InfoHub Logo

Elsana baǵdarlamasynyń "Babalar úni" aqyldastarynyń bas qosýynda "Abaı álemine saıahat" taqyrybymen ótken pikir almasý, oı túıinderi kópshiliktiń kóńilinen shyqqany jasyryn emes. Abaı óleńin bala kúnnen mektepte jattap ótken, jıyrma birinshi ǵasyrǵa ómir órnegin aýdaryp jetken aqsaqaldarymyzdyń Abaı eńbekterin ómir boıy rýhanı azyq qylyp kele jatyrǵanynyń kýási boldyq. Endeshe, qazirgi urpaǵymyz da Uly Abaıdy oqý qajet eken... Oqyǵannan keıin oılaný, oılanyp baryp oıyńdy jarıa etý kerektigine kóz jetkizdik. "Elsana" rýhanıat-patrıottyq qaýymdastyǵynyń aqyldastary, "Babalar úni" aqyldastar alqasynyń jetekshisi Baqtybek Jubandyquly Taýbaev, Balyqshy aımaqtyq ardagerler alqasynyń tóraǵasy Qamza Ǵabdolla, "Ǵasyrlar syry" alańynyń jetekshisi Serik Jubanuly Sapanov jáne Ońaıbaı Kóshekov atyndaǵy agrarly-tehnıkalyq kolejiniń aǵa oqytýshysy Aıǵanym Quresqyzy Nuǵmarova qatysty. Abaı oıyn, Abaı túsinigin boıǵa sińirgen kisige tek qana óz jurty emes, adam balasynyń bári baýyrǵa aınala bastamaq, Allaǵa degen shynaıy sezim júrekke enbek degen oılarymen bólisti. Abaıdyń ulylyǵyna sengender qazaq halqynyń ulylyǵyna sene alady.Abaı sózderiniń nárine tamsanǵandar qazaq halqynyń danyshpandylyǵy men oılylyǵyna, qazaq tiliniń kúshi men qudiretine sene bastaıdy, Abaı týraly taqyryp áli de jalǵasyn tabady degen senimdemiz.

---