InfoHub Logo

Táýelsiz elimizdiń bolashaǵy – mektep. Ol oqýshylarǵa sapaly bilim men sanaly tárbıe berýmen qatar bolashaqqa jón silter kıeli oryn desek qatelespeımiz. Elbasymyz N.Nazarbaev "Sizder men bizder tek bolashaq býyndy ǵana emes, jalpy adamzattyń qadir-qasıetin, mán-mańyzyn túsinetin, jany da, táni de taza, bilimdi azamattar tárbıeleýge mindettimiz" degen bolatyn.

Durys tárbıe balaǵa ómir boıy azyq. Al, oǵan durys ta júıeli tárbıe beretin ekinshi ana - ustaz. Urpaq tárbıesi sekildi uly mindet júktelgen mekteptegi mereıli isterdiń barlyǵy muǵalimderdiń arqasy.

Ustaz - ulaǵattylyqtyń kózin ashar, jylylyq nárin seber jan. Mekteptiń júregi de, tiregi de ustaz. Kún saıyn júzdegen shákirtterdiń júregine jol taýyp, izgilik nárin sebýge umtylatyn jyly júzdi jaıdary jan.

Muǵalimdik qyzmetti, ustazdyq ulaǵatty tereń qadirlegen halqymyz bilim men tárbıe máselesine de erekshe den qoıǵany belgili. Óıtkeni qoǵamnyń tolyqqandy múshesi bolý úshin adam balasy mindetti túrde muǵalim aldyn kórýi tıis. Al, órkenıettilikke, jarqyn, zaıyrly qoǵamǵa qol jetkizý úshin aqyl-esi bútin kez-kelgen jas sanaly tárbıe, sapaly bilim alýy kerek. Muǵalimniń qolynda – adam taǵdyry, bolashaq el taǵdyry turady. Muǵalimniń qatelesýge qaqysy joq.

Mekteptiń abyroıyn aspandatyp, jalpy bala tárbıesine,bilim berý isine asqan qulshynyspen kirisip, únemi eńbektenip júretin ustazdarymyz aman bolsyn! Ár isi úlgi, ulaǵatty ustazdarǵa – myń taǵzym etseń de artyq emes-aý sirá!

Qurmetti de qadirmendi ustazdar qaýymy árdaıym eńbekterińiz janyp, osy bir urpaq aldyndaǵy aýyr mindetterińizdiń ylǵı da jemisin kóre berińizder degim keledi.

Mańǵystaý oblysy, Beıneý aýdany
Y.Altynsarın orta mektebi
Bastaýysh synyp muǵalimi
Jýlbaeva Gýlaıym Saǵynbaıqyzy

---