InfoHub Logo

Qarqaralynyń memlekettik ulttyq tabıǵı saıabaǵy

Qarqaraly memlekettik ulttyq tabıǵı parki - Qaraǵandy oblysynda ornalasqan Qazaqstannyń ulttyq parki. Qazaqstannyń aıryqsha qorǵalatyn tabıǵı aımaqtar qataryna kiredi. Aımaqtyń tabıǵı qorǵaý baǵalylyǵy Ortalyq Qazaqstanǵa ǵana tán túrli landshavttarmen belgili. 1998 jyldyń 01 jeltoqsanynda № 212, QR Ókimetiniń qaýlysymen uıymdastyrylǵan. 2009 jyldyń 6 aqpanyndaǵy № 122 «Qaraǵandy oblysynyń aıryqsha qorǵalatyn tabıǵı jerler týraly máseleler» QR Ókimetiniń Qaýlysymen park aýmaǵy 90323 gektardan 112120 gektarǵa aýqymdandy.

Flora. Negizi ormandy quraıtyn tuqymdar. Qaraǵaı, aqqaıyn, kókterek, tal, arsha. Floranyń ózgesheligi- muz dáýiri kezinen qalǵan ósimdikteriniń kóptigi, sırek jáne joıylyp bara jatqan ósimdikterdiń túri 66. Qyzyl kitapqa eńgizilgen ósimdikter: Qarqaraly bóriqaraqaty, Qarqaraly syldyrshóbi, tyqyr sfagným múgi, Qyrǵyz qaıyn, jińishke kóknár, kóktem janargúli.

Faýna. Qosmekendiniń 2 túri, reptılıanyń 6 túri, sútqorektilerdiń 40 túri jáne 114 qustar túri.

Aýa raıy. Qarqaraly ulttyq parkiniń aýa raıy aınaladaǵy aımaqqa qaraǵanda bir qalypty. Aýanyń jyldyq orta temperatýrasy - 2 gradýs jyly. Shildede kóbine +18,+20 gradýs, qańtarda -12,-15 gradýs.

Qarqaraly memlekettik ulttyq tabıǵı parkinde jylda júıelilik zertteýler júrgiziledi. Ulttyq parktiń qurylýynan bastap bul jerde memlekettik ınspektorlardyń jáne ózderiniń baqylaýlarynyń nátıjelerin biriktiretin ǵylymı bólim jumys isteıdi. Kóp jyl boıy E. A. Bóketov at. QarMÝ ǵylymdary men stýdentteriniń bazasy bolatyn, bul jerde bıologıa men ekologıadan klasıkalyq jumystar júrgizilgen, jylda arheologıalyq zertteýler júrgizilip otyrady.

Qazirgi kezde memlekettik ulttyq tabıǵı parktiń qyzmeti, Qazaqstan Respýblıkasynyń aýyl sharýashylyǵy Mınıstrligi ishindegi «Orman jáne ańshylyq sharýashylyǵy komıteti» bekitken «Qarqaraly memlekettik ulttyq tabıǵı parki týraly» Erejemen belgilenedi.

---