InfoHub Logo

Muqaǵalı-qazaqtyń mandaıyna bitken jaryq juldyzy,birtýar tulǵasy. Muqaǵalı atamyzdyń eń qudyreti-júrekten shyqqan sóz ǵana júrekterdi qozǵaıdy,oılańtady. Árbir jazǵan óleńderi men poemalary basqa aqyndarǵa múldem uqsamaıtyn sulý,sóz jetpes tulǵanyń dáleli. Muqaǵalıdyń injý-marjandaryn oqı otyryp júregime kóp nárseni túıdim.Adamnyń boıyndaǵy kem tustary jaıly poezıasynda tolyq túsingendeımin.

Menińshe,Muqaǵalı shyǵarmalaryn túsinip oqyǵan qarapaıym adamzat óziniń túsinigi,kisiligi,adamgershiligi,alystan ańǵarylyp turady.

Men uly aqynnan jańashyldyqqa umtylýdy,ózińe senýdi,eńbekke adaldyqty, eń bastysy adamgershilik adaldyqty, uly qasıetti saqtaý-bárinen de joǵary ekenin uqtym.

Jumyr jerde mekendegen halyqtardyń qaı-qaısysynyń da ǵasyrlar boıy suryptalyp,injý marjandaı astarly da asyl, ulaǵatty sheshendik,danalyq sózderiniń mol ekeni málim.Til baılyǵynyń altyn qorynan sanalatyn osynaý ǵıbratty sózder ómir shyndyǵyn,halyqtyń turmys tirshiligin,psıhologıasyn,qoǵamdyq progresin taıǵa tańba basqandaı dál de sheber,mándi etip beıneleýimen de,sózdik qundylyǵymende erekshelengen- taǵy da,Muqaǵalı Maqataev bolatyn!

«Muqaǵalı Maqataev-adamdar arasyndaǵy,ómirdegi,tabıǵattaǵy jarastyq pen kelisimniń jyrshysy. Onyń...óleńderi shyn tebirenisterin,shyn tabıǵattan,shyn kúızelis pen shyn qýanyshtan,shyn saǵynyshtan týǵan»-dep aqyn jaıly shynaıy pikir bildirgen eken Ábish Kekilbaev!

Syrqattanǵan ýaqytta Muqaǵalı babamnyń poezıasyn tebirenip oqıtynmyn! Sondaǵy adam balasyn sabyrǵa shaqyratyn keremet týyndylardy oqysam júregime daýa tapqan kúıde bolamyn. Muqaǵalısha jyrlaǵan, sóz saptaýy erekshe áser qaldyrǵan Gaýhar Kópjasarqyzynyń myna bir óleń joldary tánimdi qýattady.

Jabyǵyp keıde, ómirden mynaý túńilsem,

Ornymnan turyp, shalynyp qaıta súrinsem.

Kinálap meni, syn artpa maǵan, ótinem,

İshimde jatqan bilmeısiń syrdyń birin sen.

 

Sharyqtap baryp, qalyqtap qaıta qulasam,

Taǵdyrǵa nalyp, sol bir sát taǵy jylasam.

Jasyq eken dep jazǵyra kórme, ótinem,

Sebebin aıtam, ózimnen kelip surasań.

 

Qamyǵyp keıde, tomaǵa tuıyq bop qalsam,

Oıymmen sol sát alysyp júrem aq sarsań.

Jaqtyrmaı júr dep min artpa maǵan taǵy da,

Bilersiń jaıdy, syrymdy meniń aqtarsań.

 

Osylaı aıtsam, sózime qulaq túrersiń,

Qoldarsyń, álde túsinbeı syrttaı kúlersiń.

Janymdy meniń júrekpen mendeı sezinip,

Men bolyp ómir súre alsań ǵana bilersiń...

 

Uly Muqaǵalıdyń shyǵarmashylyǵy-halqymyzdyń ǵasyrlar boıǵy rýhanı azyǵy ekeni aıqyn dálel.

Meniń bolashaqtaǵy armanym men qıalym bar. Muqaǵalıdaı aqyn bola almasam da,qarapaıym qalamger bolamyn, tis qaqtyrǵan tanymal jýrnalıs bolamyn, Abaı aıtpaqshy danalarymdaı bolmasam da,uqsap baqqym keledi...

Men naǵyz qazaq dep Muqaǵalı atamdy aıtar edim. Endeshe,meniń qymbatty dostarym janyńnyń jaısań bolyp qalyptasýyn qalasań,Muqaǵalıdy úńilip oqy,úzdigip oqy. Onyń ár sózińe uly qazaq bolýdyń úlken saıasaty baryn uǵyn. Óıtkeni,sen,men-Alashtyń urpaǵymyz!!!

Men tekti eldiń, Qazaqtyń qyzymyn!! Árqashan, Qazaqtan shyqqan uly tulǵalarmen maqtanamyn,marqaıamyn!!!

Igenova Zarına

---