InfoHub Logo

— Men kinálimin. Eshqashan tentek bolmaýǵa ýáde beremin. Oqýdy beske oqımyn. Endi ne deısiń? Ýádem osy.

Jákish synyp toly oqýshylarǵa jasqanbaı qarap tur, aqsary júzinde jiger bar.

— Ýáde degenniń ne ekenin bilesiń be óziń? — dedi balalardyń bireýi.

— Bilem.

— Aıta ǵoı bilseń.

— Ýáde me, ýáde — adamnyń ar-uıatymen aıtylǵan sóz, qasıetti sóz. Osylaı dep  anasy úıretken edi.

— Jaqsy. Sen ǵoı tentek Báıkenniń jetegimen ketkenińdi aıtpaı, bárin ózim istedim deısiń. Biz barlyǵyn da bilip qaldyq. Osy qalaı? — dedi Erkin aǵaı. Jákish qyp-qyzyl bolyp ketti. Alǵashqydaǵydaı tumsyǵy tership qybyjyqtaı berdi, tómen qarap tyrnaqtaryn shuqylady.

— Ne desem eken? — dedi ol qınalyp. — Bylaı, ol da ýáde. Men aıtpaýǵa, joldasymdy uıatqa qaldyrmaýǵa ýáde bergem.

— Solaı ma, ol jaıly shesheńe de aıtpadyń ba?

— Iá.

— Endi nege aıtyp tursyń?

— Jańa ǵana ótirik aıtpaımyn dep ýáde berdim ǵoı.

Balalar dý kúldi.

---