Ustazdyq - uly is
Egemendi elimizdiń ósip kele jatqan urpaǵyn oıly da isker, ózine-ózi senimdi, ıntellektýaldyq deńgeıi bıik azamat etip tárbıeleýde mekteptiń alatyn orny erekshe. Jas urpaqty jan-jaqty jetilgen, aqyl-parasatty, oı-órisi bıik, básekege qabiletti azamat etip tárbıeleý - qoǵamymyzdyń eń ózekti máselesi. «Ustazdyq-uly is» dep kemeńger jazýshymyz M.Áýezov aıtqandaı, buǵan laıyq bolý- úlken abyroı, basty boryshym dep esepteımin.
Muǵalim-mamandyq bolsa, ustazdyq qasıet, tabıǵat darytqan qudiret eken. Boıyńa qýat, júregińe jaryq jiger berip órge súıreıtin de, janyńa azyq, ómirińe ózek bop tórge súıreıtin de osy ustazdyq qasıet. Qazaq tili men ádebıet pániniń muǵalimi bolý men úshin úlken maqtan ári baqyt. Shákirtterińdi kórgende óz eńbegińe degen rızashylyq pen erekshe qanaǵat sezimdi baıqaısyń. Odan ári qushtarlana, yntalana asa bir mahabbatpen, sezimmen alǵa umtylasyń. Basqaǵa kerek bolý úshin jaralýdyń ózinde úlken mán men maǵyna jatqanyn aıqyn ańǵarasyń. Azdy-kópti eńbegiń baǵalanyp jatsa, qolyńnan is keledi dep senetin áriptes tabylyp, shyn nıetimen qamqorlyq jasap, jumys isteýge jaǵdaı jasasa, kásibı sheberligiń men ustazdyq qyzmetińe erekshe nazar aýdarsa, kim-kimge de bolsyn serpilis ákeledi.
Qazirgi oqytý úıretýdiń mazmuny da, sıpaty da soǵan, oraı amal - tásilderi de kúrdelene tústi. Jańa XXI ǵasyrǵa saı ózgeshe qabilet - qasıetke ıe urpaq qalyptasyp keledi. Bizdiń mindetimiz - jeke tulǵany damytyp, bilimge degen senimin nyǵaıtý, oqýǵa qyzyǵýshylyǵyn oıatyp, yntasyn arttyrý. Oqýshylardy zaman aǵymyna saı tulǵa etip tárbıeleý basty maqsatymyz.
Oqýshy jetistigi - ustaz abyroıy. Ustaz eńbegi shákirt jetistigi arqyly kórinedi. Árbir ustazdyń maqsaty - qabiletti oqýshylardy zertteı júrip, olarmen birlesken tynymsyz eńbektiń, shyǵarmashylyq izdenistiń nátıjesin kórý.
Maqala avtory: Qazaq tili men ádebıeti páni muǵalimi: Muqashova Gúlbaqyt Mırasbekqyzy
T.Áýbákirov atyndaǵy jalpy negizgi bilim beretin mektebi
You Might Also Like
