InfoHub Logo

Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń jýrnalısıka fakúltetiniń 1 kýrs stýdenti Ábilqadyrov Dıas

Ár adamnyń ózine ystyq kindik qany tamǵan týǵan jeri bolady. Týǵan jerdiń árbir topyraǵy aýasy árqashanda adamdy saǵyndyryp turady. Meniń týyp ósken jerim qutty meken kórkine kóz toımaıtyn sulý qalam Aqtóbe. Týǵan jerim kindik qanym tamǵan jer mine osy Aqtóbe qalasy. Aqtóbem kıeli qasıetti jer. Bul qalada týǵanyma esh ýaqytta da men ókinbeımin. Týǵan jer – ár adam úshin qasterli de qasıetti uǵym. Týǵan jerge, týǵan elge degen mahabbat ár adamdy alǵa jetelep otyrady. Keshegi ótken zamanda ata – babalarymyz mynaý baıtaq jerimiz úshin aıanbaı kúresip, ter tókken. Bilektiń kúshi, naızanyń ushymen jerimizge kóz alartqan jaýlardyń árdaıym betin qaıtaryp, toıtarys berip otyrǵan. Odan beri de qıly zamandar oryn alsa da, óz týǵan jerine degen halqymyzdyń dúrkin – dúrkin kóshteri ár zamanda da oryn alyp keledi. “Aıshylyq alys jerlerden” at arytyp kelgendegi basty sebep, ol – týǵan jerge degen máńgilik saǵynysh. «Árkimniń týǵan jeri – Mysyr shahary» dep beker aıtylmasa kerek. Áıgili Beıbarys bahadúr týǵan jerin saǵynǵanda, týǵan ulysy – Dáshti-Qypshaq dalasynan aldyrǵan bir túıir jýsandy ıiskep, saǵynyshyn basqan eken. Alystan ata – jurtyn ańsap kelip jatqan aǵaıyndardyń legi bul kúnde de jalǵasyn tabýda. «Saqalyn sıpap daý sheshken» Orta júzdiń bıi, Qaz daýysty Qazybek babamyz: «Altyn uıań – Otan qymbat. . . Týyp ósken eliń qymbat, kindik kesken jeriń qymbat», - dep týǵan jerdiń qasıetin erekshe baǵalap ketken. Ár adam úshin óziniń týǵan jeri ystyq. Bul jaryqqa aıaq basyp týǵan jer, Kindik kesip, kirim sende jýǵan jer. Jastyq – altyn, qaıtyp kelmes kúnimde Oıyn oınap, shybyn-shirkeı qýǵan jer. Jaratyldym topyraǵyńnan, sen – túbim. Jalǵany joq, bári senen jan-tánim. Senen basqa jerde maǵan qarańǵy, Jaryq bolar Sholpan, Aıym, sen – Kúnim. Tátti sýyń dámi aýzymnan esh ketpes, Qalyń nýyń, qyr, sýyńa jer jetpes. Keń dalańda oıyn oınap qalsamshy, Jazý bolyp adamzatqa er jetpes!. . Balaq túrip, qozy qýyp, jarysyp, Batpaǵynda teń qurbymen alysyp. Túnde – aqsúıek, altybaqan, al kúndiz Úıretem dep asaý taıǵa jabysyp. «Adam basy – Alla doby» degen ras, Qalaı qýsa, solaı ketpek sorly bas. Kim biledi, men de shetke ketermin, Týǵan jerim, seni tastap basym jas. (Maǵjan Jumabaev)

---