InfoHub Logo

Stýdenttik ómir jastardyń eń kóńildi, áserli, sharshaý men ýaıymdy bilmeı, izdenýmen, úırenýmen, tanysýmen, tabysýmen ótetin erekshe shaǵy. Bul kezde bilim keńistigiń, kóńil kókjıegiń keńeıip, mahabbat pen ǵashyqtyq otynyń da ystyǵyna kúıip, jalynyna sharpyla júretin kez. Oqý ordasynda talaı  dos taýyp áziliń jarasyp, qurby-qurdaspen kúlip-oınap ótetin kúnder de kóp. Stýdentter jastyq kúsh-qýaty men energıasyn, ýaqytyn jańashyldyqqa umtylý men bilim alýǵa arnaı otyryp, sonymen qatar ýaqytty qyzyqty ótkizip, esten ketpeıtin keremet estelikter jasaıdy. Ár kún qýanyshqa toly bolǵanymen erekshe ótetin kúnder de bolady. 

Búkil Qazaqstan boıynsha atalyp ótiletin merekelerden bólek barsha stýdentter qaýymy úshin aıtýly mereke – «Stýdentter kúni».  Jańa tyń ıdeıalarǵa toly stýdentter ózderine arnalǵan bul kúndi erekshe atap ótetini aıtpasa da belgili.

Stýdentter kúniniń tarıhyn eske túsireıik. 1939 jyly 16 qarasha kúni pragalyq stýdentter men ustazdar nemis basqynshylaryna qarsy kóteriliske shyqty. Kóterilisti basý barysynda stýdent Ian Opletal qaza tapty. Bul stýdenttiń janazasy búkilhalyqtyq qarsylyqqa ulasty. Stýdentterdiń kóterilisiniń nátıjesinde 1939 jyldyń 17 qarashasynda cheh joǵary oqý oryndaryn jaýyp, 10 stýdentti atyp, 1200 kóteriliske qatysqan stýdentteri konslagerge japty. Eki jyl ótken soń 1941 jyly Londonda ótken nasızmge qarsy stýdentterdiń Halyqaralyq kezdesýinde, Chehoslavak komýnısi Otto Shlıngtiń usynysymen bul kúndi, qaza tapqandar qurmetine, jyl saıyn stýdentter kúni retinde atap ótý sheshimi qabyldandy. 

Bul kún kóptegen elderdegi stýdentter arasynda óte keremet toılanady. Ár jyl saıyn dúrkirep ótetin bul kúnge 2020 jyldyń bul derti de kedergi emes. Bizdiń belsendi stýdentterimiz bul jyly da ózderiniń tól merekesin qyzyqty ótkizbek. Olar ár stýdentterdi jeke quttyqtap, olar birge bolmasa da konferensıa arqyly júzdespek. 

Qazaqstandaǵy jáne álemdegi barlyq stýdentterdi tól merekesimen quttyqtaımyz!

 

Ál-Farabı atyndaǵy Qazaq ulttyq ýnıversıtetiniń 
Qazaqstan tarıhy kafedrasynyń dosenti T.Ǵ.K
Jumadil Mahabbat Toqtarqyzy

---