InfoHub Logo

Ospanova Gúlmarıa Turysbekqyzy
Ál—Farabı atyndaǵy QazUÝ—dyń fılologıa jáne álem tilderi fakúltetiniń
qazaq tili men ádebıetiniń 2—kýrs stýdentti

Muhtar Áýezov — bir boıyna birneshe  asyl qasıetterdi jıyp,  ónegeli ómirinde óner men ǵylymǵa qatar úles qosqan aıryqsha talant ıesi. Ol týraly jazylǵan Z.Qabdolovtyń «Meniń Áýezovim» roman-essesi— zańǵar tulǵany san túrli qyrynan jan—jaqty sýretteıtin biregeı týyndy. Shyǵarmanyń ón boıynda M.Áýezovtiń ómiri men qyzmetiniń erekshe daralanatyn jáne ózara sabaqtas eki uǵymy aıqyn ańǵarylady. 
Z.Qabdolovtyń «Meniń Áýezovim» roman-essesinde týma darynnyń ómiri men qyzmetiniń ajyramas bóligi ispetti ózara tamyrlas  ustazdyq  jáne jazýshylyq týraly eki uǵym basty nazarǵa alynǵan. Bul týyndyny basqalardan oqshaýlap turǵan basty ereksheligi de osynda,dara tulǵanyń ustazdyǵy men jazýshylyq qyryn toǵystyra otyryp, qatar sýretteı bilýinde dep oılaımyn. Oǵan shyǵarmadaǵy: « Áýezov kádimgi qazaqtyń «segiz qyrly, bir syrly» deıtin kisilikti Kisisi,Uly tulǵasy.Ol ustaz ǵana emes, jazýshy ári ǵalym jáne osy qyrynyń úsheýin de aıta qalǵandaı aıqyndap alǵan , úsh mamandyǵynyń úsheýin de jetik meńgergen, úsheýinde de alyp, kúshti» ,—degen sózderi dálel bola alady. Avtor  osy atalǵan úsh qyrynyń ishinen ásirese alǵashqy ekeýin, ıaǵnı ustazdyq jáne jazýshylyq qyzmetin  ózgeshe daralap kórsetedi. Bir úzindide: «Qazaq ýnıversıtetiniń ózgelerden erek turǵan aıryqsha aıaýly qasıeti — M.Áýezovtiń  kúlli sanaly ǵumyry túp-túgel osynda ótkeni, ustazdyq etkeni — leksıa oqyǵany, adam tárbıelegeni»,— dep, uly ustaz beınesin aıshyqtaı tússe, endi birde: «Jazýshy Áýezov—s ańlaq sýretker, kórkem sózdiń has sheberi. Sóz óneri—Áýezovtiń birden—bir jáne ǵumyrlyq stıhıasy»degen joldar arqyly onyń jazýshylyǵyna  asa zor mán beredi. Osyǵan qarap, ustaz jáne qalamger beınesiniń týyndynyń basty ózegi ekenine kóz jetkizemiz.

Túıindeı kele, Z.Qabdolovtyń «Meniń Áýezovim» roman-essesiniń ón boıynda M.Áýezovtiń sanaly ǵumyry men qyzmetiniń ózara sabaqtas ustazdyq jáne jazýshylyq uǵymdary erekshe daralanyp kórinedi. Osyndaı izgilikti uǵymdardy kúlli ómirine serik etken ulaǵatty tulǵanyń  ósıet-ónegesi óskeleń urpaq úshin asa qymbat qazyna ekendigine kúmán joq.

---