InfoHub Logo

Roman-esse keıipkerleriniń biri – ustaz, ekinshisi – shákirt. Iaǵnı, ustaz – Muhtar Áýezov, shákirt – Zeınolla Qabdolov. Jazýshy M. Áýezovtyń ýnıversıtet aýdıtorıasynda oqý sheberligin, sheshendigin kórsetip, leksıanyń tanymdyq tabıǵatyn, tálimdik mánin sıpattaı otyryp, ustaz obrazyn jasaıdy. Avtor M. Áýezovtyń ustazdyq eńbegin birneshe qyrynan kórsetedi:

1. Ýnıversıtet aýdıtorıasynda leksıa oqýy;

2. Kafedrada oqytý men ǵylymı zertteý júrgizýdiń baǵyt-baǵdaryn barlaý;

3. Shákirttermen aýdıtorıadan tys jaǵdaıda áńgime-dúken quryp, olarǵa aqyl-keńes berý.

Bul týyndyny basqalardan oqshaýlap turǵan ereksheligi – dara tulǵanyń ustazdyǵy men jazýshylyq qasıetin toǵystyra otyryp, qatar sýretteı bilýinde. Oǵan shyǵarmadaǵy: “Áýezov kádimgi qazaqtyń “segiz qyrly, bir syrly” deıtin kisilikti Kishi, Uly tulǵasy. Ol ustaz ǵana emes, jazýshy ári ǵalym” – degen sózderi dálel bola alady. Zeınolla Qabdolov osy atalǵan úsh qyrynyń ishinen ustazdyq jáne jazýshylyq qasıetin ózgeshelep, daralap kórsetedi.

Z. Qabdolovtyń “Meniń Áýezovym” roman-essesiniń ón boıynda M. Áýezovtyń sanasy men ǵumyry men qyzmetiniń  ózara sabaqtas ustazdyń jáne jazýshynyń uǵymdary erekshe daralap kórinedi. Al jalpy alǵanda, bul shyǵarma eldiń óser órkenine halyqtyń ulttyq asyl qundylyqtaryn, qoǵamdyq sananyń tazalyǵyn saqtaý, qorǵaý, óskeleń urpaqqa kináratsyz tapsyrýdy usynǵan ıntelektýaldy roman úlgisi.

---