InfoHub Logo

Qazaqstan Respýblıkasynyń Tuńǵysh Prezıdent kúni 2011 jyly 10 jeltoqsanda Parlament senatynyń májilisinde «Memlekettik merekeler týraly» zańnamaǵa qol qoıylǵan sátten bastap belgilengeni málim. Tuńǵysh prezıdent kúnin atap ótý ár jyly 1-jeltoqsanda N.Nazarbaevtyń memleket aldyndaǵy  zor jetistikterin tanytý maqsatynda uıymdastyryldy. Elimizdiń irgetasyn qalap, shekarasyn anyqtap, bolashaqqa baǵyt-baǵdar bergen Tuńǵysh Prezıdenttiń halyq aldyndaǵy eńbegi ushan-teńiz. N.Á. Nazarbaev respýblıkany basqarǵan jyldary memlekettiń barlyq salasynda zor tabystarǵa jetkeni málim. Elbasy N.Nazarbaevtyń syndarly saıasaty nátıjesinde táýelsiz Qazaq eli qalyptasyp, tarıhymyz túgendelip, tilimiz, dinimiz jáne dilimiz qaıta jańǵyryp, memleketimizdiń Ulttyq rámizderi qabyldandy. Sondaı-aq, Qazaqstannyń shynaıy egemendigin qamtamasyz etken mańyzdy memlekettik aktilerge qol qoıyldy. Sonyń ishinde eń mańyzdy qujattyń biri - 1991 jyly 29 tamyzda Elbasynyń «Semeı ıadrolyq polıgonyn jabý týraly» Jarlyǵy shyqqanyn aıtqan jón. Prezıdent jarlyqtarymen 1991 jyldyń 25 qazanynda «Qaýipsizdik keńesi» jáne «Memlekettik qorǵanys mınıstrligi» quryldy. Qazaqstan Respýblıkasynyń aýmaǵy qazirgi shekaralarynda birtutas, bólinbeıtin jáne qol suǵýǵa bolmaıtyn terıtorıa bolyp tabylady. Aıta keter jaıt, tańdaýdyń bul kúnge túsýi - 1991 jyldyń 1- jeltoqsan kúni táýelsiz elimizde Tunǵysh Prezıdent saılaýy ótip, Elbasy halyqtyń zor senimine ıe bolyp, ıaǵnı saılaýshylardyń 98,78 paıyz daýyspen jeńiske jetken bolatyn. Keńestik júıeden shyńdalyp shyqqan N.Nazarbaev -táýelsiz memlekettiń negizin qalap, elimizdiń órkendeýine ólsheýsiz úles qosqan birtýar tulǵa, ekonomıkany qarqyndy damytý men halyqtyń ál-aýqatyn arttyrýda aıryqsha tabystarǵa qol jetkizgen kemel kóshbasshyǵa aınaldy. 1991 jyldyń 1-jeltoqsany men 2019 jyldyń 19-sáýir aralyǵynda 28 jyl el basqarǵan kemengerliginiń arqasy dep bilemiz. Elbasynyń qazirgi qezde «Nur Otan» partıasynyń jetekshisi jáne Qaýipsizdik keńesiniń tóraǵasy bolyp qyzmet atqarýda. Táýelsizdik jyldaryndaǵy elimizdiń ósip-órkendeýi men jańǵyrýyna zor úles qosqan Ult Kóshbasshysy N.Nazarbaev tulǵasy -  tarıhı fenomen bolary daýsyz.

Ý.M.Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti, tarıh ǵylymdarynyń kandıdaty
A.A.Sýltanbekov Ál-Farabı atyndaǵy QazUÝ-niń Geografıa jáne Tabıǵatty paıdalaný fakúltetiniń 1-kýrs stýdenti

---