Báriń úılerińe qaıtyńdar. Týǵan kún támamdaldy.

BETTI. Djeın, sen - massyń.

DJEIN. Iá, uıyqtaımyn. (Jatýǵa ázirlenedi)

GENRI (kórpeni julyp).Ispanıada uıyqtaısyń!

DJEIN. Men úıde uıyqtaǵym keledi (shyǵady).

BETTI. Djeın! (Djeınniń artynan ketedi)

VIKTOR. Ol barmaıtyn sıaqty ǵoı.

GENRI. Barady! Vıktor, qarashy, taksıst ketip qalmap pa.

VIKTOR. Joq. Bettıdi alyp úıge ketem.

GENRI. Men Bettıdi alyp kelemin, al sen Benge bar.

VIKTOR. Ol Ben emes, Bıll.

GENRI. Iá, bolsa bolsyn. (Dıvanǵa otyryp, dıplomatty ashady). Elý fýnt ber de eshqaıda ketpeı tura tur deshi.

Devenport paıda bolady.

DEVEN. Mıster Perkıns, sizdi bola ma?

Genrı «dıplomatty» jalma-jan jaýyp, kórpeni óziniń jáne Vıktordyń ústine jabady, syrtqa tek bastary qyltıady. Inspektor bir kórpeniń astyndaǵy Vıktor men Genrıge tań qalyp qaraıdy.

GENRI. Inspektor, siz qaıtyp keldińiz be?…

DEVEN. Iá…

GENRI. Al biz mynda otyrmyz... demalyp jatyrmyz, ıá, Persı?

VIKTOR. Iá. Jaı otyrmyz… Demalyp jatyrmyz… Avstralıanyń aldynda.

DEVEN. Kórpe astynda ma?

GENRI. Onda turǵan ne bar? Bálkim jaýrap jatqan shyǵarmyz!

DEVEN. Túsinikti. (birtúrli bolyp kúlip ekeýine jaqyndaıdy)

VIKTOR. Ne túsinikti?! Ne túsinikti?! Maǵan, mysaly, túk te túsinikti emes!

GENRI. Maǵan da. (Kórpeni laqtyrady). Sizge ne kerek, ınspektor?

DEVEN. Men taksıst týraly aıtýǵa keldim.

GENRI. Ben jaıly ma?

VIKTOR. Ol - Bıll.

GENRI. Mańyzdy emes. Ne boldy?

DEVEN. Bıllderiń ketip qaldy.

GENRI. Ketkeni qalaı?!

DEVEN. Kútip sharshadym dedi.

GENRI. Ne degen ońbaǵan!

DEVEN (Vıktorǵa). Sómkelerińizdi týra jolǵa tastap ketti.

VIKTOR.Qaıdaǵy sómke?

GENRI. Seniń jol sómkeńdi de! Seniń býmerańyń jatqan sómke.

VIKTOR (amalsyz). A, meniń sómkem be…

DEVEN. Iá, sender jeńil júredi ekensińder. Zaıybyńyz ekeýińiz nýdıst ekensizder ǵoı.

VIKTOR. Kim nýdıst…

DEVEN. Sómkelerińizdi alyńyzdar, qoılarǵa menen sálem.

Saýsaǵyn bezep, shyǵyp ketedi.

VIKTOR. Shaıtan alǵyr!

GENRI. Jap aýyzyńdy, jaǵdaıdyń budan jaman bolýy múmkin edi.

VIKTOR. Budan jaman bolýy múmkin emes, ol meni buzylǵan arsyz adam dep qaldy ǵoı!

GENRI. Senen de ótemaqy talap etpegenine shúkir de. Boldy. Bunda endi qalýǵa bolmaıdy. Sondyqtan Djeındi alyp artqy esikten shyǵyp ketemin, al sen Bettıdi al da ket, úılerińe qaıtyńdar... (ekeýi de shyǵady).

SHYMYLDYQ

EKİNSHİ KÓRİNİS

Sol jer, kelesi mezet. Vıktor men Bettı kiredi.

VIKTOR. Biz aralaspaı-aq qoıalyq . Genrı men mıster Qanisher ózderi sheshsin.

BETTI.Ólgenshe ishkenin kórdiń be. Men ony bundaı kúıde birinshi ret kórip turmyn. Kesken terek sıaqty sulyq tústi, kórdiń be.

VIKTOR. Qolyndaǵy konákty tartyp alý kerek edi.

BETTI. Ol baıaǵyda sherrıge kóshken.

VIKTOR. Jyndy!

BETTI. Eshqaıda ketpeımin deıdi! Barselonaǵa barmaımyn deıdi! Esalań!

VIKTOR. Bul túrimizben men polısıadan bir-aq shyǵatyn shyǵarmyn.

BETTI. Polısıadan deısiń be?

VIKTOR. Jańaǵy paraqor polıseı Genrı ekeýmizdi kórpe astynda jatqan jerimizden ustap aldy.

BETTI. Ketshi.

GENRI (júgirip kirip). Myń da bir táýba! Vıktor! Mashınańnyń kiltin bere turshy.

VIKTOR. Ony ne qylasyń?

GENRI. Áýejaıǵa jetý kerek. Kereńsiń ba nemene? Taksıst ketip qalypty.

VIKTOR. Bere almaımyn. Ol men úshin qymbat.

VIKTOR. Ne qymbat?

GENRI. Mashına da.

GENRI. Bes myń!

BETTI. On!

GENRI. Eki kún buryn bes myńǵa da sata almaı otyrmyn dep ediń ǵoı!

VIKTOR. Eki kún ishinde baǵa kóterildi!

GENRI. Jaqsy, jeti jarym!

VIKTOR. Kelistik.

Genrı «dıplomatyn» asha bastaǵanda Sleıton kiredi. Genrı «dıplomatty» qaıta jabady.

SLEI. Keshirińizder, mıssıs Perkıns qazir shyǵady dep edińizder…

GENRI. Qazir, qazir, ınspektor. Ol áli daıyn bolmaı jatyr…

SLEI. Kelinińizge tez bol dep aıtsańyzshy?

BETTI.Ózim aıtamyn.

GENRI. Árıne, Adelaıda! Tamasha!

VIKTOR. Adelaıda?

GENRI (maǵyna berip). Adelaıda!

SLEI. Demek siz mıssıs Perkınstiń sińilisisiz ǵoı?

BETTI.( tosylyp) Álbette!

VIKTOR. Sińilisisiz be?

SLEI. Iá-ıá, árıne. (Vıktorǵa) Al siz Adelaıdanyń kúıeýi bolarsyz?

VIKTOR. Bolsaq bolarmyz…

BETTI. Árıne. Kúıeýimiz ekeýmiz Avstralıadan keldik. (Shyǵyp ketedi)

SLEI. Kezdeısoq kezdesý dep osyny aıt.

VIKTOR. Siz de Avstralıadansyz ba?

GENRI. Iá.

VIKTOR (ábden shatasqan keıippen). Sen de?!

GENRI. Meniń de Avstarlıadan ekenimdi bilmeıtin adamǵa uqsamashy! Men de, áıelim de – barlyǵymyz Avstralıadanbyz!

VIKTOR.Áıeliń de? Iá, árıne,…Dj…

GENRI. Jeneveva!

VIKTOR. Al men ne dep turmyn… D..jeneveva…

GENRI. Persı meniń inimniń áıeliniń sińilisine úılengen.

VIKTOR. Toqta, toqta! Qaıta aıtshy…

GENRI. Sosyn, Persı, sosyn. Odan da bar, Adelaıdaǵa kómektes.

SLEI.(Genrıge). Al ol bile me?

GENRI. Biledi! Men aıtqanmyn. Bar, bar.

VIKTOR. Neni aıttyń?

SLEI. Genrı Perkınstiń qaıtys bolyp ketkenin.

VIKTOR (paýza). Qaıtys boldy deısiń be? Qandaı maǵynada?

SLEI. Estirttim dep edińiz ǵoı.

GENRI. Estirttim, biraq aıaǵyna deıin aıtpaǵan edim. Egjeı-tegjeıli túsindirmedim. Genrıdiń hali onsha emes degendi emreýinmen ǵana bildirdim.

SLEI. A-a… (Vıktorǵa) Onyń máıiti Ońtústik kópirdiń mańynan tabyldy.

VIKTOR. Ońtústik kópirdiń mańynan…

SLEI. Temzadan. Qol-aıaǵyn baılap, jelkesinen eki márte atyp ketipti.

VIKTOR (endi túsinip). Ah, baılap, atyp ketipti deısiz be…

GENRI. Iá.

VIKTOR. Haliniń onsha emestigi sodan eken ǵoı.

GENRI. Túsinesiń be, Persı, qasynda chemodan bolǵasyn ǵana Genrıdi taný múmkin boldy...

Sleıton qolyndaǵy «dıplomatty» kórsetedi.

VIKTOR. Chemodanchık?

GENRI. Chemodanchık. İshinde qyzmettik qaǵazdary, qoıyn kitapshasy, tistelgen býterbrod boldy.

VIKTOR. Iá, árıne. Árıne! Túsinikti. Sumdyq eken. Baıqus Djeın. Ol qaıǵydan qan jutyp jatqan shyǵar?

GENRI. Endi she.

SLEI. Baqytyna oraı qasynda kúıeýiniń inisi bar (Genrıdi kórsetedi).

VIKTOR. Onyń kúıeýiniń inisi men shyǵar dep oılap edim.

GENRI. Árıne, sen de inisisiń! Biraq basqa jaǵynan. Sen onyń sińilisiniń, Adelaıdanyń kúıeýisiń, ıaǵnı Djeınniń kúıeý balasysyń, al men onyń kúıeýi Genrıdiń inisimin, qaınysymyn. Djeınniń qasynda qazir eki jaqyn týysy bar. Bireýi - Persı, ıaǵnı sen. Ekinshisi – Freddı, ıaǵnı men.

SLEI. Al Archı she?

GENRI. Iá… (Vıktorǵa)Archıdi umytyp ketippin ǵoı…

VIKTOR. Archı?…

SLEI. Archı da Avstralıadan ba?

GENRI. Joq, o ne degenińiz. Ol… Persı, qaı jaqtan edi?

VIKTOR. Qalaı edi álgi… Manchesterden.

GENRI. Iá, Manchesterden. Biraq ol Persı ekemiz sıaqty sondaı qatty jaqyn emes, Archı saýda agenti, únemi jolda júredi.

SLEI.Túsinikti, jolda júrgen adamda týys bolýshy ma edi...

GENRI. Archı qazir de ketip qaldy.

VIKTOR. Manchesterge ketti.

GENRI. Lıverpýlge emes pe?

VIKTOR. Joq, Manchesterge.

DEVEN. (kirip keledi) Mine, qaıtyp keldim!

GENRI. Qaıtyp keldim deı me? Qaraı gór muny. Persı, qarashy, ol qaıtyp oraldy!

DEVEN. Shynymdy aıtsam, túk bolmaǵansyp ketip qalý ádetimde joq.

GENRI. Árıne, kete almaısyń! Biz seni túsinemiz, aıtshy, Persı.

VIKTOR. Álbette! Qaıtyp kele salǵan. Shynymyzdy aıtsaq, Archı, biz seni kútken joqpyz.

DEVEN. (sekemdenip) Keshirińiz, ne deısiz?

VIKTOR. Archı, biz seni kútken joqpyz.

SLEI. Qaıtyp oralsa, týystyǵyn sezingen ǵoı.

GENRI. Archı! Sen myna djentelmendi tanymaısyń ǵoı, aıtpaqshy.

DEVEN. Ázir tanymaımyn.

GENRI. Tanysyp qoı. Bul mıster Sleıton. Polısıadan.

DEVEN.(sekemdenip) Polısıadan?

SLEI. Iá. Ońtústik okrýg.

DEVEN. Ońtústik…(qolyn sozyp) Archı Perkıns.

GENRI. Meniń aǵam.

DEVEN (kúlip). Aǵasy.

GENRI. Mynanyń áıeliniń qaınysy. (Vıktordy kórsetip).

DEVEN. Qaınaǵasy!

SLEI. Tórt kózderińiz túgel jınalǵanyna qýanyshtymyn.

GENRI. Durys aıtasyz? Biraq, Archı, sen eshnársege qaramaı, ketpek bolyp ediń ǵoı.

VIKTOR. Iá, Manchesterge.

DEVEN. Ketkim kelgen. Biraq senderde qonaqtap jatqannyń unaǵany sonsha, ázir ketpeı tura turaıyn dep sheshtim.

GENRI. Olaı áýre bolmasańshy. Aıtshy, Persı.

VIKTOR.Árıne, Freddı. Túk qajeti joq.

GENRI. Bar-bar, Archı, poıyzǵa úlgerip ket. Kelesi kezdeskenimizde barlyq shyǵyndaryńdy qaıtaryp beremin.

DEVEN. Sonshalyqty asyǵyp turǵan joqpyn…Freddı. Óziń bilesiń qazir mende demalys qoı.

SLEI.Onyń ústine jerleý rásimine qatysatyn shyǵar.

DEVEN. (qýanyp) Bizde jerleý rásimi bola ma!?

SLEI.Ser, sizge estirtpep pe edi?

DEVEN. Jalpylama ǵana… Egjeı-tegjeıli túsindirgen joq.

VIKTOR. Bálkim, Freddı oǵan da Genrıdiń jaǵdaıy onsha emes dep aıtqan shyǵar. GENRI. Solaı, Archı, egjeı-tegjeıli aıtar bolsam, bizdiń baıqus Genrı ólip qaldy.

DEVEN. (ótirik shoshyp) Múmkin emes!

VIKTOR. Sýǵa batyryp jibergen.

SLEI. Iá. Sizdiń baýyryńyz Genrıdiń máıiti Temzadan, Ońtústik kópir mańynan tabyldy. Jelkesine tıgen eki oqtan ólgen. Men máıithanaǵa baryp, tulǵasyn anyqtaý úshin mıssıs Perkınsti kútip otyrmyn.

GENRI. Archı, sen endi, árıne, jerleý rásimine qalatyn shyǵarsyń?

DEVEN. Árıne, Freddı. Qalaısha qatyspaımyn?

GENRI. Túsinikti. Jaqsy. Qazir ınspektor men Djeındi máıithanaǵa shyǵaryp salamyn, al sen Persımen birigip, baıqus Genrıdiń murageri retinde qandaı somaǵa úmit artatynyńdy oılaı ber.

DEVEN. Bul óte tamasha usynys, solaı emes pe, Persı?

VIKTOR. Iá, keremet…

DEVEN. Júr, baýyrym. Keıbir túsiniksiz tustardy anyqtap alaıyq (shyǵyp ketedi).

GENRI. Endi máıithana máselesin shesheıik. Djeın!

DJEIN (ýdaı mas, kóńildi). Nemene Djeın deısiń?!

GENRI. Óz-ózińe kelshi, ne bolǵan saǵan.

DJEIN.Uıyqtaımyn.

SLEI.Uıyqtaǵany qalaı?!

GENRI. Joq, jatpaısyń. Inspektormen... máıithanaǵa barasyń.

SLEI. Máıithanaǵa barý úshin kıimin aýystyrsa bolar edi…

DJEIN. Al maǵan báribir! Inspektormen de, aspırınmen de eshqaıda barmaımyn, uıyqtaımyn (jatatyn bólmege ketedi).

BETTI. Djeın! Bulaı bolmaıdy…ol degen polısıa ǵoı… (artynan júredi). Genrıge qazir seniń kómegiń kerek!

DJEIN. Genrıge túkirgenim bar! (ketedi)

GENRI. Djeın, ótinemin…

Djeınniń artynan júredi. Telefon shyryldaıdy. Genrı qata qalady,apparatqa qaraıdy, biraq almaıdy.

SLEI Tutqany kótermeısiz be?

GENRI. Qatelesip jatyr.

SLEI.Ony qaıdan bilesiz?

GENRI. Shyryldaǵanynan túsinip turmyn. Senbeısiz be? Ózińiz kórińiz…

SLEI. Alo?… Sizge kim kerek? Sıma Dansık? Joq, joq. Basqa jerge tústińiz. (Telefondy qoıady) Siz durys aıtypsyz.

GENRI. Aıttym ǵoı. Inspektor, men qazir mıssıs Perkınsti alyp kelemin, al siz dalada kúte turyńyzshy. Tez shyǵamyz, ant etemin.

SLEI. Jyldamyraq. Baıaǵyda máıithanada bolýymyz kerek edi.

GENRI. Inspektor, keshirińiz. Oǵan qazir ońaı emes, túsinýge bolatyn sıaqty.

SLEI. Iá, túsinemin… Álde dáriger shaqyramyz ba?

GENRI. Jo-joq, keregi joq.Munda onsyz da adam kóp.

Ol Sleıtondy ertip ketedi, Vıktor paıda bolady.

VIKTOR. Genrı!

GENRI. Genrı – Ońtústik aýdan aýrýhanasynyń máıithanasynda. Al men Freddımin.

VIKTOR. Iá, biraq qazir ekeýmiz ońashamyz ǵoı.

GENRI. Jaraıdy, ne boldy?

VIKTOR. Genrı, ol taǵy jıyrma myń surap jatyr.

GENRI. Jıyrma?!

VIKTOR. Iá. On myń – Genrı, Persı, Freddı jáne Archı jóninde jumǵan aýyzyn ashpaǵany úshin…

GENRI.Uıatsyz! Taǵy ony ne úshin?

VIKTOR. Ekeýmizdi kórpe astynda kórgenin jasyratyny úshin, árqaısymyzdy bes myńnan baǵalap otyr.

GENRI. Ne degen arsyzdyq! Sen úshin men nege tóleımin?!

Bettı Djeınnen shoshynyp shyǵady.

BETTI. Genrı, ol dárethanaǵa kirip esigin jaýyp aldy!

VIKTOR. Jyndanǵan!

BETTI. Radıony bar daýysyna qoıyp aldy, aıqaılap shaqyrsam, jaýap bermeıdi.

GENRI. Búgin ol shynymen jyndanǵan shyǵar. Myna jemqormen esep aıyrysyp alaıyqshy aldymen.

«Dıplomatty» alyp, ashpaq bolady.

SLEI. (kirip kelip) Mıster Perkıns! Maǵan bir oı keldi.

GENRI ( «dıplomatty» tyǵady). Qandaı oı ol?

SLEI. Jalpy bul úshin tek mıssıs Perkıns qana kerek emes qoı.

GENRI. Bul úshin degen ne?

SLEI. Tulǵasyn anyqtaý úshin. Zań boıynsha jubaıynyń psıhologıalyq nemese fızıkalyq jaı-kúıi múmkindik bermese, kez kelgen jaqyn týysy kelip marqumnyń tulǵasyn anyqtaı alady. Mysaly, siz.

GENRI. Men?! Ne aıtyp tursyz?! Men oǵan bara almaımyn.

SLEI. Basqa jaqyn týysy joq pa?

Barlyǵy bir-birine qarap, aqyr aıaǵynda Vıktorǵa qarap qalady.

VIKTOR. Joq! Tek men emes! Dámelenbeńizder!

GENRI. Persı, óte jaqsy oı.

VIKTOR. Men bara almaımyn.

GENRI. Nege?

VIKTOR. Biz bes mınýttan keıin Avstralıaǵa ushýymyz kerek

GENRI. Kelesi reıspen ketesińder!

VIKTOR. Joq, joq! Men ol máıitti Genrı dep tanı almaımyn! Bul múmkin emes!

BETTI. Persı! Menińshe, bul óte jaqsy usynys sıaqty. Aqysy tólenedi.

SLEI. Aqysy tólengeni qalaı? Qoıyńyz, mıssıs, eshkim eshkimge aqy tólemeıdi.

GENRI. Persı, al saǵan tólenedi. Shyǵarǵan shyǵynyń qaıtarylady.

SLEI. Qaıdaǵy shyǵyn, aýrýhanaǵa deıin barsa boldy emes pe!

GENRI. Iá, aýrýhanaǵa deıin. Al Avstralıa she! Inspektor, bul máseleni otbasy ishinde sheshýge ruqsat etińiz. Ol - barady.

SLEI. Jaraıdy, jaqsy. Senderge bes mınýt beremin. Bes mınýttan keıin siz, mıster Braýn, dalaǵa shyǵyp, máıithanaǵa barasyz (shyǵyp ketedi).

GENRI. Vıktor, ótinemin, máıithanaǵa barshy!

VIKTOR. Joq!

BETTI. Vıktor, nege barǵyń kelmeıdi? Genrı aqysyn tóleımin dep tur ǵoı!

GENRI. Árıne tóleımin, qolma-qol aqshamen.

BETTI. Másele tóleıtinińde emes, qansha tóleıtinińde bolyp tur ǵoı.

GENRI. On.

BETTI. Otyz!

GENRI. Jıyrma.

VIKTOR. Jıyrma eki... jarym!

GENRI. Kelistik. («Dıplomatty» alady) Bettı, biz esep aıyrǵansha baryp Djeındi shaqyryp kelshi.

BETTI. Dárethanaǵa kirip shyqpaı otyr ǵoı.

GENRI. Esikti buzyp kir!

BETTI. Shyn aıtasyń ba? Qýana-qýana (júgirip ketedi).

DEVEN. (úzildi-kesildi túrmen kirip) Ne boldy? Sheshtińder me? Áıtpese tym uzaq kútip qaldym!

GENRI. Iá, ıá. Mynda bir máseleni talqylap jatyr edik. (Vıktorǵa) Sen jıyrma myń dediń be? (aqshany sanap).

VIKTOR. Men emes, mynaý aıtyp turǵan.

DEVEN. Bári durys.

GENRI.Ustańyz.

DEVEN. Mıster Perkıns, sizben istes bolǵannyń ǵanıbet ekenin moıyndaý kerek. (aqshany sanap).

GENRI. Qýanyshtymyn.

DEVEN. Maǵan Persı Barselonaǵa baramyz dedi ǵoı.

GENRI. Jumǵan aýyzyn ashpaı-aq qoısa bolar edi.

DEVEN. Ispanıa sizderge unaıdy. Óz úılerińizde júrgendeı sezinetin bolarsyzdar.

GENRI. Aǵylshyndar kóp pe?

DEVEN. Alaıaqtar kóp. Sáttilik tileımin (kúlip, ketedi).

GENRI. Onda alaıaqtar, mynda polısıa. Qaısysy qaýiptirek eken, bilse ǵoı.

VIKTOR. Maǵan she?

GENRI. A, ıá-ıá.

VIKTOR. Máıit úshin jıyrma eki jarym myń jáne jeti jarym mashınaǵa. Barlyǵy otyz bolady.

GENRI. Bilemin… Dosyńa kómekteskeniń úshin aqsha suraýǵa qalaı dátiń barady?

VIKTOR. Men dos retinde emes, týys retinde alyp turmyn.

GENRI (aqshany beredi). Kiltti ber. Óte jaqsy! Endi ınspektordyń kóligine min de, máıithanaǵa bar.

Bettı Djeındi zorlap súırep keledi. Djeın qarsylasyp keledi.

DJEIN. Vıktor, seniń áıeliń jýynatyn bólmedegi esikti syndyryp, meni is-áreketimen qorlady.

GENRI. Kıin. Barselonaǵa kettik.

DJEIN. Barmaımyn, Bra… se…atyn da aıta almaımyn.

GENRI. Jaraıdy, bylaı isteıik. Jol jónekeı, Vıktordyń mashınasynda kıinesiń.

DJEIN. Nege Vıktordyń mashınasynda?

GENRI. Sebebi otyz myń fýnt úshin máıithanaǵa Vıktor barady. Vıktor, sen nege áli bunda tursyń?

VIKTOR. Aqshany sanap jatyrmyn.

DJEIN.Óte jaqsy. Vıktor – máıithanaǵa barsyn, Genrı Barselonaǵa ketedi, al men jatamyn.

GENRI. Djeın, kıinshi, ótinemin!

DJEIN. Meni nege eshkim tyńdamaıdy?

GENRI.Ushaqta sóıleseıikshi!

DJEIN. Ómirimniń sońyna deıin Barselonada mıssıs Sıma Dansık bolyp ótkim kelmeıdi!

GENRI. Boldy, tózimim taýsyldy. Jalǵyz ketemin. Túsinikti me?! Jalǵyz!

DJEIN. Eshteńe etpeıdi ol jaqtan saǵan… senora… tez tabylady.

GENRI. Tappaı qalady deısiń be? Kez kelgen áıel menimen Barselonaǵa ushyp baryp, ómirin jańadan bastaýǵa qýana-qýana keliser edi.

DJEIN. Eń bolmasa bireýin atashy!

GENRI. Myńdap ataımyn!

DJEIN. Eń bolmasa bireýin atashy qazir?

BETTI (qolyn kóterip). Bettı Djonson!

Barlyǵy tań qalyp Bettıge qaraıdy.

VIKTOR. Nemene? Túsinbedim…

DJEIN. Bettı!..

BETTI. Onda turǵan ne bar? Iá! Eger Genrı kelisse, men barar edim.

DJEIN. Genrı, mynaǵan ket dep aıtshy!

GENRI. Bettı, dál qazir sen bul jerden ketesiń. Menimen. Barselonaǵa!

BETTI. Vıktor, túsindiń be?

VIKTOR. Túk túsinsem buıyrmasyn…

DJEIN. Toqtańdar! Al men she?

GENRI. Sen ba? Sen eshqaıda barmaısyń. Uıqyǵa jatasyń. Kettik, Bettı.

DJEIN. Toqtańdar, tura turyńdar! Men...Maǵan…maǵan bunda qalýǵa bolmaıdy ǵoı. Erteń bunda mıster Qanisher keledi emes pe.

GENRI. Al maǵan sen onymen tanysýǵa asyq sıaqty kórinip ediń. Tipti bilmeımin ne isteıtinińdi.

BETTI. Tyǵyryqtan shyǵatyn jol bar.

DJEIN. Qandaı? .

BETTI. Sen Vıktormen bizdiń úıde turasyń.

VIKTOR. Toqta…

BETTI (Genrıge). Sonda qaýipsiz bolady.

VIKTOR. Toqta, toqta…

GENRI. Bettı, sen kemeńger ekensiń ǵoı! ( betinen súıedi)

VIKTOR. Toqtańdar, áli Barselonaǵa jetken joqsyńdar ǵoı!

GENRI. Vıktor, Djeındi saǵan tastasam, onyń qaýipsizdigine senimdi bolamyn.

VIKTOR. Men qarsymyn!

BETTI. Vıktor, boldy, qoıshy. Túsinigiń bar edi ǵoı!

VIKTOR. Iá, bar, árıne…

GENRI. Rahmet saǵan.

VIKTOR. Oqasy joq.

BETTI (Vıktorǵa). Bar. Seni ınspektor, bizdi Barselona kútýde.

GENRI. Ras aıtasyń! Bárimizge asyǵý kerek (ol «dıplomatyn» alyp, ketýge yńǵaılanady). Aıtpaqshy, Bettı, qujatyń qaltańda ma?

BETTI. Joq, úıde.

GENRI. Onda jol jónekeı soǵamyz.

BETTI. Djeındi de jetkizip tastaıyq. Kıin.

Bıll kiredi.

BILL. Daıynsyzdar ma?

GENRI. Bizge sizdi ketip qaldy dep edi.

BILL. Basynda ketkenmin, sosyn eseptegishke qarasam otyz tórt fýntty kórsetip tur eken. Sonymen mıster jáne mıssıs Braýndy áýejaıǵa aparamyn ǵoı, solaı ma?

GENRI. Joq, áýejaıǵa men baramyn.

BILL. Jaqsy, kettik.

GENRI. Joq, men mıster Djonsonnyń mashınasymen baramyn. Al siz mıssıs Perkınsti aparyp tastańyz.

BILL.Áýejaıǵa ma?

GENRI. Joq. Klaphem Roýdqa. Mıssıs Djonsonnyń úıine.

BILL. Toqtańyz. Sonda siz áýejaıǵa barasyz da áıelińiz mıssıs Djonsonǵa barady ǵoı?

DJEIN. Iá, Bıll. Men endi sonda turamyn. Bettı, seniń pıjamań qaıda edi?

BETTI. Men pıjamasyz jatamyn.

DJEIN. Ras pa? Qyzyq eken. Genrı, estip tursyń ba? Qansha aqsha únemdeýge bolady (ketedi).

BILL (Bettıge). Men sizdi jáne mıssıs Perkınsti sizdiń úıge aparamyn ǵoı?

BETTI. Joq. Bizdiń úıge mıssıs Perkıns barady. Al men Barselonaǵa ketemin!

BILL. Barselonaǵa?!

BETTI. Iá!

BILL. A-a, túsindim. (Vıktorǵa) Siz de zaıybyńyzben Barselonaǵa attanasyz ǵoı.

VIKTOR. Joq. Barselonaǵa áıelim barady. Al men máıithanaǵa bara jatyrmyn.

BILL. Máıithanaǵa?!…(Genrıge qaraıdy) Al siz she?

GENRI. Men Barselonaǵa baramyn!

BILL. Myna jigittiń áıelimen be?

GENRI. Iá. (Oǵan sómkeni beredi) Mashınaǵa bara berińiz!

BILL (shyǵatyn esikke bettep). Jaraısyńdar. Óte keremet. Seksýaldy revolúsıanyń bastalyp ketkenin men qalaı baıqamaı qalǵam?! (shyǵyp ketedi).

GENRI. Jaraıdy, kettik olaı bolsa.

BETTI. Men daıynmyn!

GENRI. Djeın, tezirek bol, ýaqyt joq! Vıktor, máıithanaǵa barasyń ba, joq pa?!

BETTI. Biz saǵan aqshany sol úshin tóledik.

GENRI. Az aqsha emes!

VIKTOR. Jaraıdy, jaraıdy, bara jatyrmyn. Máıithana álemdegi eń jaman oryn emes.

Esikten ashýly keıippen Sleıton kiredi, qolynda «dıplomaty» bar.

SLEI. Beri qarańyzshy, mıster Braýn! (paýzadan soń) Mıster Braýn…

GENRI (Vıktorǵa). Persı, ınspektor senimen sóılesip tur ǵoı.

VIKTOR. Iá-ıá, tyńdap turmyn.

SLEI. Men sizge bes mınýt qana bergen sıaqtymyn.

VIKTOR. Endi shyǵaıyn dep jatqanmyn…

SLEI. Tym uzaq jınalady ekensiz. Endi kútip ýaqytymdy sarp etpeımin! Mıster Braýn, estip tursyz ba?

VIKTOR. Boldy, boldy, shyqtym.

SLEI. Kerek emes, kelinińiz qaıda?

VIKTOR. Rozalında ma? Edınbýrgta… Neǵyldy?

BETTI. Djeındi aıtady.

SLEI. Iá-ıá, Djeın! Sińilińizdi aıtamyn! Men Genrıdiń maskúnem jesirin aıtyp otyrmyn, barsa da, barmasa da, máıittiń tulǵasyn anyqtaý úshin menimen sol barady.

VIKTOR. Joq! Menimen baryńyz! Men máıitterdiń tulǵasyn jaqsy anyqtaımyn.

GENRI. Onyń ústine mıssıs Perkıns áli daıyn emes.

SLEI. Túkirgenim bar! Menimen máıithanaǵa barady dep aıtyńyz! Janynyń barynda shyqsyn!

GENRI. Inspektor, otyryńyzshy. Búgin ábden sharshadyńyz ǵoı.

SLEI. Otyrǵym kelmeıdi. Mıssıs Perkınsti alyp, osy úıden shyǵyp, máıithanaǵa barǵym keledi.

GENRI. Sizge shaı usynsam dep edim…

SLEI. Maǵan eshqandaı shaıdyń keregi joq. Máıithanaǵa mıssıs Perkıns barady. Marqumnyń denesin kórgen kezde esten tanyp jylaımyn dese ol onyń jeke quqyǵy. Qaryndasyńyzǵa aıtyńyz, bir mınýttan keıin mashınamda otyrmasa, men ony tutqyndaımyn.

VIKTOR. Mıssıs Perkıns áli daıyn emes…

SLEI. Aýzyńyzdy jabyńyz! Avstralıańyzǵa taıyp turyńyz! Qoılaryńyzdy baǵyńyz!

Ol dıplomatty alyp, úzildi-kesildi basyp shyǵyp ketedi.

BETTI. Basynda sondaı sypaıy kórinip edi.

GENRI. Vıktor, artynan barshy, máıithanaǵa aparmaıynsha mashınasynan túspeımin dep aıtshy (Esikten ıterip shyǵarady). Djeın, boldy, kettik! (Bettıge) Biz artqy esikten shyǵamyz.

Djeın paıda bolady. Ol jolǵa daıyn tur.

GENRI.Qudaıǵa táýba. Tirkelýge qyryq bes mınýt qaldy.

DJEIN. Toqtańyzdar. Bul ádiletsiz bolady.

GENRI. Nemene?

DJEIN. Bizge aqshany bólip alý kerek.

GENRI. Bólgeni qalaı?

DJEIN. Tepe teń bólemiz. Jarymy senderge, Bettı ekeýińe, ekinshi jartysy Vıktor ekeýmizge. Elý de elý.

BETTI. Seniń bul aqshany alǵyń kelmep edi ǵoı.

DJEIN. Ol Genrı maǵan júr degen kezde ǵoı. Al qazir senimen ketetin bolsa, bólý kerek.

BETTI. Men qarsymyn!

GENRI. Bettı, osylaı ádil bolady shynymen…

BETTI. Solaı dep oılaısyń ba? Jaraıdy, tek tezirek. Áıtpese ushaqqa keshigemiz!

Genrı otyrady, «dıplomatyn» ashady, sosyn til-aýyzy baılanyp qalady.

GENRI. Mama! (taǵy qaraıdy) Mama!

DJEIN. Oıbaı!

BETTI. Genrı, ne boldy?!

GENRI. Eshkimniń býterbrod jegisi kelmeı me?!

BETTI.Qaıdaǵy býterbrod?

GENRI. İrimshikpen.

DJEIN. (tań qalyp) Seniń «dıplomatyń» ba?!

BETTI. Neǵyldy?

GENRI. Neǵyldy deısiń be? Seniń kúıeýiń ınspektor Sleıtonmen ketti, al onyń dıplomatynda bir mıllıon jeti júz elý myń fýnt jatyr!

BETTI. Mássaǵan!.. Masqara ǵoı bul!

DJEIN. Mastyǵym birden tarady ǵoı…

Bıll kiredi.

BILL. Keshirińizder, myrzalar, sómke áýejaıǵa kete me álde mıssıs Djonsonnyń úıine bara ma? Sizder sonda barasyzdar ǵoı?

DJEIN. Iá, baramyn…

BILL. Pysyqtap jatqanym ǵoı. Áýejaıǵa ma álde Klaphem Roýdqa ma.

GENRI. Báribir.

BILL. Qalaı báribir?! Ekeýi eki jaqta ǵoı!

GENRI. Bola bersin…

BILL. Meni ne esalań dep tursyńdar ma. (Bettıge) Al siz mynaýmen (Genrıdi kórsetedi) Barselonaǵa barasyz ba?

BETTI. Onda sizdiń jumysyńyz bolmasyn!

GENRI. Barlyǵy qolymda edi. Barselona, áıelderimizdi barter jasap almastyrdyq, endi mine túk joq. Baqyt qusy ushyp ketti. Dúısenbi kúni qarǵys atqyr keńsege qaıta oralamyn...

DJEIN. Genrı, boldy, qoıshy.

BETTI. Al men sonda eshqashan Barselonaǵa barmaımyn ba?

Kenet telefon shyryldaıdy, biraq eshkim qozǵalmaıdy.

BILL. Telefon shyryldap jatyr ǵoı.

GENRI. Kereń emespiz (Kenet júgirip baryp telefondy alady da, úndilerdiń sóıleý mánerine salyp). Bul úndilik, úı taǵamdary. Tadj - Mahal taǵamdar. Úıge úndi tamaǵyn jetkizý qyzmeti. Túrli taǵam. Pýrı, Vındalý, Chıpatı, Bhadjı. Kóp rahmet. Bhaı – bhaı. (tutqany ornyna qoıyp, qaıta otyrady).

BILL. Men búgin jyndanatyn shyǵarmyn.

DJEIN. Sol baıaǵy mıster Qanisher me?

Genrı basyn ızeıdi.

BILL Ol kim?

GENRI. Mańyzdy emes.

Telefon qaıta shyryldaıdy tutqany Bıll alady.

BILL. Alo. Kim? Qatelestińiz. Bunda eshqandaı Sıma turmaıdy!

DJEIN. Oıbaı-aı.

BILL. Bunda mıster Perkıns turady. Meken-jaıy?

BÁRİ: AÝZYŃDY JAP! AITPA! TUTQANY QOI!

BILL. Elgar Avenú qyryq eki.

Bettı telefon tutqasyn julyp alyp apparatqa qoıady.

GENRI. Sonymen bitti. Endi mıster Qanisher bizdiń mekenjaıdy biledi. Kóp uzamaı kelip te qalatyn shyǵar.

BETTI. Endi mıster Qanisherge ne betińdi aıtasyń?

GENRI. Iá, ne aıtamyn? Shyndyqty aıtamyn da, onyń bir mıllıon jeti júz myń elý fýnty ınspektor Sleıtonnyń dıplomatynda jatyr deımin.

BILL. Bir mıllıon jeti júz elý... al álgi mıster Qanisher meniń otyz tórt, oı, joq, endigi otyz bes fýntymdy qaıtaryp bere me? Kútken aqym jáne bar.

GENRI. Bere qoımas.

Vıktor kelip kiredi.

VIKTOR. Genrı!

GENRI. Vıktor?!

BETTI. Biz seni máıithanaǵa ketti dep oılap edik…

GENRI. Inspektor qaıda?

VIKTOR. Dalada.

GENRI. Al «dıplomat» she?

VIKTOR. «Dıplomat»? Qaıdaǵy «dıplomat»?

GENRI. İshinde aqshasy bar.

VIKTOR. Mine. (Genrıdiń dıplomatyn kórsetedi).

GENRI. Bul meniki.

VIKTOR. Menikisi qalaı? İshinde býterbrody bar ma?

GENRI. Iá! Inspektor ekeýin shatastyryp, aqshasy baryn alyp ketti.

VIKTOR. Mássaǵan! Keri qaıtarý kerek qoı!

GENRI. Qaıda?

VIKTOR. Neni aıtasyń? Chemodandy ma?

GENRI. Inspektordy aıtamyn.

VIKTOR. Jedel járdem shaqyryp jatyr.

DJEIN. Jedel járdem?

BETTI. Ne boldy?

VIKTOR. Inspektor osy aradan shyǵa salysymen mashınasyn artqa berdi de, sizdiń mashınańyzǵa baryp soǵyldy.

BILL. Nemene?

VIKTOR. Sizdiń mashınańyz sol soqqydan meniń mashınama soǵyldy, al meniń mashınam jaıaý júrginshini qaǵyp ketti.

BILL. Joq, búgin meniń jyndanatyn kúnim eken (dalaǵa atyp shyǵady).

GENRI. Shuǵyl túrde bir nárse isteý kerek, áıtpese jıyrma mınýttan keıin Sleıton baıyp shyǵa keledi, al Mıster Qanisher osynda jetedi, biz mıster Alaıaqtyń artynan máıithanadan tabylamyz.

VIKTOR. Qanisher bizdiń mekenjaıdy bilip aldy ma?

BETTI. Iá!

VIKTOR. Qudaıym-aý, qashan?

GENRI. Tórt mınýt úsh sekýnd buryn, endigi jetip te qalǵan shyǵar.

Esikten júzi tas músinge aınalǵan «dıplomatsyz» Sleıton kiredi.

SLEI.Jedel járdem shaqyrdym, kelgenshe kúte turýǵa týra keledi. Mıssıs Perkıns, úıińizde dári-dármek bar ma?

DJEIN. Bar.

SLEI. Óte jaqsy. Ákelińiz.

Genrı Vıktorǵa túrli ymmen dıplomattyń mashınada qalǵanyn, ony ákelý kerek ekenin kórsetedi.

VIKTOR. Adelaıda, Avstralıaǵa qaraı jolǵa shyǵatyn sát týǵan sıaqty?

BETTI. Iá, Persı, qoılarǵa oralatyn sát týdy. Qoshtasaıyq.

SLEI. Qozǵalýshy bolmańdar! Mıster Braýn oqıǵa bolǵan jerden eshqaıda ketpeıdi. (Vıktorǵa) Siz kýá retinde kerek bolyp qalasyz.

VIKTOR. Jaraıdy, barmaı-aq qoıdyq…

GENRI. Barmaǵany qalaı?! Qalaı barmaısyńdar? Ushaqqa keshigesińder ǵoı?

SLEI. Siz nemene kóterilip kettińiz?

GENRI. Endi qalaı kóterilmeısiń? Avstralıada qoılary... qoılary týa bastaıdy. Persı, aıtsańshy.

DJEIN (shyǵyp bara jatyp). Má, ustańyz.

SLEI. Rahmet. (dárilerdi alyp shyǵyp ketedi)

GENRI. Masqara boldyq, endi ne isteımiz?

VIKTOR. Mıster Qanisher kelip jetkenshe qashý kerek.

DJEIN. Biz Genrı ekeýmiz qaıda baramyz.

BETTI. Vıktor! Ekeýin de ózimizge alyp keteıikshi!

VIKTOR. Esiń durys pa?

BETTI. Úıde kúrke taýyqtyń pisken eti daıyn tur, balmuzdaq bar, salat…

VIKTOR. Toqta, nemene Barselonaǵa barmaıtyn bolyp qaldyń ba?

Sleıton qolyna «dıplomatty» ustap kiredi. Túri múlde buzylyp ketken.

DJEIN (qýanyp). Inspektor!.. Jaǵdaı qalaı bolyp jatyr?

SLEI.Jaıaý júrginshini mashına qaǵatyn bolsa bul qashanda óte kúrdeli jaǵdaı.

GENRI. Aıttym ǵoı, búgingi kún sizge aýyr túsip tur.

Sleıton oǵan ashýlanyp qaraıdy.

GENRI. Túsindim. Tek suraıyn degenim, ruqsat bolsa…

SLEI. Ruqsat joq.

Genrı Vıktorǵa ymdap, ekinshi dıplomatty al dep kórsetedi, ınspektordyń artynan bar dep ymdaıdy.

VIKTOR. Búgin shynymen máıithanaǵa baramyz ba?

SLEI. Baramyz. Mıssıs Perkıns, myna jigitti dáriger qaraǵannan keıin mindetti túrde máıithanaǵa baramyz.

DJEIN. Jaraıdy, ınspektor. Biraq sizge báribir azdap sergý kerek. Búgin shynymen shym-shytyryq kún boldy.

Ol Sleıtonǵa bir rúmka konák jáne konfet usynady. Sleıton azdap ári-sári bolyp turady. Djeın ádemi jymıady.

DJEIN. Mıster Sleıton, siz bizdiń týystarymyzǵa qatysty úlken raqymshylyq tanyttyńyz. Rahmet sizge.

Sleıton rúmkasyn alyp, óziniń «dıplomatyn» edenge qoıady. İshedi. Vıktor qobdıshalardy tez aýystyra qoıady.

SLEI. Sizderge qatysty raqymshylyǵymnyń kesirinen qansha ýaqytymdy joǵaltqanymdy bir qudaı biledi.

DJEIN. Biz bul jaqsylyǵyńyzdy eshqashan umytpaımyz!

GENRI. Múmkin baryp, ol baıqusqa kómektesý kerek shyǵar?

SLEI. Kerek emes. Árkim óz ornynda qalsyn. («Dıplomatyn» alyp shyǵyp ketedi).

GENRI. Qudaıǵa táýba! Aqshany qaıtardyq! ( «Dıplomatty» qysady).

VIKTOR. Djeın, ne degen aqyldy ediń!

DJEIN. Konáktyń arqasynda mıym istep ketti ǵoı deımin.

BETTI. Men shynymen Barselonaǵa baramyn ba?! (Genrıdi betinen súıedi)

VIKTOR. Bettı!

GENRI. Iá, Barselona qaıta kún táritibine shyqty!

DJEIN. Genrı. Men daıynmyn!

GENRI. Nemenege daıynsyń?

DJEIN. Men de Barselonaǵa ushamyn.

GENRI.Qoıshy? Bul qalaı bolady? Bettı, sen qarsy emessiń be?

BETTI. Meıli…

VIKTOR. Toqtańdar! Men she? Al men qaıtemin?

GENRI. Al saǵan ınspektor Deveport buzylǵan dep aıyp taǵady. Jaraıdy, qaljyń ǵoı. Qysqasy, eger Djeın bizben júrse, sen de bizge iles. Tek tezirek. Sebebi, kóp uzamaı bunda mıster Sıma Dansık keledi, laqap aty - Qanisher.

Esiktiń qońyraýy soǵylady. Barlyǵy qata qalady. Devenport kiredi.

DEVEN. Qaıyrly kesh!

GENRI. Jetpegeni osy edi! .

VIKTOR. Men sizdi Manchesterge ketken shyǵar dep edim…

BETTI. Barlyǵy solaı oılaǵan.

DEVEN. Poıyz túngi on ekide eken, týystarymdy taǵy bir kórip qalsam dep edim. Kóńilderi kóterilsin degen oı ǵoı.

GENRI. Rahmet, biraq qaıǵyny jaqsy kóterip jatyrmyz.

DEVEN. Iá?! Al jol-kólik apaty she? Týra úılerińniń qasynda apat boldy ǵoı?

BETTI. Barlyǵy durys, saspańyz.

DEVEN. Jaıaý júrginshini myjyǵan sender ǵoı?

VIKTOR. Joq, men kináli emespin!

DEVEN. Bári basynda solaı deıdi. Qoryqpańdar. Barlyǵy jaqsy. Jol jıeginde basyn ustap otyr.

BETTI. Táýba!

GENRI. Inspektor, sizdiń bul aqparatyńyz menińshe túkke de turmaıdy. Bálkim myńǵa tatıtyn shyǵar.

DEVEN. Mıster Perkıns, óz oıymmen bólissem dep edim, bul bir rettik qana aqy. Bálkim meni turaqty qyzmetke alarsyz?

GENRI. Túsinbedim?

DEVEN. Meniń de Barselonaǵa barǵym keledi.

BETTI. Barselonaǵa! Joq!

DJEIN. Onda siz kim bolasyz?

DEVEN. Senderge kúzetshi kerek. Onda alaıaq kóp!

GENRI. Iá, Londonnan aıyrmashylyǵy sol onyń.

VIKTOR. Buǵan sizdiń basshylaryńyz qalaı qarar eken?

DEVEN. Basshylyq? Meniń bastyǵym tek qýanyshty bolady. Biz onymen kúzet fırmasyn ashamyz.

DJEIN. Jaraıdy, Genrı. Olardyń bizdi taýyp alýy múmkin ǵoı.

GENRI. Jaqsy. Solaı bolsyn. Qujattaryńyz bar ma?

DEVEN. Kúlkimdi keltirmeńizshi, a. Qaltamda birnesheýi bar.

GENRI. Jaqsy. Djeındi Sleıton izdep kelmeı turyp, artqy esikten shyǵyp keteıik.

BETTI. Iá, tezirek keteıikshi.

DEVEN. Mıster Braýnnyń mashınasyna syıamyz ba?

VIKTOR. Syıamyz!

GENRI. Aıtpaqshy. Ol endi mıster Braýnnyń mashınasy emes. Meniń mashınam. Qymbat, atańa nálet!

Kósheden sómke ustaǵan Bıll kiredi de, tezdetip esikti jabady.

BILL. Mıster Perkıns!

DJEIN. Oıbaı-aı! Qashan támam bolady barlyǵy!

BETTI. Ushaqqa keshigemiz ǵoı!

GENRI. Ne boldy, Ben?

BARLYǴY. Onyń aty - Bıll!

BILL. Artqy esikten shyǵaıyq!

BILL. Men de sendermen birge ketemin!

VIKTOR. Qaıda?

BILL. Barselonaǵa.

BETTI. Barselonaǵa? Barlyǵyńa ne bolǵan?!

GENRI. Meniń aqshamnyń áseri ǵoı.

BILL. Onda turǵan ne bar? Basqalarǵa tólep jatyrsyń ǵoı, al men ne tazbyn ba?

GENRI. Mende kúzetshi bar ǵoı.

BILL. Men júrgizýshi jáne baǵban bola alamyn.

DJEIN. Sizdiń áıelińiz bar dep oılap edim…

BILL.Áıelim bar. Biraq ol meni Barselonadan izdeı qoımas!

DEVEN. Mássaǵan, biz altaý bolyp kettik!

BILL.Óte jaqsy! Týrıserge jeńildik bar.

DEVEN. Ony aıtyp turǵan joqpyn! Bir mashınaǵa syımaımyz ǵoı!

GENRI. Rasymen de. Onda bylaı bolsyn. (Bıllge). Men sizge elý fýnt beremin. Siz taksımen kelesiz.

Ol «dıplomatty» ashady, odan kirpish túsedi. Únsiz sena.

BILL. Ne boldy? Kettik!

VIKTOR.Qaıda?

BILL. Barselonaǵa!

GENRI. Bıll, siz shyn topassyz ba? Bizde aqsha joq qoı. Inspektor Sleıton bárin alyp ketipti.

BILL. Bul jerdegi topas siz sıaqtysyz. Men «dıplomattaǵy» aqshany baıaǵyda sómkege aýystyryp alǵanmyn.

Bıll sómkeni ashyp, aqshany edenge tógedi. Paýza. Ol aqshany basqalarǵa laqtyra bastaıdy. Banknottar áýede qalyqtaıdy, barlyǵy bir mezette áıteýir bir nárse aıtyp jatyr

SHYMYLDYQ.

Sońy

---