InfoHub Logo

Сабақтың тақырыбы: Көңілді дыбыстар
Сабақтың мақсаты: оқушы музыканы сүюге, әр музыкалық шығарманы түсіне тыңдап орындауға, өнерлі тұлға болуға құлшындыру.
Сабақтың міндеті: музыкалық қабілетін дамытып, музыкалық - эстетикалық қабілетін ашу, есту, есте сақтау, сезіну қабілеттерін өз білімдерін тереңдету үшін қолдануға машықтандыру.
Сабақтың түрі: жаңа сабақ.
Сабақтың әдісі: дауыс ашу, ән айту, музыка тыңдау, әңгімелеу, сұрақ - жауап.

Сабақтың барысы:
Дауыс жаттығуы: (Демді дұрыс ала отырып, дауыс жаттығуын жасау ).
Ұйымдастыру кезеңі:
Сұрақтар:
- Кешегі сабақта біз Табиғатпен үндескен аспаптар туралы өткенбіз.
Тембр - дегеніміз не?
Музыкалық аспаптар да өз дыбыс тембріне қалай жіктеледі?
Аспаптардың қайсысынан бір - біріне ұқсас үн естисің?

Жаңа сабақ:
Музыка әлемінде көңілді дыбыстар көп кездеседі. Көңілді дыбыстар бізге шаттыққа толы көңіл күй сыйлайды. Көңілді әуен тыңдағанда көтеріңкі көңілде боламыз. Шалқып ән салып, би билегіміз келеді. Музыкалық дыбыстарға – ән, әуен, музыкалық аспаптардың дыбысы, күйлер жатады. Көңіл күй дегеніміз түрлі сезім – қуаныш, мұң, тамашалау, тамсану, көңілді, көңілсіз сәттеріміз. Ал музыкалық көңіл күй – осы сезімдердің музыкада бейнеленуі. Музыканың көмегімен ән, жыр, күйлер мен бидің түрлі көңіл күйін білуге болады. Музыканың мол мүмкіндігінің арқасында біз әсем табиғат пен адамдардың, құстар мен жан - жануарлардың көңіл күйін, көңілді - көңілсіз дыбыстар ажырата аламыз.
Музыкалық сауат:
Биік Төмен
Музыкада биік, төмен дыбыстар бар. Биік дыбыстар – жіңішке, төмен дыбыстар – жуан естіледі.

Дәптермен жұмыс:
Жаңа тақырыпты және әннің сөзін ұмытып қалмау үшін дәптерге жазу.

Ән үйрену: Ән үйрену барысында дауыс бояуына (тембр), дыбыс биіктігінің таза орындалуына назар аударылады.

Музыка тыңдау:
Сергіту сәті: Қимылды жаттығу.
Менің елім – Қазақстан (қолды жүректің тұсына қойып, алға созып, шапалақтау).
Менің Республикам – Қазақстан (қолды жүректің тұсына қойып, жоғары созып, шапалақтау).

Сабақты қорытындылау:
Көңілді дыбыстар дегеніміз не?
Көңіл күй дегеніміз не?
Биік, төмен дыбыстар қалай орындалады?

Үйге тапсырма беру:
«Көңілді күн» әнін жаттау. «Туған жер» тақырыбына сурет салу.