Toqta
Toqta, Toqtaı, Toqty (t.j.b. - 1313 j.) — Batý hannyń shóberesi. Ol Altyn Orda taǵyna 1291 jyly otyrdy. Alǵashqy bılik qurǵan jyldary Toqta Sýdaqtaǵy «ókil ákesi» — Noǵaı qolbasshynyń yqpalynda boldy. Bul kezde Noǵaıdyń bedeli óte joǵary edi. Tipti orys knázderiniń kópshiligi «knáz» ataný úshin Altyn Orda hanyna emes, Noǵaıǵa baryp, ruqsat suraıtyn bolǵan.
Mundaı jaǵdaı Toqtaǵa unamaıdy. Ol Noǵaıǵa bildirmeı, Altyn Ordanyń senimdi sarbazdarynan ózine ásker daıyndap, 1300 jyly Sýdaq shaharyna joryqqa attanady. Dneprde bolǵan shaıqasta Toqta Noǵaıdy tas-talqan etip jeńip, Dýnaıdan Edilge deıingi aımaqty ózine baǵyndyrady. Noǵaıdy tutqynǵa túsirip, basyn alady.
Toqta Vızantıa ımperıasymen dostyq qarym-qatynas ornatyp, Ilhandar elimen eki jaqty saýda-sattyqty jaqsartady. Ieligindegi orys knázdikterin aralap qaıtqysy kelgen Toqta 1313 jyly Edil boıymen júzgen keme ústinde oqystan syrqattanyp qaıtys bolady.
You Might Also Like
-
Jıyrma bes ǵasyr buryn saqtardyń padıshasy ójet ári sulý Zarına ómir súrgen. Bir kúni ol týǵan jeriniń darqan dalasynda serýen quryp, sergip qaıtý úshin saıatqa shyǵady.
-
Toqtamys (t.j.b. — 1406 j.) — Tuoıqoja oǵlannyń balasy, Joshy hannyń urpaǵy, Altyn Orda hany (1380- 1397/98 jj.). Aq Orda bıleýshisi Oryshannyń nókerleriniń biri bolǵan. Ol elinen qashyp k...
