InfoHub Logo

Bir zamandary ǵalymdar men aqyndar «Únsizder májilisi» atty birlestik qurady. Músheler sany otyz adamnan turatyn jáne otyzdan asyrmaıtyn. Músheliktiń sharty kóp oılaný jáne az sóıleý, hıkmet sóıleý bolatyn. Sol zamannyń máshhúr aqyn, ǵulamasy Molla Jamı (parsy aqyny, fılolog.) osy májiliske qushtar eken. Kúnderdiń birinde «Únsizder májilisiniń» bir múshesi qaıtys bolǵanyn estip, onyń ornyna úmitker bolý úshin, birlestik ornalasqan ǵımaratqa keledi. Esikten kútip alǵan adamǵa eshteńe demesten, óziniń aty-jóni jazylǵan qaǵazdy berip jiberedi. Músheler sol sátte jınalysta otyrǵan bolatyn. Májilis ókilderi usynysty kórip, ishteı qynjylady. Óıtkeni Molla Jamı múshelikke óte laıyqty adam bolatyn, biraq qaıtys bolǵan músheniń ornyna adam qabyldap qoıǵan edi. Májilis tóraǵasy stakandy betine deıin sýǵa toltyryp, Molla Jamıge jiberedi. Molla Jamı jaýapty túsingen bolatyn. Taǵy bir tamshy quıylsa, stakan tasıtyn edi. Hazreti Molla Jamı aýladaǵy raýshan gúliniń bir japyraǵyn alyp sýdyń betine qoıady. Gúl japyraǵy sýdyń betinde qalǵyp, al sý tasymaǵan edi. Muny ishke jiberedi. Májilistegiler bul názik jaýaptyń mánin túsingen bolatyn. Músheler bir aýyzdan bul danyshpan ǵalymdy múshelikke alýǵa sheshim qabyldaıdy. Májilis tóraǵasy músheler tizimine Molla Jamıdiń esimin tirkep, 30 sanynyń artyna bir "0" qosyp, 300 dep jazady. Osy arqyly Molla Jamıdiń arqasynda músheler sany 10 ese kóbeıgendigin kórsetpek bolady. Qujattyń sońǵy nusqasy Molla Jamıdiń qolyna berilgende ol muny birden túsinedi. Biraq adam sanynyń tym artyq bolýy, kóńiline qonbaıdy. Oń jaqtaǵy "0" sanynyń birin óshirip, 30 sanynyń aldyna qoıdy. Iaǵnı 030 dep jazdy. Kishipeıildi Molla Jamı osylaısha ózin nólge teńep, sýdy tasytpaǵanymen qosa ol májilistiń qurylymyn ózgertý nıeti joq ekendigin aıtqysy kelgen edi. Muny kórgen ózge múshelerdiń qurmet pen iltıpattary taǵy da arta túsedi.

---