InfoHub Logo

Ormandy mekendeıtin jıren Tıin aǵashtaǵy uıasynyń aldynda otyrǵan.

Onyń qasyna badyraq kóz, ınedeı jińishke bir Inelik ushyp keldi.

Ol qanatyn dirildete tura qalyp:

— Tıin, tıin, sen ne istep otyrsyń? — dedi.

— Kórmeısiń be, dostym, mynalardy keptirip otyrmyn, — dep, Tıin kúnge jaıyp qoıǵan sańyraýqulaqtaryn kórsetti.

— Ony qaıtesiń? — dedi Inelik.

— Qysta jeımin. Bul degen meniń qystyq azyǵym bolady. Óziń de qysqa azyq jınaıtyn shyǵarsyń? — dedi Tıin.

— Joq, men óıtpeımin.

— Jazda ǵoı, shybyn-shirkeı, masany jeısiń. Al sonda qysta ne jeısiń?

— Qysta men eshteńe jemeımin. Bir qýysqa kirip alyp, qybyr etpeı uıyqtaımyn.

— Oı, netken uıqyshylsyń óziń!?

— I-á, dostym, biz degen solaımyz, — dep Inelik ári qaraı ushyp ketti.

Tıin sańyraýqulaqtaryn qoımasyna tası bastady.

---