Úlken shalshyqshy
Úlken shalshyqshy — aq seleýli Qazaqstan dalasynyń áshekeıi. Bizdiń dalamyzdaǵy eń úlken shalshyqshy. Uzyn aıaqtar, jińishke uzyn doǵatárizdi tómenge ıilgen tumsyǵy bar. Jony ashyq sur tústi, tek quıryq ústi aq tústi. Jerde júretin qus, butalarǵa otyra alady. Tótenshe jaǵdaıda, mysaly jaraly bolǵanda ǵana júzedi. Úlken jalpaq qanattarymen boılaı jáne baıaý qaǵyp, jaqsy ári uzaq ushady. Daýysy — ádemi, áýendi, jáı dirildegen ysqyryq. Mundaı dybysty erteli-kesh oınaq salyq ushqanda shyǵarady. Kúndiz belsendi, kóktemgi jáne kúzgi qonys aýdarý kezinde, túnde de ushady. Jándiktermen jáne basqa da usaq janýarlarmen qorektenedi, keıde dánmen de qorektenedi. Juptasyp tirshilik etedi. Qurǵaq shóp tóselgen shuńqyr uıasyna analyǵy 4 sarǵysh jasyl teńbildi jumyrtqalaryn salady. Atalyǵy men analyǵy kezektesip basyp shyǵarady, balapandaryn birge ilestire júrip, birge qorǵaıdy. Ańshylar úshin úlken shalshyqshy patsha qyr qusy bolyp eseptelinedi.
Qazaqstanda Edil-Jaıyq ózenderinen Ertiske deıin, ıaǵnı respýblıkanyń soltústik bóliginde kezdeısoq kezdesip qalady. Sany belgisiz, jylyna 10-ǵa deıin shaltyqshy esepke alyndy. Shekteý faktorlary anyqtalmaǵan.
You Might Also Like
-
Ústirt arqary — dene pishini ortasha, uzyn aıaqty jabaıy qoı (atalyǵynyń denesiniń uzyndyǵy 160 sm, salmaǵy — 70 kg; analyǵy — 140 sm, salmaǵy — 40 kg). Ol ústirttiń oıpatqa ba...
-
Jaılaý. Saýmal jeli qaraǵaı basyn yrǵaǵan salqyn tún. Arǵy sheti qarańǵylyq qushaǵyna astasyp, tutas betti alyp jatqan qalyń qaraǵaı. Bergi eteginde shaǵyn aýyl. Shamasy elý-alpys, ylǵı shákene ıt arqal...
